Ioane 11

PENE XI - 11

To Iesu akatu anga ia Lazaro: te tuatua a te au Pharisea e ta ia Iesu: te tuatua a Kaiapha.

1 # 11:1 Te Mataiti o te Mesia 33 TE mate ra tetai tangata i te maki ko Lazaro te ingoa, no Betania no te oire #Luka 10:38,39o Maria e tona tuakana ko Mareta ra. 2(Ko #Mata 26:7; Mare 14:3; Ioa 12:3Maria i akatainu i te Atu i te manongi ra, e tei orei i tona vaevae i tona rauru, nona te tungane i mate i te maki ra ko Lazaro.) 3Kua tona atura nga tuaine i te karere e akakite kiaia, na ko atura, E te Atu, i na, te tangata akaperepere naau ra, kua mate i te maki. 4E kite akerā Iesu i taua tuatua ra, kua na ko akera, Kare te reira maki e riro ei maki mate, #Ioa 9:3; 11:40kia akakakāia ra te Atua, e kia akakakāia te Tamaiti a te Atua i te reira. 5E akaperepere a Iesu ia Mareta, e tona teina, e ia Lazaro oki. 6E kite akera e kua mate aia i te maki, #Ioa 10:40noo iora aia i taua ngai ra e po rua. 7E muri akera, kua karanga atura aia ki te au pipi, Ka oki akaou tatou ki Iudea. 8Kua tuatua mai te au pipi kiaia, E Rabi, #Ioa 10:31i anoano akenei te ngati Iuda ia koe e peî ki te toka, e te oki akaou rai koe ki reira? 9Kua karanga aturā Iesu, Kare ainei okotai ngauru ma rua te ora i te ao okotai nei? #Ioa 9:4Kia aere te tangata i te ao ra, kare e turori, no te mea kua kite aia i te mārama no teianei ao. 10#Ioa 12:35Kareka kia aere aia i te po ra, ka turori ïa, no te mea kare e mārama. 11I akapera atura aia: e oti akera, kua karanga atura aia kia ratou, #Deu 31:16; Dani 12:2; Mata 9:24; Anga 7:60; 1 Kori 15:18,51Kua moe to tatou oa ko Lazaro; e te aere nei au e akara iaia. 12Kua tuatua maira tana au pipi, E te Atu, te moe ra aia, ka ora ïa. 13No te mate te tuatua a Iesu i karanga atura; i manako ra ratou e no te akāvai moe ua nei tana i tuatua maira. 14Kua akakite pu aturā Iesu kia ratou, Kua mate takiri a Lazaro. 15No kotou ra i rekarekaʼi au, i te mea kare au i reira, kia akarongo oki kotou; e teianei taki aere tatou kiaia ra. 16Kua tuatua akera #11:16 - Maanga, E reo Ebera.Toma, koia oki a #11:16 - Maanga, E reo Eleni.Didimo ra, ki tona au taeake pipi ra, E taki aere tatou, kia mate katoa atu.

17E tae aturā Iesu ra, kite akera aia e, kua po a atura aia ki roto i te vaarua. 18Te vaitata ua ra Betania ki Ierusalema, #11:18 E rua maile.ka tau i te ngauru ma rima te setadia ra: 19Kua aere maira te ngati Iuda e manganui kia Mareta raua ko Maria ra, e akapumaana ia raua i to raua tungane ra. 20Kite akerā Mareta e te aere mai nei a Iesu, aere atura aia e aravei akera iaia; karekā Maria, noo ua iora ïa ki roto i te are. 21Kua karanga aturā Mareta kia Iesu, E te Atu, naringa koe i ko nei, kare e mate toku tungane. 22Kua kite ra au e, #Ioa 9:31ko taau e pati i te Atua ra, na te Atua ïa e o mai naau i teianei rai. 23Kua tuatua mairā Iesu kiaia, Ka tu akaou mai ïa to tungane. 24Kua karanga aturā Mareta kiaia, #Luka 14:14; Ioa 5:29Kua kite au e, ka tu akaou maira aia i te tuakaouanga i te rā openga ra. 25Kua tuatua mairā Iesu kiaia, Ko au #Ioa 5:21; 6:39,40,44te tuakaouanga, e te #Ioa 1:4; 6:35; 14:6; Kolo 3:4; 1 Ioa 1:1,2; 5:11ora; #Ioa 3:36; 1 Ioa 5:10&cko te akarongo mai iaku ra, mate ua atu rai, ka ora ra ïa: 26E te tangata ora katoa nei e akarongo mai iaku ra, kare rava atu ïa e mate. 27Kua akarongo ainei koe i te reira? Kua karanga atura aia kiaia, E te Atu, a; #Mata 16:16; Ioa 4:42; 6:14,69kua akarongo au e, ko koe te Mesia, te Tamaiti a te Atua, ko te aere mai ki te ao nei. 28E oti akera taua tuatua nana ra, oki maira aia e karanga atura kia Maria ki tona teina, koumuumu atura e, Tera ake te Orometua, e te tuatua maira ia koe. 29E kite akera aia, tu ua akera aia ki runga i reira ra, aere atura kiaia ra. 30Kare akerai a Iesu i tae ki roto i te vila, tei te ngai rai i aravei atu ei a Mareta iaia ra. 31#Ioa 11:19E te ngati Iuda i noo katoa i roto i te are, i te akapumaana iaia, kite akera ratou ia Maria i te tu vave anga ki runga, e te aere anga ki vao, kua aru maira iaia, na ko akera, Te aere atura aia ki te tanumanga e aue ei. 32E tae aturā Maria ki taua ngai tei reirā Iesu ra, kite atura iaia, piko iora ki raro i tona pae vaevae, na ko atura, #Ioa 11:21E te Atu, naringa koe i ko nei kare e mate toku tungane. 33E kite akerā Iesu iaia i te aue anga, e te ngati Iuda i aere katoa maira i te aue anga, ngunguru iora aia i roto iaia, e taitaia atura. 34E kua na ko atura, Teiea aia te vaio angaia e kotou? Kua na ko maira ratou, E te Atu ka aere mai ka akara. 35#Luka 19:41Aue iorā Iesu. 36Kua tuatua iora te ngati Iuda, Ka akara na i tona akaperepere iaia! 37Kua na ko akera ra tetai pae o ratou, Kare ainei e tika iaia kia akakore mai i te mate o teianei tangata, #Ioa 9:6ko tei akapuera i te mata o te tangata matapo ra? 38Kua ngunguru akaou iorā Iesu i roto iaia ra, e tae atura ki te tanumanga; e ana, kua momaniia te ngutupa ki te toka. 39Kua karanga aturā Iesu, Ka uri ke atu i te toka na. Kua tuatua mairā Mareta, te tuaine o taua tangata i mate ra, E te Atu, kua aunga i tenana, ko te po a oki teia. 40Kua karanga aturā Iesu kiaia, Kare au i karanga kia koe e, Kia akarongo koe ra, #Ioa 4:23ka kite koe i te kakā o te Atua? 41Kua uri ke atura ratou i te toka i taua ngai i vaooiaʼi te tupapaku ra. Akara atura te mata o Iesu ki runga, kua karanga atura, E taku Metua, e akameitaki au ia koe, ko koe i akarongo mai iaku nei. 42Kareka au, kua kite au e, ka akarongo ua mairai koe iaku; #Ioa 12:30no teianei ra aronga i akapiri mai kiaku nei i karanga atu ei au, kia akarongo ratou e, naau au i tono mai. 43E oti akera taua tuatua nana ra, kua kapiki atura aia ma te reo maata, E Lazaro, ka aere mai ki vao! 44Kua aere maira taua tangata i mate ra ki vao, #Ioa 20:7kua tākaiia nga rima e nga vaevae; i vaîia oki te mata i te kakau. Kua karanga aturā Iesu kia ratou, Ka tatara, e tuku atu iaia kia aere ana.

45E te ngati Iuda i aere mai kia Maria ra; #Ioa 2:23; 10:42; 12:11,18ko tei kite i ta Iesu i rave ra, manganui ïa tei akarongo iaia. 46Aere atura tetai pae o ratou i te au Pharisea ra, kua akakite atura kia ratou i ta Iesu i rave ra.

47 # Sala 2:2; Mata 26:3; Mare 14:1; Luka 22:2 Kua akaputuputu maira te kau taunga nunui ra e te au Pharisea i te Sunederi, na ko akera, #Ioa 12:19; Anga 4:16Te aa ua nei tatou? maata rava ta teianei tangata akairo e rave nei. 48I vaio ua atu rai tatou iaia mei teianei rai, ka ope takiri te tangata i te akarongo iaia; e ka tae mai oki to Roma e rave i to tatou nei ngai, e te enua katoa oki. 49Kua tuatua akera tetai o ratou uaorai, #Luka 3:2; 18:14; Anga 4:6ko Kaiapha, ko te taunga maata ïa i te reira mataiti, 50Kare anake kotou i kite, #Ioa 18:14E kare kotou i manako e, e mea meitaki ia tatou kia mate atu te tangata okotai, kia ora te tangata ravarai nei, auraka oki e mate te enua katoa. 51I akapera atura aia, kare ra tana tikai taua tuatua ra: koia ra te taunga maata i te reira tuatau, kua akakite atea maira aia e, e mate a Iesu no te reira enua; 52#Isa 49:6; 1 Ioa 2:2Kare ra no te reira enua anake ra, #Ioa 10:16; Ephe 2:14-17kia akaputuputu ra aia ki te ngai okotai i te tamariki a te Atua i pueurikiriki aere ra. 53E mei taua rā mairai ratou i te akatau anga i ta ratou tuatua e ta iaia.

54 # Ioa 4:1,3; 7:1 Kare aturā Iesu i aere akakite ki o te ngati Iuda; i aere atura ra aia i tetai ngai i vaitata i te medebara ra, i tetai oire #2 Para 13:19ko Epheraima te ingoa, noo atura i reira e tana au pipi katoa oki. 55#Ioa 2:12; 5:1; 6:4Kua vaitata te pasa a te ngati Iuda ra; e manganui to uta mai i aere atea ua na ki Ierusalema, e tamā ia ratou i te pasa. 56#Ioa 7:11Kua ui iora ratou ia Iesu, na ko akera ratou ratou uaorai i to ratou tu anga i roto i te iero ra, Eaa to kotou manako? kare aina aia e tae mai i teianei oroa? 57Kua tuku mai ana te kau taunga nunui e te au Pharisea i te tuatua e, ko te tangata i kite iaia i te noo anga, ka aaki aia, kia opukia aia e ratou.

Currently Selected:

Ioane 11: CIMB

Highlight

Copy