ROM 11
11
Israel la mahlahai chu
1 #
Phil 3.5 Anleh, Pathienin a mihai chu a pei thlâk am a nih? Teu lo e a! Kei khawm Israel mi, Abraham thla, Benjamin hnam ka ni sih a.
2Pathienin mi a ihriet lâwkhai chu a pei thlâk nawh. Pathien Lekha Thu chun Elija, thu a hril hi in hriet naw am a nih? Ama chun Israelhai chungthu Pathien kuomah ân tlun a;
3“Lalpa, i zâwlneihai an sukhlum a,
I mâichâmhai an cho chim a,
Keia khât chauin ka la um a,
Kei khawm mi sukhlum an tum a nih,”
a ti hi.
4 #
1 Lal 19.10,14-18 Nisienlakhawm, Pathienin ieng- tin am a dawn a? “Baal hmaa la dingṭhaṭhuon ngai naw, mi sâng sari keia tâ dingin ka la hla zing a nih,” tiin a dawn a.
5Chuong ang bawkin, tulai khawm hin lunginsietnaa thlang ang peiin pei thlâk mahla chu an la um.
6Lunginsietna lei a ni chun thilthaw lei ni ta naw ni; chuong a ni naw chun lunginsietna hi lungin- sietna ni ta naw ni.
7Iengtin am ni tâng a ti leh? Israel mihai chun an zawng chu an hmu nawh a; Thlanghai ruok chun an hmuh a, a danghai po po chu an ngawng zo tah a.
8 #
Dt 29.4; Is 29.10 “Pathienin vawisûn chen hin inlusukna thlarau a pêk a, hmu thei nawna mithai le, hriet thei nawna nâhai dâm le chun,” tia ziek ang khan.
9Chun, David chun,
“An dâwkân chu an ta dingin châng le bil le,
Tlûkna le, thungna lo ni raw se;
10 #
Sm 69.22-23
An hmu thei nawna dingin an mithai hung inthim raw se;
Nangin an ruongzâng inkûntir rawp rawh,”
a tih a.
Jentailhai sandamna
11Anleh, an tlûk chu an tlûk sawngna ding am a nih? Teu lo e a! An tlûk leiin Jentailhai kuoma chun sandamna a hung tlung ta lem a nih; Israel mihai inthîktirna dingin.
12Chuongchun, an tlûkna hman khawvêl sukhausakna a na, an kiemna hman Jentailhai sukhausak- na a ni chun, an famkimna chu an hausakna a va ni nasa zuol ding de!
13Chuongchun, nangni Jentailhai kuomah ka hril a nih. Kei Jentailhai tirko ka ni leiin, ka rawngbâwlna sin hi ka chawimawi a nih;
14ka chipuihai kân thîktir hrâm theina ding le, anni laia mi ṭhenkhat ka sandam theina dingin.
15Anni pei thlâkna hman khawvêl ta dinga inrem nâwkna a ni chun, anni lâwm nâwkna ding chu, thinaa inthawka hring nâwkna naw chu ieng am ning a ta?
16Chun, bei tlang ât thlâk hmasa- tak chu inhlân thieng a ni chun a pumin chuong ang bawk chu a nih. A zung ân thieng chun a kâuhai khawm chuong ang bawk chu a nih.
17Chun, a kâu a ṭhen chu suk- tlieka umin, nang oliv puopa ni si, anni laia zawma umin, oliv thing hringna ṭha în ṭawmpui ve a ni chun,
18a kâu danghai lai chun insuong naw rawh. Insuong la khawm, nang a zung châwmtu i ni nawh a, a zung chu nang a châwmtu che a ni lem a nih.
19Chun, nangin, “Zawma ka um theina dingin a kâuhai chu suktliekin a um annâwm?” tîng i tih.
20Anih, an ring nawna leiin suk- tliekin an um a, nang i ringna leiin i ngîr a nih.
21Chapo naw la, ṭi lem rawh. Pathienin a kâu takhai hman a hla si naw chun nang khawm hla bîk naw ni che.
22Chuongchun, Pathien ṭhatzie le a ṭiumzie chu ngaituo rawh; a tluhai ta ding chun ṭi a um a nih; nanga ta ding ruok chun a ṭha a nih, a ṭhatnaa i um zing chun; chuong a ni naw chun, nang khawm sât thlâkin um vêng i tih.
23Chun, anni khawm chu awi loa an um zing naw chun zawmin um an tih; Pathienin anni a zawm nâwk thei sih a.
24Nang oliv puopa hrima in- thawka sât thlâk hman, pieng dân naw anga oliv thing ṭhaa zawma i um chun, chuong a kâu tak takhai chu an bulpui, oliv thing pângngaia chun zawm an va ni nasa âwm de!
Mi po po chunga Pathien zângaina
25Unauhai, hi thurûk hi in hriet naw ka nuom nghâl si nawh a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.
26 #
Is 59.20 Chuongchun, Israel mi po po sandamin um an tih;
“Ziona inthawkin Sandamtu chu hung suok a ta,
Jakob kuoma Pathien ngaisak nawna sukbo a tih.
27 #
Jer 31.33-34
Chu chu an kuoma ka thu thlung ding chu a nih,
An suolhai ka lâk hmang pha chun,”
tia ziek ang khan.
28Chanchin Ṭha tieng ngaituo chun nangni leiin hmêlma an nih; Thlang thu tienga ngaituo ruok chun, thlatuhai lei khan dittakhai an nih.
29Pathienin a thilthlâwnpêkhaia le a konaa chun a lungril a lêt ngai si nawh a.
30Inhma khan Pathien thu in awi nawh a, nisienlakhawm, tuhin chu an awi naw leiin lunginsietna in chang sih a;
31Chuong ang bawkin tuhin chu Pathienin a lunginsiet cheu lei hin, lunginsietna chu an hmu ve theina dingin anni khawm chun an awi ve ta naw a ni hi.
32Pathienin a lunginsiet vawng theina dingin mi po po awi lonaah a khum ta vawng sih a.
33Pathien hausakzie, a varna le hrietna hauzie chu a vân thûk de! A rorêlnahai chu hriet thei ruol le, a lampuihai chu sui thei ruol a va ni naw de!
34 #
Is 55.8; 40.13 Lalpa lungril chu tuin am a hriet a? A remruotpêktua khawm tu am a ṭhang tah a?
35 #
Job 41.11
A thung nâwk dingin tuin am a kuomah thil pe hmasa?
36 #
1 Kor 8.6
Amaa inthawk le ama zâr le, ama ta dinga thil po po a hung um a ni sih a; ama kuoma chun chatuonin ropuina chu um raw se. Amen.
Currently Selected:
ROM 11: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
