2 KORINTH 5
5
1Ei umna hnuoia in hi ṭiek sien khawm, vânah, in kuta bawl lo, kumkhuoa um zing ding, Pathien kuoma in nghet chu ei nei ti ei hriet si a.
2Vâna ei umna ding sil thuo inhâwk bêk bêkin hi ina hin ei inrûm tak meu hlak si a; chuong anga silin um inla, saruokin um nâwng ei tih.
3Eini hi umnaa umhai hi rik phurin ei inrûm takzet si a;
4sil lova um ei nuom lei a ni naw a, sil thuoa um ei nuom lei a nih, thithei hi hringna ilem zoa a um theina dingin.
5Chun, chu thil ngei dinga a mibuotsaitu chu Pathien a nih, zakhamna Thlarau mi petu kha.
6Chuongchun, taksaa ei um sûngin, Lalpa kuomah ei um nawh ti hrein kumkhuoin muongtakin ei um hlak;
7(hmutheia fe lovin, ringnain ei fe lem si a);
8muongtakin ei um ka ti a nih, taksaa um lova Lalpa kuoma um ei nuom lem.
9Chuleiin, um inla um naw inla khawm, ama lâwm zâwng ni ei tum tlat hlak a nih.
10 #
Rom 14.10
Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.
Inremna rawngbâwl sin
11Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.
12In kuomah kan inhrilmawi nâwk a ni naw a, lungril tieng ni lova, ân lang el zawngtuhai chu ieng amanih dawnna in nei theina dingin keini tienga suongna san siempêk cheuin kan hril lem a nih.
13Kan invêt leh Pathien ta ding a na, kan var leh nangni ta ding a ni si a.
14Krista hmangaina chun keini a mi tirlui a nih, hieng ang hin kan ngaituo; mi po po thi aiin mi pakhat a thi a, chuleiin, mi po po chu an thi a nih.
15Chun, a hringhai chu anni ta dinga hring ni ta lova, an thi aia thia thonâwk ta ding chun an hring ta lemna dingin a nih, mi po po aia a thi chu.
16Chuleichun, tuta inthawk chu, mihriem en dânin tukhawm kan en ta nawh; inhma khan mihriem hriet dânin Krista lo hre ta inlang khawm, tuhin chu chuong ang chun kan hriet ta nawh.
17Chuleichun, tûkhawm Kristaa a um chun thilsiem thar a hung ni ta a; thil hluihai chu a bo ta a, ngai ta u, a hung thar tah.
18Nisienlakhawm, iengkim Pathiena inthawka suok a nih; ama chun Krista leiin ama le inremin a mi siem a, inremna rawngbâwl sin a mi pêk a;
19khânga, Pathienin Kristaa chun khawvêl#Mi po po chu ruolah a siem a hi ama le inremin a siem a, an bawsietnahai chu bawsietnaa ruot pêk lovin, inremna thu a mîn kawltir kha.
20Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.
21Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.
Currently Selected:
2 KORINTH 5: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
