1 Korintofoɔ 4

Kristo Asomafoɔ

1 # Tito 1.7 Momma obiara mmu yɛn sɛ Kristo asomfoɔ ne Nyankopɔn ahuntasɛm so ahwɛfoɔ. 2#Luka 12.42 Na afei, deɛ wɔhwehwɛ firi efiehwɛfoɔ hɔ ne sɛ obiara bɛhunu sɛ ɔyɛ nokwafoɔ. 3Na me deɛ, ɛyɛ me adeɛ ketewa bi sɛ mo anaa nnipa bi hyɛ da bu me atɛn, nso memmu me ho atɛn. 4#Dwom 143.2 Ɛfiri sɛ me deɛ menhunu biribiara wɔ me ho, nanso ɛnyɛ yei ho na medi bem; na deɛ ɔbu me atɛn ne Awurade. 5#1 Ko 3.8 Enti mommpere ho mmmu biribiara ho atɛn kɔsi sɛ ɛberɛ no bɛduru ansa na Awurade bɛba; ɔno na ɔde deɛ ahunta sum mu bɛba hann mu, na wayi akoma mu agyina adi; ɛno ansa na Onyankopɔn de obiara ayeyie bɛma no.

6 # Rom 12.3 Na anuanom, mo nti na mede asɛm yi metoo me ne Apolo ho mekyerɛɛ mo, na moasua yɛn sɛ morennwene ntra deɛ wɔatwerɛ no, na mo mu bi anhoahoa ne ho ne obi anni asie.

7 # Rom 12.6 Na hwan na ɔma wo da nso wɔ afoforɔ mu? Na ɛdeɛn na wowɔ a woannya? Na sɛ wonyae a, adɛn nti na wohoahoa wo ho sɛdeɛ ɛnyɛ nya na wonyaeɛ? 8#Adi 3.17; 3.21 Moawie mee dada, aane moawie mo ho nya, moakwati yɛn adi ahene. Sɛ modii ahene ampa a, anka ɛyɛ, na yɛn nso yɛne mo adi bi. 9#Rom 8.36; Heb 10.33 Na ɛyɛ me sɛ Onyankopɔn de yɛn asomafoɔ adi akyire sɛ wɔn a wɔayi wɔn ama owuo, ɛfiri sɛ yɛayɛ ahwɛdeɛ ama wiase ne abɔfoɔ ne nnipa. 10#1 Ko 3.18 Kristo nti yɛyɛ nkwaseafoɔ, na mo deɛ, moyɛ anyansafoɔ, Kristo mu; yɛyɛ mmerɛ, na mo deɛ, mo ho yɛ den. Mo deɛ, moyɛ animuonyamfoɔ, na yɛn deɛ yɛyɛ ahohorafoɔ. 11#2 Ko 11.23-27 Ɛde bɛsi dɔn yi mu, ɛkɔm ne sukɔm de yɛn, na yɛda adagya, na wɔhwe yɛn, na yɛnni baabi te, 12#Aso 18.3; 20.34; 1 Te 2.9; 2 Te 3.8; 1 Ko 9.15; Rom 12.14; Dwom 109.28 na yɛbrɛ de yɛn ara yɛn nsa yɛ adwuma. Wɔya yɛn a, yɛhyira, wɔtaa yɛn a, yɛpene so, 13wɔsɛe yɛn din a, yɛka abodwosɛm. Yɛayɛ sɛ wiase fi, nnipa nyinaa mu sumina de bɛsi nnɛ.

Agya afotuo

14Mentwerɛ yei memmɛgu mo anim ase, na mmom mede rebɛtu mo fo sɛ me mma adɔfo. 15#Gal 4.19 Na sɛ mowɔ ahwɛfoɔ ɔpedu wɔ Kristo mu mpo a, monni agyanom bebree; na me na menam asɛmpa no so mewoo mo Kristo Yesu mu. 16#1 Ko 11.1 Enti metu mo fo sɛ: Monhwɛ me nsua me. 17#Aso 19.22 Yei nti na masoma Timoteo a ɔyɛ me ba dɔfo ne nokwafoɔ Awurade mu aba mo nkyɛn; ɔno na ɔbɛkae mo m’akwan a ɛwɔ Kristo Yesu mu sɛdeɛ mekyerɛkyerɛ asafo nyinaa mu wɔ mmaa nyinaa.

18Na ebinom rehoahoa wɔn ho sɛdeɛ meremma mo nkyɛn. 19#Aso 18.21; Yak 4.15 Nso sɛ Awurade pɛ a, ɛrenkyɛ na maba mo nkyɛn, na mabɛhunu wɔn a wɔrehoahoa wɔn ho no tumi, na ɛnyɛ wɔn nsɛm a. 20#1 Ko 2.4; Luka 17.20 Na Onyankopɔn ahennie nni kasa ara kɛkɛ mu, na mmom tumi mu. 21Deɛ ɛwɔ he na mopɛ? Memfa abaa mmra mo so, anaa ɔdɔ ne ɔdwoɔ honhom?

Currently Selected:

1 Korintofoɔ 4: ASW

Highlight

Copy