ROM 16
16
Chibai bûkna
1Ei farnu Phoibi, Kenkrieia kohran rawngbâwltu hi in- hmêlhriettir cheu ka nuom a nih:
2Lalpa hminga mi inthienghai ang bawka in lo lâwmna ding le, in ṭhangpui a ngaina poa in ṭhangpui theina dingin. Ama ngei khawm hi mi tamtak ṭhangpuitu a lo ni hlak a, kei ngei khawm a m i ṭhangpui a nih.
3 #
Tt 18.2
Priskilla le Akuila kha chibai mi bûkpêk ro, Krista Isua ka sin thawpui, ka nun sanhimna dinga, rîng daw ngamhai an nih.
4Kei chau ni loin Jentail kohran po poin anni kuoma chun lâwmthu an hril a nih.
5An ina kohran inkhâwmhai chu chibai mi bûkpêk bawk ro.
Ka dittak, Epainet, Asia rama Krista awi hmasatak kha chibai mi bûkpêk ro.
6Mari in ta dinga inrimnu kha, chibai mi bûkpêk ro.
7Ka chipui Andronika le Junia kân tângpuihai kha chibai mi bûkpêk ro; anni chu tirkohai laia hming inthang an na, keia nêka Kristaa um hmasa lem an nih.
8Amplia Lalpaa ka dittak kha, chibai mi bûkpêk ro.
9Kristaa kan sinthawpui Urbana le ka dittak Sitaku kha chibai mi bûk- pêk ro.
10Kristaa mi tak, Apellia kha chi- bai mi bûkpêk ro. Aristobul sûnghai laia mihai kha chibai mi bûkpêk ro.
11Ka chipui, Herodion kha chibai mi bûkpêk ro. Narkissa sûnghai laia Lalpaa umhai kha chibai mi bûkpêk ro.
12Truphaina le Truphossa, Lalpaa sinthaw inrimhlakhai kha, chibai mi bûkpêk ro. Dittak Persi, Lalpaa sin thaw inrim bêk bêk ta kha chibai mi bûkpêk ro.
13 #
Mk 15.21
Lalpaa thlang, Rufa le a nu, ka nu ve bawk kha, chibai mi bûk pêk ro.
14Asunkrita hai, Phlegon hai, Hermia hai, Patroba hai, Herma hai, an kuoma unau umhai leh chibai mi bûkpêk ro.
15Philologo le Julli, Nire le a farnu leh Olumpa leh an kuoma mi inthieng umhai po po le khan chibai mi bûkpêk ro.
16Infâwp inthiengin chibai inbûk ro. Krista kohranhai po poin chibai an bûk tâwl cheu.
17Chun, unauhai, inchûktirna thu, nangni inchûk nawna tieng pang in- ṭhena le tlukna siemtuhai chu vêng ṭha dingin le nghatsan dingin ka ngên cheu.
18Chuong ang mihai chun, ei Lalpa Krista rawng chu an bâwl nawh a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.
19In awizie chu mi po po kuomah ân thang suok ta sih a. Chuleiin, nangni chungthuah ka lâwm a nih; nisienlakhawm, a ṭha tieng in vara, a suol tieng in var naw ka nuom a nih.
20Chun, Remna Pathien chun, in kepha hnuoiah um dingin Setan chu hung suknawi vak a tih. Lalpa Isu Krista lunginsietna chu in kuomah um raw se.
21 #
Tt 16.1 Ka sinthawpui Timothe le ka chipui Lukia hai, Jason hai, Sosi- pater hai rawiin chibai an bûk cheu.
22Kei Terti, hi lekhathawn ziektu hin Lalpa hmingin chibai ka bûk cheu.
23 #
Tt 19.29; 1 Kor 1.14; 2 Tim 4.20 Kei le kohranhai po po tlungin- pa, Gaia chun chibai a bûk cheu. Khuoa sum enkawltu Erasta le, a unaupa Kuorta chun chibai an bûk cheu.
24Ei Lalpa Isu Krista lungin- sietna chu in kuomah um raw se. Amen.
Thu khâr ṭawngṭaina
25Tuhin ama chun, ka Chanchin Ṭha hril le, Krista thuhril le, kumkhuoa thurûk inthup suklanga um anga chun nangni a sukhrât thei cheu a.
26Chu thurûk chu kumkhuo Pathien thupêk angin zâwlneihai le- khathuin hnam tin kuomah inhriettir a ni tah a, mi tinin an ringa an zâwm theina dingin.
27Ama Pathien var tak chau kuom ngeia chun Isu Krista leiin kumkhuoin ropuina um raw se, Amen.
Currently Selected:
ROM 16: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
