1 KORINTH 5
5
Inditna leia thupawi nasatak
1 #
Dt 22.30
Nangni lai indit a um ti ân thang veng vung a nih, chuong ang indit chu Jentailhai lai hmana um ngai lo, nangni laia mi pakhatin mâni pa nuhmei a nei kha.
2Chun, chuong thil thawtu chu nangni laia inthawka hnawtdawk dinga lungngai nêk hmanin in uong lem sih a.
3Keima ngei hi taksain ka ṭhang naw nâk a, thlaraua ruok chu ka ṭhang a, chuong ang thil chuong ang lâwm lâwm thawtu chu tu khawm hin Lalpa Isu Krista hmingin nangni laia ṭhang zing angin ka lo ngaituo zo tah:
4nangni le ka thlarau chu ei Lalpa Isu thilthawtheinaa inkhâwmin;
5mi chuong ang chu a thlarau Lalpa nia chun sandamin a um theina dingin a tisa chu sukbohmang dingin Setan pe inla ka ti a nih.
6 #
Gal 5.9
In uong san hi a ṭha nawh ie, chawl tlâwmtêin bei tlang chu a zawpsuo vawng hlak ti in hriet naw am a nih?
7Chawlṭhanglo in ni ang bawkin bei tlang thar in ni theina dingin chawl hlui chu zenfai ro. Ei Fekân Ruoiṭhena ding khawm an that ta sih a, Krista ngei chu;
8 #
Ex 12.5; 13.7; Dt 16.3 chuleiin, ruoi ṭhêng ei tiu, chawl hluia ṭhe loin, nunsiet le suolna chawla ṭhe bawk loin, takna le indikna chawlṭhanglo beiin ruoi ṭhe lem ei tiu.
9Ka lekhathawna khan indit hmanghai pâwl lo dingin in kuomah ka ziek kha;
10hi khawvêla indit hmanghai amanih, duâm le hlêpruhai amanih, milim betuhai amani chu pâwl dêr lo ding ti ka ni nawh a, chuongchu ni sien la khawvêla inthawka fe suok ngei ding in ni ding a ni sih a.
11Tu ruok hin chu tûkhawm unau hming input siin indit hmang mi amanih, mi duâm amanih, milim betu amanih, inhalhmang amanih, zu inruihmang mi amanih, hlêpru mi amani ni sienla, pâwl lo dingin in kuomah ka ziek a nih; chuong ang mi kuoma chun a fâk khawm fa lo dingin.
12Puotienga mi chu keiin ka ngaituona ding iengam a um a?
13 #
Dt 13.5; 17.7 Nangniin sûngtienga mi in ngaituoin puotienga mihai ruok chu Pathienin a ngaituo hlak a ni naw am a nih? chu mi suol chu nangni laia inthawkin hnawt dawk ro.
Currently Selected:
1 KORINTH 5: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
