2 KORINTH 2
2
1Nisienlakhawm, keia tieng thua chun hi hi ka lo tum tlat a nih, lungngai pum chun in kuoma hung ta lo dingin.
2Keiin ka suklungngai si cheu chun ka isuklungngai bawk naw chu tû am a mi suklâwmtu nîng a ta?
3Chuleichun, kha ngei kha ka ziek a nih; chuong naw chun ka hung pha ka lâwmna dinghai laia inthawkin lungngaina hmu rawi ka tih; ka lâwmna chu in rênga in lâwmna a ni ka ring pêk si cheu a.
4Mitthli tamtak tla pumin, lungril rinum le thlaphângtaka ka ziek a ni kha; chu chu suklungngaia in umna ding a ni naw a, in chunga hmangaina nasa nâwk zuol ka nei hi in hriet theina lem dingin a nih.
Thil suksuoltu sim ngaidamna
5Nisienlakhawm, tûkhawmin mihai a suklungngai chun, keima chau a mi suklungngai a ni naw a; hril uor taluo ni lovin, iemani chenah, a sukna seng cheu a nih.
6Chuong ang mi chu mi tam lemin in hrem chu a huntâwk.
7Chuongchun, hrem nâwkzuol nêk hmanin in ngaidamin, in thlamuon lem ding a nih; chuong naw chun, iengamanih tiin chuong ang mi chu lungngai taluotnain lem zo rawi a tih.
8Chuleichun, ama tienga in hmangaina chu sukdet zuol dingin ka ngên cheu a nih.
9Hi lei khawm hin ka ziek a nih: kawng tinrêngah thu in awi le in awinaw kân fie theina ding cheuin.
10Ieng kawnga khawm mi in ngaidam taphawt chu, kei khawmin ka ngaidam ve a; kei khawma ka ngaidam tasa chu, iengkhawm ka ngaidam ta chun, nangni leiin Krista hmaa chun ka ngaidam tah a nih;
11chuong naw chun, Setanin mi tlâkkhal rawi a tih, a zâwrna chu ei inhmai si naw a.
Troas khuoa Paula lunginrimna
12Chun, Krista Chanchin Ṭha hril dinga Troas ka tlung lai khan, Lalpaa chun lampui an mi hawngpêk nâka chu,
13 #
Tt 20.1
ka unaupa Tita ka hmu naw leiin ka thlarau tieng chun muongna hrim hrim ka nei chuong naw a; chuongchun, anni chu bau ṭhain ka ṭhe a, Makedonia ramah ka fe ta a.
Kristien hnêna
14Nisienlakhawm, Kristaa hnênaa mi ṭhuoi rawptu le keini hmanga hmun tina ama hrietna rim inhriettirtu Pathien kuoma chun lâwmthu um raw se.
15Sandam mêkhaia le, bohmang mêkhaia chun, Pathien ta dingin Krista rim inhnik kan ni si a,
16pâwl khathai ta ding chun, thinaa inthawka thina ding rim kan lo ni a, pâwl danghai ta ding chun, hringnaa inthawka hringna ding rim kan lo nih.
17Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si naw a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.
Currently Selected:
2 KORINTH 2: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
