1 KORINTH 4
4
Tirkohai rawngbâwlna
1Keinirawi hi Krista rawngbâwltu le Pathien thurûk enkawltuah miin mi ngai raw hai se.
2Hitaka hin enkawltu chu mi ringum ni a ngai bawk a nih.
3Nisienlakhawm, nangniin in mi fiena le, mihriem ngaituonain in mi fiena chu ka ta dingin thil chîterek ang a nih, kei le kei khawm kân fie ngai bawk nawh.
4Iengkhawm indemna ding kân hriet si nawh a, nisienlakhawm, chu chun thiem a mîn changtir chuong nawh, a mi fietu chu Lalpa a ni lem.
5Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.
6Chun, unauhai, thu ziekhai chu in hmu khûm nawna dingin, keinia hin in inchûk theina dingin, chuong thuhai chu in ṭhatna dingin kei le Appolo kân bel a nih, nangni laia tûkhawmin pakhat suonga pakhat in uongkhum nawna dingin.
7Nang tûin am a sukdanglam chuong cheh a? Dawng naw chu ieng am i nei leh? I dawng a ni si chun iengdinga i dawng ni lo anga i uongpui am a na?
8Tuta inthawkin in tlai tah a, tuta inthawkin in hausa tah a, kan ṭhang loin ro in rêl a ni ta hi! Anih, ro rêl tak tak unla kan nuom a nih, keini khawma nangni le ro kan rêl theina dingin.
9Pathienin keini tirkohai hi thi dinga ruot tasa angin a nu- hnungtakah a mi târsuok angah ka ngai a nih; khawvêl le vântirkohai le mihriemhai mithmuah ennuoma siemin kan um hi.
10Keini chu Krista leiin mi invêt kan nih, nangni ruok chu Kristaa chun mi var in ni lem a nih! Keini chu kan hrât nawh a, nangni ruok chu in hrât a nih! Nangni chu mi inpâkin in um a, keini ruok chu mi hmusitin kan um a nih.
11Tu chen khawm hin, kan phîng a ṭâmin kan dang a châr a, silfên kan khawp nawh a, mi kut inthak nûlna kan na, umna bulbâl kan nei nawh a,
12 #
Tt 18.3 mâni kuta sin thawin kan inrim hle hlak a, miin an mi halin mal kan sâwmpêk a, miin an mi suknawmna leh kan tuor fan fan a;
13miin an mi hrilsiet leh zaidam- takin kan hril hlak, tu chen khawm hin khawvêl hnâwlhnawk, thil po po hmunhnawk angin an mi siem a nih.
Pa thurawn le kâwkna chu
14Sukzak ding cheuin hieng thu hi ka ziek nawh a, ka nau dittakhai anga infuina ding cheuin ka ziek lem a nih.
15Kristaa chun inchûktirtu sîng khat nei unla khawm pa chu tamtak in nei si naw a nih; keiin Krista Isua chun Chanchin Ṭhain ka nei cheu a ni kha.
16 #
1 Kor 11.1; Phil 3.17 Chuongchun, mîn chûk dingin ka ngên cheu a nih.
17Chuleichun, Timothe, Lalpaa ka nau dittak le ringum chu in kuomah ka hung tir a nih, ama chun Kristaa ka umdân ram tina kohran tina ka închûktir hlak ang hi inhriettir nâwk a ti cheu.
18Chun, kei in kuoma hung nâwk ta naw ding ang elin ṭhenkhat in uong a nih.
19Nisienlakhawm, Lalpain rem a ti chun, sâwtnawtê hnungah in kuomah hung ka tih; chuongchun, mi uonghai thu chu ni loin, an thil- thawtheina chu hre lem tâng ka tih.
20Pathien ram chu thuah a um nawh a, thilthawtheinaah a um lem a nih.
21A ieng am in nuom lem? Hmawltum leh am a ni in kuomah ka hung ding, hmangaina le thuhnuoi- rawl lungril putin?
Currently Selected:
1 KORINTH 4: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
