ROM 12
12
Kristaa hringna thar chu
1Chuongchun, unauhai, Pa- thien lunginsietna lei hin in- thâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.
2Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.
3Pathienin a mi pêk lunginsietna lei hin in laia tukhawmin in ingaihlu tâwk bâka inngaihlu loin, Pathienin mi tin kuoma ringna huntâwk a pêk ang peiin, feltaka ngaituo lem dingin ka ti seng cheu a nih.
4Taksa pumkhatah pêng tamtak ei nei a, a pêng po po sinthaw chu an âng vawng nawh a;
5 #
1 Kor 12.12
chuong ang bawkin, eini tamtak ni inla khawm Kristaa chun taksa pumkhat ei na, amal malin inpêng tuo seng ei nih.
6Lunginsietna ei kuoma pêk ang sengin thilthlâwnpêk hi a tum tum ei nei seng a, thu hril ding a ni chun, ei ringna phutâwk peiin hril ei tiu;
7rawngbâwl ding a ni chun ei rawngbâwlnaa chun inpe tlat ei tiu, inchûktirtu khawmin inchûktir tlat raw se;
8 #
1 Kor 12.4-11
mi infuitu khawma infui raw se; thil petu khawmin inro loin pe raw se, rorêltu chun taimatakin ro rêl raw se; mi lunginsiettu khawmin lâwmtakin lunginsiet raw se.
Kristien nun dân
9Hmangaina chu vervêkna ṭhang loin ni raw se. Suol tieng chu theida unla, ṭha tieng chu pawm tlat ro.
10Unauhai hmangai kawnga chun inhmangai takin inlainat tuo seng ro; chawimawi kawnga chun inditsak tuo seng ro;
11taimâk kawnga chun thaboin um naw ro; thlarau kawnga chun ṭhahnem ngai unla, Lalpa rawng bâwl unla,
12beiseina kawnga chun, lâwm unla; rinum tuor kawnga chun tuor- sel unla, ṭawngṭaina kawnga chun ṭawngṭai fan fan ro.
13Mi inthienghai tlâksamnaa chun sawmdâwl unla, mikhuolhai lâwm hlak mi ni ro.
14 #
Mt 5.44; Lk 6.28 A suknawmnatuhai cheu chu malsâwmpêk unla, ṭawngsie chu in phur naw ro.
15Lâwmhai chu lâwmpui unla, ṭaphai chu ṭappui ro.
16 #
Tv 3.7
Ngaituo hmunkhatin um tuo seng unla, inngaituo sâng taluo naw unla, mi chînhai inruolpui lem ro. Intivar naw ro.
17Tu suol khawm suolin thung naw ro, mi po po ngaia thil mawi chu ngaituo lâwk ro.
18A thei phawt chun nangni tieng bêk mi po po le inremin um ro.
19 #
Dt 32.35
Dittakhai, in phuba la naw unla, Pathien lunginsenna inkien lem ro, “phuba hrim hrim keia lâk ding a nih, keiin thung ka tih, Lalpain a tih,” ti ziek a ni sih a.
20 #
Tv 25.21-22
Chuleiin, i hmêlma a phîng a ṭâm chun fâk ding pe la, a dang a châr chun dâwn ding pe rawh; chuong anga i thaw chun a lu chunga meiling i sie khâwl nîng a tih.
21Suol ihnein um naw la, ṭhatnain suol chu hne lem rawh.
Currently Selected:
ROM 12: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
