ROM 15
15
Mâni lâwmna nêkin mi dang lâwmna zawng ding a nih
1Chuongchun, eini mi hrâthai hin mâni lâwmna zawng loin mi hrât nawhai hrât nawna ei tuorpui lem ding a nih.
2Mâni vênghai suksâwtna dingin an ṭhatna dingin suklâwm tum seng ei tiu,
3 #
Sm 69.9
Krista khawm chun mâni lâwm- na a zawng si nawh a. “Nangma haltuhai halna che chu keia chungah a tla tah,” ti ziek ang khan a um lem.
4Pathien Lekha thua tuorselna le lungmuongna hmua beiseina ei nei theina dingin, inhmaa ziekhai ta- phawt chu eini inchûktirna dinga ziek an ni sih a.
5Tuorselna le thlamuongna Pa- thien chun Isu Krista hril angin lungril hmunkhat put dingin inumtir raw se cheu;
6ei Lalpa Isu Krista Pathien le Pa chu, lungril hmunkhat le inthuruola in chawimawi theina dingin.
7Chuleiin, Krista chun Pathien sukropuina dinga a lâwm cheu ang bawk khan#Ziek ṭhena chun hitaka hin, “Nangni ringnaa hrâthai le nangni ringnaa hrât nawhai,” ti belsa a nih (T.D.T Gany 82 vol. 33 No. 1 page 114), inlâwm tuo seng ro.
Jentailhai kuoma Chanchin Ṭha chu
8Hi hi ka ihril chu a nih: thlatuhai kuoma thutiemhai chu sukdet ding le Pathien thu ân dik ti inhriettirna dingin Krista chu sertanhai rawng- bâwltuin a hung um a;
9 #
2 Sam 22.50; Sm 18.49 lunginsietna leia Jentailhaiin Pathien an chawimawi theina dingin;
“Chuleiin, Jentailhai lai chun,
Inpâk ka ti cheh a,
I hming chawimawina dingin
Hla sak ka tih,”
tia ziek ang khan,
10 #
Dt 32.43
Chun, “Nangni Jentail po pohai,
A mihai leh lâwm ro,”
a ti nâwk a.
11 #
Sm 117.1
Chun, “Nangni Jentail po pohai,
Lalpa chu inpâk ro;
Mi po po khawmin,
Ama chu inpâk raw se,”
a ti nâwk a.
12 #
Is 11.10
Chun, Isaiin,
“Jessai zung zâm chu um a ta,
Jentailhai Lala um dingin,
A hung suok ding chu um bawk a ta,
Ama chu Jentailhai chun beisei phâng an tih,”
a ti nâwk bawk a.
13Thlarau Inthieng thilthawthei- na zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.
14Chun, ka unauhai, nangni chungthu chu, nangni ngei ṭhatnain in sip a, varna tinrêng in haua, in inkâwk tuo thei ti kei ngei khawmin indiktakin ka hriet.
15Nisienlakhawm, inhriettir nawn ding cheuin khâwlai lai hin amanih huoitakin ka ziek a nih: Pathienin a mi pêk lunginsietna lei hin Jentailhai laia Krista Isu rawng- bâwltu ka nih.
16Jentailhai inhlânna chu, Thla- rau Inthieng sukthienga lâwmtlâk an ni theina dingin Pathien Chanchin Ṭha kawngah thiempu sin ka thaw a nih.
17Chuongchun, Pathien tieng kawnga chu, Krista Isua chun suong ding ka nei a nih.
18Jentailhai inâwitir dingin Kristain thilthaw le thu hrilin keima mi hmanga a thilthawhai chau naw chu iengkhawm hril ngam si naw ning a;
19inchiknahai, thilmakhai, thil- thawtheinaa le Thlarau Inthieng thilthawtheinaa chun a mi hmang a nih. Chuleiin, Jerusalem le a vêl rama inthawkin Illurikom ram chen- in, Krista Chanchin Ṭha chu ram tinah ka hril kim tah a;
20mi dang lungphûm chunga rem ka ni nawna dingin, Chanchin Ṭha chu Krista hming lama a umna ta hmuna chun hril loin,
21“A chanchin la hril ngainawnaa mihai chun
Hmûng an ta,
A la hre ngainawhai chun,
Hrieng an tih,”#Is 52.15
ti ziek ang khan.
Paula Roma inzin a tumna
22 #
Rom 1.13 Chu lei tak khawm chun a nih, in kuoma hung ka ṭhul rawp hlak chu.
23Tu ruok hin chu hieng ram vêla hin sinthawna hmun hrim ka nei ta nawh, kum tamtak chu in kuoma hung inhâwkin ka um ta bawk a,
24Spain rama ka fe phaleh ka fe malama hmu cheu ka beisei sih a, nangni pâwl khawp deu zet lang cheu, chu tienga ka zu fenaa khawm chun nangni rawiin in mi zûn thla ka beisei bawk a nih.
25Tu ruok hin chu mi inthienghai rawngbâwl dingin Jerusalemah ka fe phawt ding a nih.
26 #
1 Kor 16.1-4
Makedonia le Akaia rama mihai chun lungâwitakin, Jeru- salema mi inthienghai laia mi rim- sihai ta dingin sum an thawlâwm ta sih a.
27 #
1 Kor 9.11
Anih, lungnitaka an thaw a nih, an kuomah an bat hrim bawk a; Jentailhaiin an thlarau tieng thilah an in ṭâwmpui si chun, khawvêl tieng thilin anni sawmdâwl ve thung a ṭûl hrim a nih.
28Chuleiin, chu chu thaw zoa, a ra khawm feltaka anni kân hmutir zoin nangni sir malamin Spain ramah fe pei ka tih.
29Chun, in kuoma ka hung pha chun, Krista Chanchin Ṭha mal- sâwmna famkim phurin hung ka tih ti ka hriet a nih.
30Unauhai, tuhin, in mi ṭawngṭai pêknaa chun ṭhahnemngaitaka mi ṭawngṭai pêk dingin Lalpa Isu Krista le Thlarau Inthieng hmangainain ka ngên cheu a nih:
31Judai rama awinawhai laia ka him theina ding le Jerusalem ta dinga sawmdâwlna ka ichawi hi, mi inthienghai lâwm zâwngtak a hung ni theina dingin.
32Pathien remti anga hlimtaka in kuomah ka hung a, ei hlim tlâng theina dingin.
33Remna Pathien chu in rênga kuomah um raw se. Amen.
Currently Selected:
ROM 15: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
