MARKA 11

Jerusalema Isu chawimawia a lût

(Mt 21.1-11; Lk 19.28-40; Jn 12.12-19)

1Chun, Jerusalem an tlung tâwm a, Oliv tlânga Bethphage le Bethani khuo kâwl an tlungin, a închûktirhai laia mi pahni a tir a,

2an kuomah, “In hma zâwn khuoa sawn fe unla; chun, in hei lût hlimin sabengtungte thlung, tukhawm la chuongna ngainaw va hmûng in ta; chu chu sût unla hung kei ro.

3Chun, tûkhawmin, ‘A kha ieng- ding am in tih a?’ an ti cheu chun, ‘Lalpain a mamaw a nih, ahin hung insietir nâwk vak a tih,’ ti ro,” a ta.

4Chuongchun, an fe tah a, kawt- thlêra kawtkhâr puotienga sabeng- tungte inthlung an va hmuh a. Chun, chu chu an sût tah a.

5Chun, chutaka ngîr tuhai amani chun an kuomah, “Sabengtungte kha iengdinga in sût?” an ta.

6Chun, anni chun, Isu hril ang tak khan an kuoma chun an hril a; chuongchun, an fe an phal tah a.

7Chun, sabengtungte chu Isu kuomah an hung kei a, a chunga chun puonhai an phah a; chuongchun, a chungah a chuong tah a.

8Chun, mi tamtakin lampuia chun an puon an phah a; mi dangin loa sâwlhna an va sât a, an pha bawk a.

9 # Sm 118.25 Chun, a hma tienga fehai le a hnunga hung zuituhai chun,

“Hosanna, Lalpa hminga hung chu inpâkin um raw se;

10Ram hung tlung ding ei Pa David ram chu, inpâkin um raw se;

A chunghnungtaka khin Hosanna,”

tiin an khêk a.

11Chun, Jerusalema Pathien biekina chun a va lût a; iengkim a en vêl zo chun; zântieng khawm a lo ni tah a, a suok a, sâwm le pahnihai leh Bethaniah an fe tah a.

Theichang kûng ra naw chu

(Mt 21.18-19)

12Chun, azîng Bethania inthawka a suok hnungin a phîng a ṭâm tah a.

13Chun, theichang kûng hna nei hlataka hin a hei hmuh a, “A ra ka hmu duoiin,” tiin a va feh a; a va tlung chun a hna chau naw chu iengkhawm a hmu nawh a; theichang ra pha a ni naw hrim a.

14Chuongchun, Isûn thing chu a biek a, “Tuta hnung kumkhaw- tluongin i ra hrim hrim tukhawmin fa ta naw raw hai se,” a ta. A închûtirhai rawi chun chu chu an hriet a.

Isun Temple a sukthieng

(Mt 21.12-17; Lk 19.45-48; Jn 2.13-22)

15Chun, Jerusalem chu a tlung a, Pathien biekinah a va lût a, biekina iengkhat zawrtuhai le ân chawtuhai chu a hnawt suok tah a. Tangka thlengtuhai dawkânhai le, vaṭhu zawrtuhai ṭhungphahai khawm chu a nam thlûk pêk bawk a.

16Chun, Pathien biekina chun tukhawmin thuomhnaw an chawi thleng chu a phal ta bawk nawh a.

17 # Is 56.7; Jer 7.11 Chun, an kuoma chun, “ ‘Ka in chu hnam tin ta dinga ṭawngṭaina in tîng an tih,’ ti ziek a ni naw am a nih? Nangni ruok chun suomhmanghai pûkin in siem lem hi,” tiin ân chûktir tah a.

18Chun, thiempu lalhai le Dân in- chûktirtuhai chun chu chu an hriet a, a sukbo theina ding zie an zawng a. Mipuihai po po chun a închûktirna chu mak an ti hle leiin ama an ṭi bawk si.

19Chun, zântieng a hung ni chun, Isu le a inchûktirhai chu khawpuia inthawk chun an fe suok a.

Theichang kûnga inthawka inchûklai

(Mt 21.20-22)

20Chun, zîngkâra an fe malam chun theichang kûng chu a zung chena thêm zo vawngin an hmu tah a.

21Chuongchun, Peterin a hriet suok nâwk a, a kuomah, “Rabbi en ta, theichang kûng ṭawngsie în phur kha a lo thêm vawng tah,” a ta.

22Chun, Isu chun an kuomah, “Pathienah ringna nei ro.

23 # Mt 17.20; 1 Kor 13.2 Titakzetin ka hril cheu hi, tû- khawm hi tlâng kuoma hin, ‘Insawn la, tuisuorietah dehâwnin um rawh,’ tia a lungrila ringhla loa a iti chu tlung ngei a tih ti ring taphawtin an hril ang phawt chu hmûng an tih.

24Chuleichun, ka ti cheu hi, iengkim ṭawngṭaia in hni taphawt chu, hmusain inngai unla, chuong- chun, hmûng in tih.

25Chun, ṭawngṭai dinga in ngîr pha po leh tu chunga khawm thupawi ieng am a nih in nei chun ngaidam ro; vâna in Pa khawmin in bawsietnahai chu a ngaidam theina ding cheu in.

26 # Mt 6.14-15 [nisienlakhawm, in ngaidam naw chun, in Pa vâna mi khawmin ngaidam bîk naw ni cheu,]#Ziekna ṭhena Ch.26 hi a um nawh” a ta, a dawn a.

Isu thuneina an indawn

(Mt 21.23-27; Lk 20.1-8)

27Chun, Jerusalem chu an tlung nâwk a; chun, Pathien biekina a lêng laiin thiempu lalhai, Dân inchûk- tirtuhai, upahai chu a kuomah an hung a,

28a kuoma chun, “Tu thuin am hieng hi i thaw a na? Hienghai hi thaw dingin tuin am thu a pêk cheh a?” an ta.

29Isûn an kuomah, “Kei khawmin thu bau khat indawn vêng ka ti cheu; mi dawn unla, chuongchun, tu thuin am hieng hi ka thaw hril ka ti cheu.

30Johan baptisma kha vâna mi thu amani, mihriem thu? mi dawn ro,” a ta.

31Chun, an inngaituoh a, “ ‘Vâna mi thu,’ ei ti chun, ‘Ieng dinga a thu in awi naw?’ a mi ti âwm sih a.

32‘Mihriem thu,’ ei ti el ding am a ni chu?” an ta. Nisienlakhawm, mipui chu an ṭih a, mi po poin Johan chu zâwlnei takin an ngai tâwl sih a.

33Chuongchun, Isu chu an dawn a, “Kan hriet nawh,” an ta. Chun, Isûn an kuomah, “Kei khawmin tu thuin am hieng hi ka thawh a, hril bîk naw ning cheuah,” a ta.

Currently Selected:

MARKA 11: HMARCLBSI

Highlight

Copy