LOUKAS Ka Jinglamphrang
Ka Jinglamphrang
Ka Gospel Kat Kum U Loukas ka wanrah ïa U Jisu kum U Nongpynim ba la kular jong ka Israel bad ruh kum U Nongpynim ïa u bynriew baroh. Ka Gospel Kat Kum U Loukas ka buh jingthoh ba ïa U Jisu la khot da U Mynsiem jong U Trai ban “wallam ka khubor kaba bha ha kiba duk” (4:18), bad ïa kane ka Gospel la pyndap da ka jingsngewkhia ïa ki briew kiba don bun jait ki jingdonkam. Ka jingsawa ka jingkmen ka paw bha ha Ka Gospel Kat Kum U Loukas, kyrpang ha ki lynnong kiba sha khmat kiba pynbna ïa ka jingwan jong U Jisu, bad kumjuh ha kaba pynkut, haba U Jisu u kiew sha bneng. Ka jingïathuhkhana ïa ka jingsan bad ka jingroi jong ka jingngeit Khristan hadien ka jingkiew noh jong U Jisu la ïathuh da ujuh u nongthoh ha Ka Kitab Ki Kam Ki Apostol.
Ka bynta kaba ar bad kaba hynriew ha ki jingkdew harum ka don shibun ki thup kiba la shem tang ha kane ka Gospel, kum ki jingïathuhkhana shaphang ka jingrwai jong ki angel bad ka jingleit jngoh jong ki nongap langbrot ha ka por ba la kha ïa U Jisu, U Jisu ha ka Templ kum u khynnah, bad ki pharshi u nong Samaria uba bha bad u khun ba la jah noh. Ha ka Gospel baroh kawei la kham ban ha kaba ïadei bad ka jingduwai, U Mynsiem Bakhuid, ka bynta jong ki kynthei ha ka jingtrei jong U Jisu, bad ka jingmap U Blei ïa ki pop.
Ki Jingkdew
Ka jinglamphrang 1:1-4
Ka jingkha bad jinglong khynnah jong u Ïoannis Nongpynbaptis bad jong U Jisu 1:5—2:52
Ka jingtrei u Ïoannis Nongpynbaptis 3:1-20
Ka jingpynbaptis bad jingpynshoi ïa U Jisu 3:21—4:13
Ka jingtrei bapaw U Jisu ha Galilaïa 4:14—9:50
Na Galilaïa sha Jerusalem 9:51—19:27
Ka taïew bakhatduh ha bad hajan Jerusalem 19:28—23:56
Ka jingmihpat, ki jingmihpaw, bad ka jingkiew noh jong U Trai 24:1-53
Currently Selected:
LOUKAS Ka Jinglamphrang: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.