KOLOSSAI Ka Jinglamphrang
Ka Jinglamphrang
Ïa Ka Shithi U Paul Sha Ki Nong Kolossai la thoh sha ka balang ha Kolossai, ka shnong ha Asia Minor shaphang mihngi na Ephesos. Ïa kane ka balang ym shym la seng da u Paul, hynrei ka la don ha ka jaka ïa kaba u Paul u la sngew kitkhlieh, haba u la phah ïa ki nongtrei na Ephesos, ka nongbah jong ka probins#1:0 probins: Kane ka dei ba shu bud beit ïa ka kyntien Province ha ka jingspeldak Khasi. ka Hima Rom ha Asia. U Paul u la ïoh jingtip ba la don ki nonghikai lamler ha ka balang ha Kolossai kiba la ban ba khnang ban tip ïa U Blei ban ïoh ïa ka jingpynim ba-pura uno uno u dei ban mane ïa ki katto katne “ki bor bad ki nongsynshar ba kynja mynsiem.” Nalor kane, kine ki nonghikai ki la ong, uno uno u dei ban pyndem ha ki jinglehniam bakyrpang kum ka jingotsher bad u dei ban bat pyrkhing ïa ki aiñ shaphang ki jingbam bad kiwei pat.
U Paul u thoh ban pyrshah ïa kine ki jinghikai da ka khubor Khristan kaba shisha. Ka pdeng jong ka jingjubab jong u ka long ba U Jisu Khrist u lah ban ai ïa ka jingim kaba pura bad ba kine kiwei pat ki jingngeit bad ki jingleh ki ïalam jngai shisha na u. Lyngba U Khrist, U Blei u la thaw ïa ka pyrthei bad da u, u wanrah ïa ka pat sha lade. Dei tang ha U Khrist ba ka don ka jingkyrmen ïa ka jingpynim ïa ka pyrthei. U Paul u pynshai ïa ki jingmut jong kane ka jinghikai kaba khraw na ka bynta ka jingim jong kiba ngeit.
Ka long kaba sngewtynnat ba ïa u Tukhikos, uba leit rah ïa kane ka shithi sha Kolossai na ka bynta u Paul, la synran da u Onesimos, u mraw uba na ka bynta jong u, u Paul u la thoh sha u Philemon.
Ki Jingkdew
Ka jinglamphrang 1:1-8
Ka jinglong bad ka jingtrei U Khrist 1:9—2:19
Ka jingim bathymmai ha U Khrist 2:20—4:6
Ka jingpynkut 4:7-18
Currently Selected:
KOLOSSAI Ka Jinglamphrang: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.