Popular Bible Verses from ROM 14

Share

Pathien ram chu dâwn le fâk tieng thu a ni si nawh a; felna dâm, inremna dâm, Thlarau Inthienga lâwmna dâm a ni lem ie. Tûkhawm, chuong thua Krista rawng bâwl chu, Pathien lâwm zâwng le mihriem inpâkin a um hlak.

Ei hring chun Lalpa ta dingin ei hring a, ei thi khawmin Lalpa ta dingin ei thi a ni sih a; chuleiin, ei hring khawmin ei thi khawmin Lalpa ta ei nih.

Chuongchun, inremna le insuk- sâwt tuona ding thilhai chu hnawt ei tiu.

Chuleiin, insawisêl tâwl ta nâwm ei niu khai; tûkhawmin mâni unau kalna amanih tlûkna amanih siem naw tum lem seng ro.

“Lalpa chun, ‘Mi tinrêng Ka hmaah kûn an ta, Lei tinrêng khawm Pathien kuomah inphuong an tih,’ Tiin ṭawng kân khâm a nih,” a tih a, ti ziek ang khan. Chuongchun, ei rêngin Pathien kuomah mâni chanchin ei hril seng ding a nih.

Chun, ringnaa hrât naw mi chu, a ringhlana sawisêl loin, lâwm lem ro.

Mi dang siehlaw sawisêltu chu tu am i ni leh? a ngîr le a tlûk chu ama hotupa ta ding a nih. Nisienlakhawm, ama chu inngirtirin um a tih, Lalpa chun ân ngîrtir thei sih a.