1 Korintofoɔ 3

Mpaepaemu a ɛwɔ Korinto Asafo no mu

1 # Yoh 16.12 Na me nso, anuanom, mantumi ne mo ankasa sɛ honhom mufoɔ, na mmom sɛ honam mufoɔ, sɛ Kristo mu nkɔkoaa. 2#1 Pe 2.2; Heb 5.12-13 Nufoɔ na mede memaa monomeeɛ na nyɛ aduane, ɛfiri sɛ na montumi nnye, na seesei ara mpo, montumi. 3#1 Ko 1.10-11; 11.18 Na moda so ara yɛ honam mufoɔ. Na ɛberɛ a ahoɔyea ne aperepereɛ wɔ mo mu yi, monyɛ honam mufoɔ, na ɛnyɛ nnipasɛm na moredi yi anaa? 4#1 Ko 1.12 Na sɛ obi se: Me deɛ, mewɔ Paulo afa, anaasɛ me deɛ mewɔ Apolo afa a, na monyɛ honam mufoɔ anaa?

5 # Aso 18.24; 18.27 Na Apolo ne hwan? Paulo ne hwan? Wɔyɛ asomfoɔ a monam wɔn so agye adie, na wɔn mu biara wɔ deɛ Awurade de ama no. 6#Aso 18.4; 18.11 Me deɛ, meduae, Apolo guguu so nsuo, nanso Onyankopɔn na ɔmaa no nyiniiɛ. 7Enti ɛnyɛ deɛ ɔdua, na ɛnyɛ deɛ ɔgugu so nsuo na ɔyɛ biribi, na mmom Onyankopɔn a ɔma no nyini no a. 8#1 Ko 4.5 Na deɛ ɔdua ne deɛ ɔgugu so nsuo yɛ baako, na wɔn mu biara bɛnya n’akatua sɛdeɛ ɔno ara n’adwuma teɛ. 9#Mat 13.3-9; Efe 2.20 Na yɛyɛ Nyankopɔn adwumayɛfoɔ, a yɛne no bom yɛ adwuma; moyɛ Nyankopɔn afuo, Nyankopɔn dan.

10 # 1 Ko 15.10 Nyankopɔn adom a ɔde adom me no so na menam meto fapem sɛ ɔdansifoɔ nyansafoɔ, na obi to so; na obiara a ɔto soɔ no nhwɛ sɛdeɛ ɔto so fa. 11#1 Pe 2.4-6 Na fapem foforɔ deɛ, obiara rentumi nto nka deɛ ɛhyɛ hɔ dada a, ɛne Yesu Kristo no ho. 12Nanso sɛ obi de sikakɔkɔɔ, dwetɛ, abohene, nnua, ɛserɛ, aburoodua to fapem yi so a, 13#1 Ko 4.5 obiara adwuma bɛda adi, na Ɛda no bɛyi no adi, ɛfiri sɛ ogya mu na ɛbɛda adie, na sɛdeɛ obiara adwuma teɛ no ogya no bɛsɔ ahwɛ; 14sɛ obi adwuma a wato asi soɔ gyina a, ɔbɛnya akatua. 15Sɛ obi adwuma hye a, ɔbɛhwere adeɛ; ɔno ara deɛ wɔbɛgye no nkwa, nanso ɛte sɛ deɛ ɛnam ogya mu.

16 # 1 Ko 6.19; 2 Ko 6.16 Monnim sɛ moyɛ Nyankopɔn asɔredan na Nyankopɔn honhom te mo mu anaa? 17Sɛ obi sɛe Nyankopɔn asɔredan a, sɛeɛ na Onyankopɔn bɛsɛe no; ɛfiri sɛ Nyankopɔn asɔredan ho te, na ɛne mo ara.

18 # Adi 3.17-18 Obiara nnnaadaa ne ho. Sɛ obiara susu sɛ ɔyɛ onyansafoɔ mo mu, wiase a, ma no nyɛ kwasea na wayɛ onyansafoɔ. 19#Hiob 5.12-13 Na wiase nyansa yɛ nkwaseasɛm wɔ Nyankopɔn anim; ɛfiri sɛ wɔatwerɛ sɛ:

Ɔkyere anyansafoɔ wɔn aniteɛ mu.

20 # Dwom 94.11 Na bio:

Awurade nim anyansafoɔ nsusuiɛ

sɛ ɛyɛ nsusuiɛ hunu.

21Enti obiara nnhoahoa ne ho nnipa fam; na nnoɔma nyinaa wɔ mo, 22Paulo oo, Apolo oo, Kefa oo, wiase oo, nkwa oo, owuo oo, ɛnnɛ deɛ oo, daakye oo, nnoɔma nyinaa wɔ mo, 23#1 Ko 11.3 na mo nso mowɔ Kristo, na Kristo nso wɔ Onyankopɔn.

Currently Selected:

1 Korintofoɔ 3: ASW

Highlight

Copy