MARKA 12
12
Grêp huon le a enkawltuhai tekhithu
(Mt 21.33-46; Lk 20.9-19)
1 #
Is 5.1-2
Chun, tekhithuin an kuomah a hril tah a, “Tuin amanih grêp huon a siem a, palin ân huon a, grêp sâwrna ding khur a cho a, in insâng a bâwl a, lo enkawltuhai kuomah thlo hlaw dingin a pêk a, ram dangah a fe tah a.
2Chun, a lo pha chun huona ra chu a chanâi lo enkawltuhai kuoma va la dingin lo enkawltuhai kuoma chun suok pakhat a tir a.
3Chun, chu mipa chu an lo man a, an vuok a, kut ruokin an infetir tah a.
4Chun, suok dang an kuoma chun a tir nâwk a; chu khawm chu a lu an lo sukpawp a, inzakumtakin an lo sawisah a.
5Chun, suok dang a tir nâwk pei a, chu mipa chu an lo sukhlum a. Suok dang tamtak khawm aṭhen an lo vuok a, aṭhen an lo sukhlum a.
6Chun, pakhat, naupa dittak chu a la nei a, ‘Ka naupa hi chu inza êm naw ni hai am,’ tiin ama chu a nuhnungtakah an kuomah a tir a.
7Nisienlakhawm, chuong lo en- kawltuhai chun, ‘Hi mipa hi rohluotu ding chu a nih; that ei tiu khai; chuongchun, a ro hluo dinghai hi ei ta a ni el ding a nih,’ an in tih a.
8Chuongchun, ama chu an lo man a, an sukhlum a, grêp huona inthawk chun an the suok tah a.
9Chuongchun, huon neitu chun iengtin am hung thâwng a ta? Lo enkawltuhai chu hung sukbo a ta, huon chu mi danghai pêng a tih.
10Hi Pathien Lekha Thu hi in tiem naw am a nih?
‘In bâwltuhai lung dit naw kha,
Chu ngei chu a kia lung ṭhangkaitak a lo ni tah.
11 #
Sm 118.22-23
Chu chu Lalpa thaw a na,
Ei mithmua hin a mak a nih,’
ti hi,” a ta.
12Chun, ama chu man an tum tah a, nisienlakhawm, mipui an ṭi sih a, chu tekhithu chu anni demin a hril a nih ti an hriet sih a. Chuongchun, ama chu an mâksan a, an fe hmang tah a.
Kaisar kuoma siechawi thu an indawn
(Mt 22.15-22; Lk 20.20-26)
13Chun, a thu hrila inthawka man dingin Pharisaihai le Herod pâwla tuhai amanih a kuomah an tir a.
14Chun, anni chu an hung tlung chun a kuomah, “Inchûktirtu, mi indiktak i na, tukhawm pawisak chuong i nei nawh ti kan hriet a, tukhawm thlier bîk nei loin, theipatâwpin Pathien thu în chûktir hlak a. Kaisar kuoma sie chawi hi a thieng am a ni a thieng naw? kan pêk ding am a ni, kan pêk naw ding?” an ta.
15Ama ruok chun an vervêkziehai chu hre zingin, an kuomah, “Ieng- dinga in mi fie am a na? Duli#Denarion hung la tu, lo en ka tih,” a ta.
16Chuongchun, an hung lâk a. Ama chun an kuomah, “Hi hi tu lim le tu hming am a na?” a ta. Anni chun, “Kaisar,” an ta.
17Chuongchun, Isûn an kuomah, “Kaisar thilhai chu Kaisar kuomah pe unla, Pathien thilhai chu Pathien kuomah pe ta unla,” a ta. Chuong- chun, mak an ti bêk bêk a.
Thonâwkna thu an indawn
(Mt 22.23-33; Lk 20.27-40)
18 #
Tt 23.8
Chun, Saddukaihai, thonâwkna a um nawh tituhai chu a kuomah an hung a,
19 #
Dt 6.4-5
a kuomah, “Inchûktirtu, Mosie- in ‘Tûkhawm a unaupân nau nei loin a nuhmei thisan sienla, a unaupa chun a nuhmei chu hluong a ta, a unaupa ta dingin suon a thla pêk ding a nih,’ tiin a mi ziekpêk a nih.
20Awle, Sal sari hi an um a, a upatakin nuhmei a nei a, suon- mawngin a thih a.
21Chuongchun, a pahnina chun a nuhmei chu a hluoh a, suon mawngin a thi nâwk bawk a; pathumna khawmin chuong bawk chun.
22Chuongchun, sal sarihai chu suon hrim hrim nei loin suon mawngin an thi vawng el tah a. A nuhnungtaka chun nuhmei khawm chu a thi tah a.
23Thonâwk phaleh a tu tak nuhmei am nîng a ta? An pasari chun nuhmeiin an nei seng sih a,” tiin an indawn a.
24Isûn an kuomah, “Hi lei hin a nih in ngai suol rawp hlak, Pathien Lekha Thu le Pathien thil thaw theizie in hriet naw leiin.
25Mithi laia an tho nâwk hnungin nuhmei pasal innei ta naw nihai a, vâna vântirkohai ang an ni lem ta ding a nih.
26Chun, mithihai keithoa an um ding thu chu, Mosie lekhabua chîmbuk thua khan Pathienin ‘Kei Abraham Pathien, Isak Pathien, Jakob Pathien ka nih,’ tia a biekzie kha in tiem naw am a nih?#Ex 3.6
27Ama chu mithi Pathien a ni nawh a, mi hring Pathien a ni lem; in ngai suol nasa hle a nih,” a ta.
Thupêk ropuitak an indawn
(Mt 22.34-40; Lk 10.25-28)
28Chun, Dân inchûktirtuhai laia mi pakhat a hung a, an insêl chu a lo ngai zing a, Isûn annirawi chu ṭhatakin a dawn ti a hriet a, a kuomah, “Thupêk po po lai ieng him a ropui#“Ieng hîm a pawimaw tak a?” le “Ieng hîm a hmasatak a?” tia ziek khawm a nih tak a?” tîn ân dawn a.
29Isun “A ropui tak chu hi hi a nih, ‘Israelhai, ngai ta u, Lalpa ei Pathien chu Lalpa pakhat chau a nih,
30Lalpa i Pathien chu i lungvar po poin, i thlarau po poin, i lungril po poin, i hrâtna po poin i hmangai ding a nih,’ ti hi. #Dt 6.4-5
31 #
Lev 19.18
A dawttu chu hi hi a nih, ‘Nang le nang în hmangai angin i vênghai khawm i hmangai ding a nih,’ ti hi. Hieng nêka thupêk ropui lem hrim hrim hi a um nawh,” tiin a dawn a.
32 #
Dt 4.35
Chun, Dân inchûktirtu chun a kuomah, “A ni luo ie, inchûktirtu, Ama chu pakhat chau a na, ama naw chu tukhawm dang an um nawh,
33 #
Hos 6.6 ama chu lungril po poa, hrietna po poa, hrâtna po poa hmangai a, mâni inhmangai anga vênghai hmangai chu pumrawhmang ser pêk po po le inthawina po po nêkin a ṭha lem bêk bêk ti hi i hril dik ngawt el,” a ta.
34 #
Lk 10.25-28
Chun, vartakin a dawn ti Isûn a hrietin a kuomah, “Pathien ram i hlat naw hi” a ta. Chu hnunga chun tukhawmin thu hrim hrim an indawn ngam nawh a.
Krista David naupa chu
(Mt 22.41-46; Lk 20.41-44)
35 #
Sm 110.1
Chun, Isûn Pathien biekina ân chûktir laiin an kuomah, “Krista chu David naupa a nih ti Dân inchûk- tirtuhaiin iengti ziea hril hlak am an nih a?
36David ngeiin, Thlarau Inthieng- in,
‘Lalpa chun ka Lalpa kuomah,
Ka changtieng ṭhung rawh,
I hmêlmahai i kepha hnuoia ka sie hmakhat chu,’ a tih a,
37“David ngei chun ama chu, ‘Lalpa,’ a ti sih a, khâwlai am a naupa ni hlak a ta?” tîn a dawn a. Chun, vântlânghai chun a thu chu lâwm- takin an ngai a.
Dân Inchûktirtuhai lai fimkhur dinga kâwkna
(Mt 23.1-36; Lk 20.45-47)
38Chun, a închûktirnaa chun, “Dân inchûktirtuhai lai hin fimkhur ro, anni chun zakuo fuol hâka lêng an nuom hlak a, dâwr hmuna chibai bûk dâm,
39inkhâwmna ina ṭhungpha ṭhatak dâm, thlaithlêng awtnaa dâm hmun ṭhatak an ngiet hlak a.
40Hmeithai sum an fâk a, vân- tlâng hlêmna dingin sâwt tak tak an ṭawngṭai hlak a, chuonghai chun thiemnaw chang nasa zuol an tih,” a ta.
Hmeithainu thawlâwm pêk
(Lk 21.1-4)
41Chun, thawlâwm bâwm zâwna chun a ṭhung a, thawlâwm bâwma mipuihai tangka thlâkzie chu a en a, mihausa tamtakin tamtak an thlâk a.
42Chun, hmeithai pasetak a hung a, dâr tangka dere#Gr.Lepton pahni a thlâk a, (chu chu pawisa khat#Gr.Quadrans hu a nih.)
43Isu chun a închûktirhai chu a ko a, an kuomah, “Titakzetin ka hril cheu hi, thawlâwm bâwma thlâktu po po hai nêkin hi hmeithai pasetak hin a thlâk tam lem.
44Hienghai po po hin an nei chuongliem an thlâk a na, ama ruok hin chu a ditlai tak, a neisun tak, a întodelna ding po chu a thlâk a nih,” a ta.
Currently Selected:
MARKA 12: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
