ROM 14
14
I unau sawisêl naw
1Chun, ringnaa hrât naw mi chu, a ringhlana sawisêl loin, lâwm lem ro.
2Mi pakhatin iengkim fa theiin ân ring a, mi hrât naw ruok chun thlai chau a fâk hlak.
3Iengkim fa mi chun a fa naw chu hmusit naw raw se; a fa naw khawm chun a fatu chu sawisêl naw raw se; Pathienin ama chu a lâwm tah annâwm.
4Mi dang siehlaw sawisêltu chu tu am i ni leh? a ngîr le a tlûk chu ama hotupa ta ding a nih. Nisienlakhawm, ama chu inngirtirin um a tih, Lalpa chun ân ngîrtir thei sih a.
5Mi pakhatin ni khat hi ni dang nêkin a ngaihlu bîk hlak a, mi dangin ni po po chu inang sengin a ngai hlak a nih. Mi tin mani lungrilah inhre chieng raw se.
6 #
Kol 2.16
Ni insertu chun, Lalpa chawi- mawina dingin ân ser hlak a na. Iengkim fatu chun, Pathien kuomah lâwm thu a hril a, Lalpa chawi- mawina dingin a fâk hlak a nih; a fa nawtu khawm chun, Pathien kuomah lâwm thu a hril a, Pathien chawimawina dingin a fâk naw hlak a nih.
7Tûkhawm mâni ta dinga hring ei ni nawh a, tûkhawm mâni ta dinga thi ei ni bawk nawh.
8Ei hring chun Lalpa ta dingin ei hring a, ei thi khawmin Lalpa ta dingin ei thi a ni sih a; chuleiin, ei hring khawmin ei thi khawmin Lalpa ta ei nih.
9Krista thina le a hung hring nâwkna san chu mi dam le mi thi Lalpa a ni theina hi a ni sih a.
10 #
2 Kor 5.10
Nisienlakhawm, nangin ieng dinga i unau i sawisêl am a na? annawleh, nangin ieng dinga i unau i hmusit am a na? Pathien rorêlna ṭhungpha hmaah ei rêngin ei la ngîr ding a ni sih a.
11“Lalpa chun, ‘Mi tinrêng
Ka hmaah kûn an ta,
Lei tinrêng khawm Pathien kuomah inphuong an tih,’
Tiin ṭawng kân khâm a nih,”
a tih a, ti ziek ang khan.
I unau tlûkna ding siem naw
12Chuongchun, ei rêngin Pathien kuomah mâni chanchin ei hril seng ding a nih.
13Chuleiin, insawisêl tâwl ta nâwm ei niu khai; tûkhawmin mâni unau kalna amanih tlûkna amanih siem naw tum lem seng ro.
14Ama le ama ngawt chun ân thieng naw iengkhawm a um nawh ti Lalpa Isua chun ka hriet hle a nih, thil inthieng loa ngaitu ta ding chun, ama ta ding chun ân thieng naw a nih.
15I thil fâk leia i unau lungril a na chun, hmangai dân kawng chu i hraw ta nâw a nih. A thi ai Kristain a thipêk chu i thil fâkin sukbo naw rawh.
16Chuongchun, in ta dinga ṭhatna chu suola hrilin um naw raw se;
17Pathien ram chu dâwn le fâk tieng thu a ni si nawh a; felna dâm, inremna dâm, Thlarau Inthienga lâwmna dâm a ni lem ie.
18Tûkhawm, chuong thua Krista rawng bâwl chu, Pathien lâwm zâwng le mihriem inpâkin a um hlak.
19Chuongchun, inremna le insuk- sâwt tuona ding thilhai chu hnawt ei tiu.
20I thil fâk leiin Pathien sinthaw sukse naw. Thil po po chu ân thieng ngei, nisienlakhawm, a thil fâkin mi a sukthlûk chun, a fatu ta dingin suol a nih.
21I unau tlûkna ding a ni chun, sa fâk lo dâm, uoin dâwn lo dâm, thil iengkhawm thaw lo a ṭha lem a nih.
22Ringna i nei chu Pathien hmaah nang chau ihrietin nei el rawh. Mâni ṭha ti kawnga thiemnaw inchangtir naw chu a ham ṭha.
23Amiruokchu, ringhlatuin a fâk chun, ringnain a fâk naw leiin thiemnaw a chang a nih; iengkhawm ringna boa thaw chu suol a ni sih a.
Currently Selected:
ROM 14: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
