2 KORINTH 1
1
Chibai bûkna
1 #
Tt 18.1
Paula, Pathien ditzâwnga Krista Isu tirko le ei unaupa Timothe chun: Korintha Pathien kohran umhai kuomah, Akaia rama mi inthieng um po pohai kuoma leh:
2Pathien ei Pa le Lalpa Isu Krista kuoma inthawka lunginsietna le inremna in kuomah um raw se.
Tuorna leia Paula lâwmthu hrilna
3Ei Lalpa Isu Krista Pathien le Pa, lunginsietnahai Pa le thlamuongna po po Pathien chu inpâkin um raw se.
4Pathienin keini a mi thlamuonna ngeiin, rinum ieng anga umhai khawm chu kan thlamuon ve theina dingin, ama chun kan rinumna po poah a mi thlamuon hlak.
5Krista tuornahai chu kan chungah a sipliem angtakin kan thlamuongna hi Krista zârah a sipliem a nih.
6Nisienlakhawm, rinuma kan um leh nangnirawi thlamuongna ding le sandamna ding a na, thlamuonga kan um leh nangni thlamuong vena ding a nih; chu chun ka rinum tuor bawk hi seltaka in tuornaa chun a thaw hlak a nih.
7Chun, rinumna chang vehai in ni angin, thlamuongna chang vehai in ni bawk ti kan hrietin, kan beisei pêkna cheu hi a det a nih.
8 #
1 Kor 15.32
Unauhai, Asia rama kan chunga rinumna tlung thu kha in hriet naw kan nuom naw a, khânga nasataka tuor zo ruol lova, dam hrim khawm beisei lo khawp hiela deldea kan um kha.
9Anih, keinia chun thi chau hmabâk tah angah kan inhriet a, chu chu mâni inring lova Pathien, mithi keithotu chu, kan ring lemna ding a lo nih.
10Ama chun chuong ang lâwma thina nasaa inthawk chun a mi lo sansuok ta a, mi la sansuok nâwk a ta: mi la sansuok nâwk pei a tih ti kan beisei tlat a nih,
11ṭawngṭaina tamtak dawnnaa malsâwmna kan dawnghai leiin mi tamtakin kan aia lâwmthu hrilna an nei theina dingin nangni khawma ṭawngṭainain mi ṭhangruolpui tlat ro.
Paula lunginrimna le sâwldamna
12Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.
13In tiem hlak a, a awi khawm in iawi bawk hlak naw kha chu, in kuomah thu dang iengkhawm kan ziek naw a, a tâwp chenin kan thu in awi kan beisei bawk a nih.
14Ei Lalpa Isu nia chun nangni kan isuonghai in ni ding a nih ti nangni mi ṭhenkhatin in mi awipêk ta ang khan.
15Chun, chu ringna chu neiin, lunginsietna lêt hni in hmu theina dingin in kuomah hung hmasa lang ka ti a,
16 #
Tt 19.21
nangni sir malamin Makedonia ramah fe pei lang, Makedonia rama inthawkin nangni kuoma hung lêt nâwk dingin. Chun, Judai rama ka fena dinga chun nangni mîn thlain um lang ka ti bawk a.
17Chuongchun, chuong ang ka lungril lai khan kan lungril det nawzie inentir am ka nih? Annawleh, ka kuomah, “A nih, a nih,” ti le, “A ni nawh, a ni nawh,” ti chu um ve ve dingin, thil thaw ka tum hlak chu tisa angin am a ni ka tum?
18Iengkhawm ni raw se, Pathien a ringum angin, nangni tienga ka thu hi “A nih” ti le, “A ni nawh,” ti a ni ve ve si nawh.
19 #
Tt 18.5
Pathien Naupa Isu Krista, a thu kei le Silvan le Timothein kan ihril kha, “A nih” le “A ni nawh,” a ni ve ve si naw a; amaa chun, “A nih,” ti a um lem a nih.
20Pathien thutiem chu iengzât khawm ni sien la, amaa chun, “A nih,” ti chu a um si a. Chuongchun, ama lei khawmin, “Amen,” ti chu a um a nih, keinihai leia Pathien ropuina dingin.
21Chun, Kristaa nangni le a mi sukdettu le hriek mi nâltu chu Pathien a nih;
22ama chu a mîn chiktu le ei lungrila zakhamna thlarau mi petu a ni bawk a.
23Nisienlakhawm, ka thlarau chunga hretu dingin Pathien ka ko a nih, nangni hla ding cheuin a nih Korinth khuoa ka hung ta naw.
24In ringna chungah inlalna ka nei ka ti naw a, in lâwmna ṭhangpuitu ka nih, ka ti lem a nih, ringnaa ngîr in ni si a.
Currently Selected:
2 KORINTH 1: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
