Ioane 12

PENE XII - 12

To Maria akatainu anga i te vaevae o Iesu: to Lazaro rongonui: te aerenga papanunui o Iesu ki Ierusalema: to te Eleni inangaro kia kite iaia: te ua sitona kia mate e tikaʼi: te reo no te rangi mai: no te mate o te Mesia: te ngakau mārokiakia o te ngati Iuda: ta Iesu e ta te Atua okotai rai ïa.

1E PO ono toe i te pasa ra, kua aere mairā Iesu ki Betania, i te ngai i #Ioa 11:1,43nooia e taua tangata i mate ra ko Lazaro, ko tana i akatu mei te mate maira. 2#Mata 26:6; Mare 14:3Kua rave iora ratou i tetai kaingakai nana; ko Mareta tei raverave: ko Lazaro ra tetai i noo katoa ma ia i taua kaingakai ra. 3Kua rave akerā #Luka 10:38,39; Ioa 11:2Maria i te manongi narido okotai paunu, e mea apinga maata, kua akatainu iora i te vaevae o Iesu, e orei atura i tona vaevae ki tona rauru: ki akera te are i te aunga o taua manongi ra. 4Kua na ko akera tetai pipi nana, ko Iuda Ikariota, ko te pikikaa iaia ra, 5Eaa teianei manongi i kore ei i okoiaʼi i te denari #12:5 - 45 dala.kia toru ake te anere, apai atu ei na te putaua ra? 6I akapera atura aia, kare ra to te mea, e aroa aia i te putaua ra; no te mea ra, e keia aia, #Ioa 13:29e nana i mou i te pute, e nana rai i apai i nga mea i tukuia ki roto ra. 7Kua karanga aturā Iesu, Vaio ua atu ïa: kua vaoo marie oki aia i teia no te rā tanumanga iaku ra. 8#Mata 26:11; Mare 14:7Ka noo ua rai oki te putaua ki o kotou nei; ko au ra, kare au e noo tikai ki o kotou.

9Kua aere maira te ngati Iuda e manganui i reira ra, kua kite ana e te reira aia; kare ra no Iesu anake ra i aere mai ei, kia kite katoa ra ia Lazaro, i #Ioa 11:43,44tana i akatu mei te mate maira. 10#Luka 16:31E akakoro akera te kau taunga nunui, kia ta katoa ratou ia Lazaro; 11#Ioa 11:45; 12:18No te mea, nona i akaruke ei te ngati Iuda katoa e manganui ia ratou, e akarongo atura ia Iesu.

12E #Mata 21:8; Mare 11:8; Luka 19:35,36&cao akera, manganui te tangata o taua aronga i aere mai ki te oroa ra, kite akera e te aere mairā Iesu ki Ierusalema, 13Kua rave akera i te kikau nu tamara, aere atura kia aravei atu iaia, e kua kapiki atura, #Sala 118:25,26Osana! Kia ora na te Ariki no Iseraela, ko tei aere mai ma te ingoa o te Atu! 14#Mata 21:7E kite akerā Iesu i tetai punua asini, noo iora i rungao, koia oki tei tataia ra e; 15#Zeka 9:9“Auraka e mataku, e te tamaine a Ziona; i na, te aere maira toou Ariki, te noo ra ki runga i te punua asini.” 16#Luka 18:34Kare te au pipi i kite i taua tuatua ra i muatangana; #Ioa 7:39kia akakakāia rā Iesu ra, #Ioa 14:26kua manako akera ratou e, kua akaperaia taua tuatua nona nei i te tata, e kua akapera oki ratou iaia. 17Kua akakite katoa atura oki te au tangata i vaitata iaia ra e, nana i kapiki ia Lazaro i tae mai ei ki vao mei roto mai i te tanumanga ra, e kua akatu mai iaia mei te mate maira. 18#Ioa 12:11No te rongo o taua akairo tana i rave ra, i aravei ua mai ei te tangata iaia ra. 19Kua tuatua iora te au Pharisea ratou ratou uaorai, #Ioa 11:47,48Kare rai kotou i kite e, kare ua a kotou i rauka e vaʼi mea ngiti ake? i na, kua ope takiri to te ao katoa i te aru iaia. 20E taua aronga i #1 Ari 8:41,42; Anga 8:27aere mai e akamori i te Atua i taua oroa ra, #Anga 17:4e Eleni ïa tetai pae: 21Kua aere mai ratou kia Philipa, #Ioa 1:44no Betesaida i Galilea ra, kua tuatua maira kiaia, E tama, te anoano nei matou kia kite matou ia Iesu. 22Kua aere aturā Philipa, akakite atura kia Anederea: kua tuatua maira oki a Anederea raua ma Philipa kia Iesu. 23Kua karanga aturā Iesu kia ratou, na ko atura, #Ioa 13:32; 17:1Kua tae ki te ora e akakakāiaʼi te Tamaiti a te tangata nei. 24Tika, tika tikai taku e karanga atu kia kotou, #1 Kori 15:26Kia tukuia tetai ua sitona ki raro i te one, kia kore e mate ra, kua vai tai ua ïa; kia mate ra, kua maata atura ïa te uua anga. 25#Mata 10:39; 16:25; Mare 8:35; Luka 9:24; 17:33Ko tei anoano ua ki tona ora, ka ngere ïa i te ora: ko te kore e anoano i tona ora i teianei ao, ei ora mutu kore tona ra. 26Ko tei anoano ei tavini aia noku ra, ka aru mai ïa iaku; #Ioa 14:3; 17:24; 1 Tesa 4:17e te ngai taku e noo ra, ei reira katoa taku tavini; e kia tavini tetai tangata iaku ra, na toku Metua e o mai i tana tutaki. 27#Mata 26:38,39; Luka 12:50; Ioa 13:21Kua taitaia rava toku vaerua i teianei; e ka akapeea ra au? E taku Metua, ka akaora mai koe iaku i teianei ora; #Luka 22:53; Ioa 18:37i aere mai ei ra au no teianei rai ora. 28E taku Metua, e akakakā i toou ingoa. #Mata 3:17Kua kitea maira tetai reo no runga i te rangi, i te na ko anga mai, Kua akakakā au, e ka akakakā akaou atu rai au. 29Kua kite oki te aronga tangata i reira i te aruru, manako akera, E mangungu: kua na ko akera tetai aronga, E angela tei tuatua maira kiaia. 30Kua karanga aturā Iesu, na ko atura, #Ioa 11:42Kare noku i tae mai ei taua reo nei, no kotou ra. 31E teianei e #12:31 Tikaanga - akaapaiaʼi.akapaiaʼi teianei ao; ei teianei ka eke ei #Mata 12:29; Luka 10:18; 14:30; 16:11; Anga 26:18; 2 Kori 4:4; Ephe 2:2; 6:12te ariki o teianei ao: 32#Ioa 3:14; 8:28Kareka kia apaiia au ki runga ra, #Roma 5:18; Ebe 2:9ka tōia mai e au te tangata katoa kiaku nei. 33#Ioa 18:32I akapera atura aia i te akakite anga i te tu o tona matenga kia mate ra. 34Kua tuatua maira te au tangata ra, #Sala 89:36,37; 110:4; Isa 9:7; 53:8; Eze 37:25; Dani 2:44; 7:14,27; Mika 4:7I kite akenei matou i te ture ra, ka tika te Mesia i te ora ua anga; eaa oki koe i karanga mai ei e, Ka apaiia te Tamaiti a te tangata ki runga? Koai oki taua Tamaiti a te tangata ra? 35Kua karanga aturā Iesu kia ratou, Koi #Ioa 1:9; 8:12; 9:5; 12:46roao te mārama ki o kotou nei: ka #Iere 13:16; Ephe 5:8aere koi vai ake to kotou mārama, ko te rokoia aea kotou e te poiri; #Ioa 11:10; 1 Ioa 2:11ko tei aere ua i te poiri ra, kare ïa e kite i tona aerenga. 36Ka akarongo kotou i te mārama, koi vai ake to kotou mārama, #Luka 16:8; Ephe 5:8; 1 Tesa 5:5; 1 Ioa 2:9-11kia riro kotou ei tamariki no te mārama.

E oti akera taua tuatua ra, #Ioa 8:59; 11:54aere poiri aturā Iesu, akaruke maira ia ratou. 37Rave ua atu rai aia i te akairo e manganui ua atu i mua i to ratou aroaro, kare akerai ratou i akarongo iaia: 38Tupu atura te tuatua a Isaia peroveta ra, tana i karanga ra e, #Isa 53:1; Roma 10:16E te Atu, koai tei akarongo i ta matou tuatua? e koai tei akakiteia i te rima o te Atu? 39I kore ei i tika ia ratou kia akarongo, no te mea kua tuatua akaou anā Isaia, 40#Isa 6:9,10; Mata 13:14“Kua akapo aia i to ratou mata, kua tapakariia to ratou ngakau, ko te akara aea to ratou mata, ko te kite aea to ratou ngakau, ko te ariu mai aea, e ko te akaora atu au ia ratou.” 41#Isa 6:1I pera mai a Isaia, i te kite anga aia i tona kakā, ka tuatua mai ei aia iaia ra. 42Kua akarongo oki tetai papaki o te au tutara ra iaia e manganui; #Ioa 7:13; 9:22no te mataku ra i te au Pharisea ra i kore ei i mou akakite ua, ko te tukuia aea ki vao i te sunago: 43#Ioa 5:44E mea meitaki na ratou te akameitaki a te tangata i te akameitaki a te Atua ra. 44Kua akateitei aturā Iesu i tona reo, na ko atura, #Mare 9:37; 1 Pete 1:21Ko te akarongo mai iaku ra, kare ïa ko au tana e akarongo maira, iaia ra i tei tono mai iaku nei. 45#Ioa 14:9Ko tei akara mai iaku ra, kua akara aia i tei tono mai iaku nei ra. 46#Ioa 3:19; 8:12; 9:5,39; 12:35,36I aere mai ei au i te ao nei ei mārama, kia kore tei akarongo mai iaku ra kia noo ua i te poiri. 47Kia kite ra te tangata i taku ra tuatua, e kare i akarongo ra, #Ioa 5:45; 8:15,26kare ïa ko au te akaapa iaia: #Ioa 3:17kare au i aere mai e akaapa mai i to te ao, e akaora ra i to te ao. 48#Luka 10:16Ko tei akavaavaa mai iaku ra, e kare i āriki mai i taku tuatua, te vai ra ïa te akaapa iaia: #Deu 18:19; Mare 16:16na te tuatua taku i apii ra, e akaapa iaia kia tae ki te rā openga ra. 49#Ioa 8:38; 14:10Kare oki i taku uaorai te tuatua taku i karanga atu na; na te Metua ra i tono mai iaku nei, #Deu 18:18i akaue mai iaku i te tuatua, kia tuatua au e kia apii au. 50Kua kite oki au e, ko te ora mutu kore ïa tana i akaue ra; e teianei ko taku e tuatua nei, ko ta te Metua ïa i akaue mai iaku, ko taku e tuatua nei.

Currently Selected:

Ioane 12: CIMB

Highlight

Copy