1 KORINTH 3
3
Pathien sinthawpuituhai
1Chun, unauhai, Thlarau mi kuoma hril angin in kuomah thu ka hril thei nawh a, tisa mihai kuoma hril angin ka hril lem kha; Kristaa nautêhai kuoma hril ang elin.
2 #
Heb 5.12-13
Bu ni loin, nênetuiin ka châwm cheu kha, bu in la fâk thei naw leiin; anih, tu khawm hin in la fâk thei naw rawp a nih, tisa mi in la ni rawp leiin.
3Nangni laia inthîkna le insêlna a um hlak leiin tisa mi la niin mihriem angin in la um zing a ni naw am a nih?
4 #
1 Kor 1.12
Mi pakhatin, “Paula pâwl ka nih,” mi dangin, “kei chu Appolo pâwl ka nih,” in ti sûng chu mihriem in ni zing a ni naw am a ni?
5Appolo chu ieng am a ni leh? Paula khawm chu ieng am a na? Rawngbâwltu nangni inawitirtu cheu chau an nih in sawnnaw; chu khawm chu Lalpain a ipêk ang ve ve chau a nih.
6 #
Tt 18.24-28
Keiin ka phun a, Appoloin tuiin a châwm a, nisienlakhawm, Pathienin ân ṭhangtir a nih.
7Chuongchun, ân ṭhangtirtu Pathien chau naw chu a phuntu chu iengkhawm a ni nawh a, tuia châwm- tu khawm chu iengkhawm a ni nawh.
8Chun, a phuntu le tuia châwmtu pumkhat an nih, nisienlakhawm, mâni sinthaw ang peiin lâwmman hmu ve vêng an tih.
9Keini chu Pathien sinthaw- puituhai kan ni sih a, nangni Pathien lohma chu in na, Pathien in bâwl chu in ni bawk a nih.
Inchûktirtuhai mawphur nasat zie
10Pathien lunginsietna ka kuoma pêka um ang peiin in bâwl hotu tak vartak angin keiin lungphûm ka rem a, mi dangin a chungah in an bâwl a, nisienlakhawm, mi tin a chunga bawl dingziea chun fimkhur seng raw hai se.
11Lungphûm rem tasa naw chu tûkhawma lungphûm dang an rem thei si naw a, chu lungphûm chu Isu Krista chu a nih.
12Chun, lungphûm chunga chun tûkhawmin rângkachakin amanih, tangkain amanih, lungmantamin amanih, thingin amanih, sâwlhnain amanih, bupâwlin amanih bâwl sienla, mi tin sinthaw chu inlang a tih;
13ni chun a suklang ding a ni sih a, meiin ân lâr ding a ni leiin, mei ngei chun mi tin sinthaw chu ieng ang am a ni fie tâng a tih.
14Tû sinthaw khawm a chunga a bâwl chu a um zing chun, ama chun lâwmman hmûng a tih.
15Tû sinthaw khawm a kâng chun, ama chun chân a tih, ama tak ruok chu sandamin um a tih, nisienlakhawm, meia fe thleng ang elin.
16 #
1 Kor 6.19; 2 Kor 6.16 Pathien in in ni le Pathien Thlarau nangniah a um ti in hriet naw am a nih?
17Tûkhawmin Pathien in chu a sukkhawhlo chun Pathienin ama chu sukkhawhlo vêng a tih, Pathien in chu ân thieng sih a, chu in chu nangni in nih.
18Tûkhawmin ama le ama inhlêm naw raw se. Nangni laia tûkhawm hi khawvêla vara inngai chu a hung var theina dingin mi invêtah hung inchang phawt raw se.
19 #
Job 5.13
Hi khawvêl varna hi Pathien ngaiah invêtna a ni sih a. “Ama chun mi varhai chu anni var vervêknaah a âwk hlak,” ti ziek a ni sih a.
20 #
Sm 94.11
“Lalpa chun mi varhai ngai- tuona chu a thlâwn a nih ti a hriet,” ti ziek a ni nâwk bawk a.
21Chuleiin, tûkhawmin mihriem- hai suong naw raw se.
22Iengkim hi in ta vawng a ni sih a: Paula amanih, Appolo amanih, Ki- pha amanih, khawvêl amanih, hring- na amanih, thina amanih, thil um tasahai amanih, a hung um dinghai le chun a rêngin in ta vawng a nih.
23Nangni khawm Krista ta in na, Krista khawm chu Pathien ta a nih.
Currently Selected:
1 KORINTH 3: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
