2 KORINTH 4
4
Pil bêla ro um chu
1Chuleichun, lunginsietna kan hmu ang peia hi rawngbâwlna hi kan nei leiin kan dawl naw a;
2thil inzâpuium inthuphai chu kan mâk ta lem a; zâwrna thu kan hmang naw a, Pathien thu mi hlêmnain kan hmang bawk naw a; thutak inhriettirin Pathien mithmuin mi tin sie le ṭha hrietna mit kan intlungtir lem hlak a nih.
3Nisienlakhawm, kan Chanchin Ṭha hi inkhuma a um chun bohmang mêkhaia hin a nih inkhuma a um chu.
4Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.
5Mâni thu kan hril si naw a, Krista Isu chu Lalpa a ni kan hril lem hlak, keini khawm Isu leiin suok kan ni kan hril bawk hlak.
6 #
Gen 1.3
Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.
7Nisienlakhawm, thilthawtheina nasatzie chu keini kuoma inthawk ni lovin, Pathien ta a ni thei lemna dingin, chu ro chu pil bêlahai kan kawl a nih.
8Khing tieng khing tienga hnengdein kan um a, nisienlakhawm, kan thuok a dawng si nawh; lunginzîngin kan um a, nisienlakhawm, kan bei a dawng si nawh.
9Suknawmnatin kan um a, nisienlakhawm, mâksanin kan um si nawh; vuok thlûkin kan um a; nisienlakhawm, sukbohmangin kan um si nawh.
10Kan taksaa hin kumkhuoin Isu thina chu kan put pei hlak a, Isu hringna khawm kan taksaa hin ân lang theina dingin.
11Keini hringa la umhai hi, Isu leia thi dingin inmantirin kan um rawp a, Isu hringna khawm kan taksa thi theia hin ân lang theina dingin.
12Chuongchun, keinia hin thinain sin a thaw hlak a, nangnia ruok chu hringnain sin a thaw hlak a nih.
13 #
Sm 116.10
Amiruokchu, “Ka awia, chuleiin thu ka hril a nih,” ti ziek ang khan, chu ringna lungril ngai chu putin, keini khawmin kan awi ve a, chuleiin thu kan hril bawk a;
14Lalpa Isu keithotu chun keini khawm Isu kuomah a mi keitho ve ding a na; nangni leh a mîn ngîrtir ding a nih ti kan hriet si a.
15Iengkim nangni ṭhatna ding a ni si a, lunginsietna chu mi tam lem zâra sukpunga umin, Pathien ropuina dinga lâwmthu nasatak ân hriltir theina dingin.
Ringnaa Hring
16Chuleichun, kan dawl naw a, kan puotieng mihriem hi hung awngrawp tieu tieu sien khawm kan sûng tieng mihriem chu ni tin siem thar peiin a um lem a nih.
17Kan rinum nêptak, hi mit inkhap kâr chaua um ding hin ropuina nasatak, kumkhuoa dingin a mi siem pêk nasa deu deu a nih;
18thil hmuthei hi en lovin, thil hmutheinawhai chu kan en lem si a; thil hmutheihai hi sâwtnawtêa ding a na, thil hmutheinawhai ruok chu kumkhuoa ding a ni si a.
Currently Selected:
2 KORINTH 4: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
