Popular Bible Verses from ROM 12

Share

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

Chuongchun, unauhai, Pa- thien lunginsietna lei hin in- thâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

beiseina kawnga chun, lâwm unla; rinum tuor kawnga chun tuor- sel unla, ṭawngṭaina kawnga chun ṭawngṭai fan fan ro.

Suol ihnein um naw la, ṭhatnain suol chu hne lem rawh.

Unauhai hmangai kawnga chun inhmangai takin inlainat tuo seng ro; chawimawi kawnga chun inditsak tuo seng ro

Hmangaina chu vervêkna ṭhang loin ni raw se. Suol tieng chu theida unla, ṭha tieng chu pawm tlat ro.

A thei phawt chun nangni tieng bêk mi po po le inremin um ro.

Dittakhai, in phuba la naw unla, Pathien lunginsenna inkien lem ro, “phuba hrim hrim keia lâk ding a nih, keiin thung ka tih, Lalpain a tih,” ti ziek a ni sih a.

taimâk kawnga chun thaboin um naw ro; thlarau kawnga chun ṭhahnem ngai unla, Lalpa rawng bâwl unla

Pathienin a mi pêk lunginsietna lei hin in laia tukhawmin in ingaihlu tâwk bâka inngaihlu loin, Pathienin mi tin kuoma ringna huntâwk a pêk ang peiin, feltaka ngaituo lem dingin ka ti seng cheu a nih.

Tu suol khawm suolin thung naw ro, mi po po ngaia thil mawi chu ngaituo lâwk ro.

Ngaituo hmunkhatin um tuo seng unla, inngaituo sâng taluo naw unla, mi chînhai inruolpui lem ro. Intivar naw ro.

Chuleiin, i hmêlma a phîng a ṭâm chun fâk ding pe la, a dang a châr chun dâwn ding pe rawh; chuong anga i thaw chun a lu chunga meiling i sie khâwl nîng a tih.

A suknawmnatuhai cheu chu malsâwmpêk unla, ṭawngsie chu in phur naw ro. Lâwmhai chu lâwmpui unla, ṭaphai chu ṭappui ro.

Mi inthienghai tlâksamnaa chun sawmdâwl unla, mikhuolhai lâwm hlak mi ni ro.

Taksa pumkhatah pêng tamtak ei nei a, a pêng po po sinthaw chu an âng vawng nawh a; chuong ang bawkin, eini tamtak ni inla khawm Kristaa chun taksa pumkhat ei na, amal malin inpêng tuo seng ei nih.