1 KORINTH 16
16
Mi inthienghai ta dinga thawlâwm
1 #
Rom 15.25-26
Chun, mi inthienghai ta dinga thawlâwm thu kha chu, Galati rama kohran hai kuomah thu ka pêk angin nangni khawmin lo thaw ve ro.
2Ni saria ni hmasatak peia chun mi tinin, malsâwmna in hmu zie ang peiin siekhâwl seng unla, ka hung phaa thawlâwm dâwl hrim a um nawna dingin.
3Chun, in lunginsietna thilpêk chu Jerusalema fepui dingin ka hung tlung phaleh tûkhawm ṭha in ti ti lekhahai chawiin tir ka tih.
4Chun, ka fe vena âwm a ni lem chun, kei leh fêng an tih.
Ân zin tumna
5 #
Tt 19.21
Chun, Makedonia ram ka fang suok hnungin in kuomah hung ka tih: Makedonia ram chu ka fang hrim hrim ding a ni si a.
6Nangni kuoma ruok chu ka châm zing a ni thei, thlasik sûng po khawm a ni el thei; khâwlai khawm ka fena taphawta nangniin in mîn thla theina dingin.
7Tuta fe malam ela hmu cheu ka nuom naw a, Lalpain rem a ti chun in kuoma sâwt deu châm ka beisei si a.
8 #
Lev 23.15-21; Dt 16.9-11 Nisienlakhawm, Pentikost chen Ephesia hin châm zing ka tih,
9 #
Tt 19.8-10
kawtkhâr lientak le ṭangkai tak chu ka ta dingin ân hawng si a, dotuhai tamtak an um bawk.
10 #
1 Kor 4.17
Chun, Timothe kha a hung tlung chun ṭi lova in kuoma a umna dingin fîmkhur ro; keiin ka thaw ang bawkin Lalpa sin chu a thaw si a.
11Chuleiin, tûkhawmin hmusit naw raw se; ka kuoma a hung theina dingin thlamuongtakin inthla lem ro, unauhai ruolin ama lo hmu ka beisei si a.
12Ei unau Appolo thu kha chu, unauhai ruola in kuoma hung dingin ka ngên rak a, anachu, tuta ṭum chu hung a nuom naw tawp el; a remchâng pha ruok chu hung a tih.
Infuina le inthlana
13Invêng unla, ringnaa chun ngîr det unla, insukhuoi unla, hrâttakin um ro,
14In thaw taphawt chu hmangainaa thaw ni raw se.
15 #
1 Kor 1.16
Unauhai, ka ngên cheu a nih: Stephan sûnghai chu Akaia rama awihai hmaṭhuoitu an na, mi inthienghai rawng bâwl dingin an inpêk ti in hriet a,
16chuong ang mihai kuoma le sinthawa ṭhangpui le sin inrim taphawt kuoma chun intuklût dingin.
17Chun, Stephan hai, Phortunata hai, Akaika hai an hung hi ka lâwm a nih, in um naw khawm inlang lova an mi siem lei hin.
18Anni hin ka lungril le nangni lungril an mi sukhar si a; chuongchun, hieng ang mi hi lâwm ro.
19 #
Tt 18.2
Asia ram kohranhai hin chibai an bûk cheu. Akuila le Priskilla, an ina kohran inkhawmhai le hin Lalpaa chun chibai tamtakin an bûk cheu.
20Unau po po hin chibai an bûk cheu. Infâwp inthiengin chibai inbûk seng ro.
21Kei Paulain keima kut ngeia chibai ka bûkna cheu a ni hi.
22Tûkhawmin Lalpa a hmangai naw chun ṭawngsephurin um raw se.#Anathema Ei Lalpa chu a hung ie#Maranatha .
23Lalpa Isu Krista lunginsietna chu in kuomah um raw se.
24Krista Isua ka hmangaina hi in rênga kuomah um raw se. Amen.
Currently Selected:
1 KORINTH 16: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
