MARKA 13
13
Biekin siet ding thu hrillâwkna
(Mt 24.1-2; Lk 21.5-6)
1Chun, Pathien biekina in- thawka a fe suok lai chun, a închûktirhai laia mi pakhatin a kuomah, “Inchûktirtu, en ta, a lung le inhai hi a ropui hle a nih,” a ta.
2Chun, Isûn a kuomah, “Hieng in nasatak hi in hmu maw? Sukchim loa lung inthuo hrim hrim hitaka hin um naw ni,” a ta.
Chungrikna inṭanna
(Mt 24.3-14; Lk 21.7-19)
3Chun, Oliv tlâng Pathien biekin zâwna a ṭhung laiin Peter hai, Jakob hai, Johan hai, Andri hai chun a kuomah, “Chuong chu iengtik am hung um a ta?
4Chuonghai po po a hung tlung ding pha inchikna ieng am um a ta? mi hril rawh,” tîn inrûkin an indawn a.
5Chun, Isûn an kuomah, “Tu- khawmin an hlêm nawna ding cheuin fimkhur ro.
6Mi tamtakin, ‘Krista chu ka nih,’ tîn keia hming sâlin hung an ta, mi tamtak hlêm an tih.
7Chun, indo thu le indo thuthang dâm in hriet pha leh lunginzing naw ro; chuongchu hung tlung ding hrim a nih; nisienlakhawm, tâwpna chu la ni hri naw ni.
8Hnam dang le hnam dang indo an ta; ram tum le ram tum indo an ta; hmun dang dangah simkhawleihai inhnîng a ta, ṭâmhai tlâng a ta. Chuong chu nauhase phut ang hi nîng a tih.
9“Nisienlakhawm, fimkhur ro, rorêltuhai an inmantir ding cheu a nih; inkhâwmna inhaiah vuong an ti cheu a, keia leiin hotuhai le lalhai hmaah anni inhriettirna dingin la ngîr bawk in tih.
10Chun, Chanchin Ṭha hi hnam po po laia hril hmasak ding a nih.
11 #
Mt 10.17-20; Lk 12.11-12 Chun, an ṭhuoi cheua an inmantir phâ cheu chun, ‘Ieng am ka hril ding a na?’ tiin ngaituo lâwk naw ro, a hun taka inhriettira in um chu, chu ngei chu hril lem ro; a hriltu chu nangni in ni âwm si nawh a. Thlarau Inthieng ni lem a tih.
12Chun, sukhlum dingin unau khawm inmantir an ta, pa khawmin a nau inmantir bawk a ta, nauhai khawmin an nu le pahai do an ta, insukhlumtir bawk an tih.
13 #
Mt 10.22
Ka hming leiin mi po po theida nîng in ta; nisienlakhawm, a tâwp chena tuor pei chu, chu ngei chu sandamin um a tih.
Rinumna râpthlâk chu
(Mt 24.15-28; Lk 21.20-24)
14 #
Dan 9.27; 11.31; 12.11 “Nisienlakhawm, sukrêmtu tir- dakum chu a ngîr nawna dinga ngîr in hmu phâleh, (a tiem taphawt chun a umzie hre raw se); chu phâ chun Judai rama umhai chu tlânga dâm tlân hmang raw se;
15chun in chunga um chu ṭum naw raw se, a in sûnga thuomhnaw inchu ding khawmin lût naw raw se;
16 #
Lk 17.31 Chun, loa um chu a puon inchu dingin kîr nâwk naw raw se.
17Chuong nia chun inrai le naute pawm laihai chu an chung rik a tih.
18Chun, chuong chu phalbi laia a tlung nawna dingin ṭawngṭai ro.
19 #
Dan 12.1; Tp 7.14 Chuong ni chu rimsik ni a ni ding a ni sih a; chuong anga nasa hrim hrim chu Pathien isiem leilung insieng tîra inthawk tu chen hin a la um ngai nawh a, iengtika khawm hung um nâwk ta naw bawk a tih.
20Chun, Lalpân chuong nihai chu suktawi naw sien chu mihriem hrim hrim damin suok naw ni hai; nisienlakhawm, mi thlang a iruothai leiin nihai chu a suktawi a.
21“Chun, chu phâle chun, tû- khawmin in kuomah, ‘En ta, Krista chu hiva hin a um,’ amanih, ‘En ta, sawva saw,’ amanih an ti chun awi naw ro.
22Krista tehlêm le zâwlnei te- hlêmhai an hung suok ding a ni sih a; chuonghai chun inchikna le thilmak tak tak thâwng an tih, thei hai sienla, thlanghai rau khawm an hlêm theina dingin.
23Nangni ruok chu fimkhur ro, ngai ta u, iengkim ka hril lâwk ta cheu hi.
Mihriem Naupa hung nâwkna
(Mt 24.29-31; Lk 21.25-28)
24 #
Is 13.10; Joel 2.10,31; 3.15; Ezek 32.7; Tp 6.12 “Nisienlakhawm, chuong nia chuong rimsikna hnunga chun nisa sukthimin um a ta, thla var ta naw nih a,
25 #
Is 34.14; Joel 2.10; Tp 6.13 vâna inthawkin arasihai hung tlâng a ta, vâna thilthawtheina umhai chu sukhnîngin um a tih.
26 #
Dan 7.13; Tp 1.17 Chu phâ le chun Mihriem Naupa hi thilthawtheina nasatak leh sûm laia hung hmûng an tih.
27Chun, vântirko chu tir suok a ta, a thlanghai chu kâwl kil lia inthawkin, hnuoi tâwpa inthawka vân tawp chenin lâwr khawm a tih.
Theichang kûnga inchûklai
(Mt 24.32-35; Lk 21.29-33)
28“Chuongchun, theichang kûnga hin chu tekhithu chu inchûk ro; a kau a hung indâwn a, a hna a hung inder chun nipui a ni ding a ni tah ti in hriet hlak.
29Chuong ang bawkin nangni khawmin, chuong chu a hung tlung in hmu phâ chun ama chu a hung hnai tah a, kawtkhâr bul ngeiah a um tah ti hre ro.
30Titakzetin ka hril cheu hi, chuong po po chu a tlung hmakhat chu, tulaia ruoltharhai hi bo naw nihai.
31Hnuoi le vân bo a ta, ka thu ruok chu bo naw ni.
Inring zing a ṭûlzie
(Mt 24.36-44; Lk 17.26-30; 24.34-36)
32 #
Mt 24.36
“Nisienlakhawm, chu ni le a dâr thu chu Pa chau naw chun tu- khawmin, vâna vântirkohai khawmin, Naupa khawmin, an hriet nawh.
33Fimkhur unla, inring zinga umin ṭawngṭai ro, a hun chu in hriet si nawh a.
34 #
Lk 12.36-38
Mîn a in mâksana, a suokhai chu thu inneitira, an sin thaw ding pe seng a, kawtkhâr vêngtu khawm chu inring zinga um ding thu a pêk zet a, ram hlataka inzin ta dai ang a nih.
35Chuongchun, inring zingin um ro, in neitupa hung ding phâ chu zântienga manih, zâna manih, ârkhuona manih, zîngkara mani ding in hriet si nawh a;
36chuong naw chun hung phut a ta, inin hung hmu hlau rawi a ti cheu.
37Chun, in kuoma ka hril hi mi po po kuoma hril ka nih, inring zingin um ro,” a ti tah a.
Currently Selected:
MARKA 13: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
