1 KORINTH 1
1
Chibai bûkna
1Paula, Pathien ditzâwnga Isu Krista tirko dinga ko le unaupa Sosthen chun:
2 #
Tt 18.1 Korintha Pathien kohran umhai, Krista Isua sukthieng, mi inthieng ni dinga kohai kuomah, ram tina ei Lalpa (anni le eini Lalpa) Isu Krista hming lamtuhai po po kuoma leh.
3Pathien ei Pa le Lalpa Isu Krista kuoma inthawkin lunginsietna le inremna in kuomah um raw se.
Thlarau tieng thilpêk leia lâwmthu hrilna
4Krista Isua Pathien lunginsietna in kuoma pêka um lei khan in chungthuah Pathien kuomah lâwm- thu ka hril rawp hlak a nih.
5Iengkimah, thu hril tinrêng le hrietna tinrêngah amaa chun suk- hausaa in um thua khan;
6chuongchun, Krista thu inhriet- tira um kha nangnia sukdetin a um kha;
7chuongchun, ei Lalpa Isu Krista inlârna nghâkin thilpêk hrim hrimah in hlawtling naw nawh a.
8Ama chun ei Lalpa Isu Krista niah sawisêlboa in um theina dingin a tâwp chenin sukdet bawk a ti cheu.
9Pathien a Naupa ei Lalpa Isu Krista pâwlnaa ko lûttu cheu kha ring a um a nih.
Kohran laia inṭhena
10Chun, unauhai, in rênga thu hmunkhat in hril a, nangni lai inṭhena hrim a um nawna dingin, lungril hmunkhat le ngaituo hmunkhata feltaka in inzawm tlat lemna dingin ei Lalpa Isu Krista hmingin ka ngên cheu.
11Ka unauhai, in chungchâng thu chu, nangni lai insêlnahai a um ti Kloi sûnghai chun an mi hril a nih.
12 #
Tt 18.24
Hi hi a nih ka ti chu: Mi tinin, “Kei Paula pâwl ka nih,” “Kei Appolo pâwl ka nih,” “Kei chu Kipha pâwl ka nih,” “Kei chu Krista pâwl ka nih,” in ti tâwl hi.
13Krista chu ṭhein a um am a nih?#Ziekna ṭhena chun, “Krista chu ṭhe thei a ni nawh,” ti a nih Paula in aia hemdein a um am a nih? Annawleh, Paula hminga baptis- in in um am a nih?
14 #
Tt 18.8; 19.29; Rom 16.23 Krispa le Gaia naw chu nangni lai tûkhawm ka baptis naw leiin Pathien kuomah lâwmthu ka hril hlak a nih,
15chuong naw chun, keima hminga baptis in nih ti hril rawi an tih.
16 #
1 Kor 16.15 Stephan sûnghai ruok chu ka baptis bawk a, chuonghai naw chu mi dang ka baptis am ka hriet nawh.
17Krista chun baptis dingin a mi tir si nawh, Chanchin Ṭha chu hril dingin a mi tir lem a nih; thu vara hril loin; chuong naw chun, Krista kraws chu iengkhawm ni loin inchangtir rawi an tih.
Krista, Pathien thilthawtheina le varna
18Kraws thu chu bohmang zinghai ta ding chun invêtna a ni sih a, eini sandam zinghai ta ding ruok chun Pathien thilthawtheina a ni lem.
19 #
Is 29.14 “Mi var varna chu sukbohmang ka ta,
Remhre remhrietna chu peithlâng ka tih,”
ti ziek a ni sih a.
20 #
Job 12.17; Is 19.12; 33.18; 44.25 Mi var chu khâwlai am a um a? Dân hre mi khawm chu khâwlai am a um a? Hi khawvêla sêltu chu khâwlai am a um a? Pathienin khawvêl varna hi invêtthlâk a nih ti ân hriettir naw am a nih?
21Pathien varnaa chun khawvêlin varna hmanga Pathien an hmu thei naw hnungin thu hril invêt hmanga a ringtuhai sandam chu Pathienin ṭha a ti hle sih a.
22Judahai chun inchikna an phût hlak, Grik mihai khawma varna an zawng bawk hlak;
23keini ruok chun Krista hemdea um thu chu kan hril lem hlak a ni hi; chu chu Judahai ta dingin tlûkna, Jentailhai ta dingin invêtna a nih.
24Amiruokchu, Judahai khawm ni sienla, Grikhai khawm ni sienla, kohai ta ding chun Krista Pathien thilthawtheina le Pathien varna chu a nih.
25Pathien invêtna chu mihriem varna nêkin a var lem a, Pathien hrâtnawna khawm mihriem hrâtna nêkin a hrât lem sih a.
26Unauhai, a kona cheu hi ngaituo ta u, tisa tienga mi var tamtakhai, mi hrât tamtakhai, mi ṭha tamtakhai ko an ni naw zie hi;
27nisienlakhawm, Pathienin khawvêl thil invêthai chu a thlang lem a, mi varhai chu a sukmuolpho theina dingin;
28chun, khawvêl thil sie le hmusitumhai, thil umnawhai chenin a thlang a, thil umsahai chu ieng- khawm ni loa a siem theina dingin;
29chuongchun, Pathien hmaah mi tûkhawm insuong thei naw ni hai.
30Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.
31 #
Jer 9.24 Chuongchun, an ziek ang khan, “A suong taphawt chun Lalpa chu suong raw seh.”
Currently Selected:
1 KORINTH 1: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
