Ioane 10

PENE X - 10

Ko Iesu te tiaki e te ngutupa o te mamoe: te aronga keia mamoe: te anana okotai: te mavete anga ia Iesu: te peî anga ki te toka: te tupu anga o ta Ioane bapetizo tuatua.

1TIKA, tika tikai taku e karanga atu kia kotou, Ko te kore e na te ngutupa te tomo ki roto i te koro o te mamoe ra, ko te kake na runga i tetai ara ke ra, e keia ïa, e te noni. 2Na te ngutupa rai te tiaki mamoe i te tomo. 3E kiriti mai ïa te tiaki pa ra iaia; e ka akarongo mai te mamoe i tona reo: e karanga atu aia ki tana uaorai mamoe ma te taiku atu i te ingoa; e e arataki aia ia ratou ki vao. 4E arataki aia i tana uaorai mamoe ki vao ra, e na mua aia ia ratou te aere; e ka aru mai te au mamoe iaia, kua kite oki ratou i tona reo. 5Kare ratou e aru i te tangata ke, ka oro ke ratou i reira: kare oki ratou e kite i te reo o te tangata ke. 6I karanga tika aturā Iesu kia ratou i taua parabole nei: kare ua ra ratou i kite i te tuatua tana i karanga atu kia ratou ra. 7Kua karanga akaou aturā Iesu kia ratou, Tika, tika tikai taku e karanga atu kia kotou, Ko au te ngutupa o te mamoe. 8Ko to mua ravarai iaku ra, e keia ïa, e te noni: kare ra te mamoe i akarongo ia ratou. 9#Ioa 14:6; Ephe 2:18Ko au te ngutupa; ko te na ko nei mai iaku nei te tomo ra, ka ora ïa, ka aere ua ratou ki roto e ki vao, ka rauka oki te kai. 10Ko te keia anake ua ta te keia i aere mai ei, ko te ta oki, e kia pou takiri: i aere mai nei ra au kia rauka to ratou ora, e kia maata ua atu te ora. 11#Isa 40:11; Eze 34:12,23; 37:24; Ebe 12:20; 1 Pete 2:25; 5:4Ko au te tiaki mamoe meitaki ra: ka oronga te tiaki mamoe meitaki i tona uaorai ora no te mamoe. 12Ko tei ouia ra, kare aia i te tiaki mamoe ra, kare oki tona uaorai te mamoe, kia kite ra aia i te luko i te aere anga mai, #Zeka 11:16,17te akaruke ra i te mamoe, oro ke atura: te motumotu ra tetai papaki i te luko, pueurikiriki ke atura te anana. 13I oro ei tei ouia ra, no te mea e tangata ouia aia, kare aia i akono i te mamoe. 14Ko au te tiaki mamoe meitaki ra: #2 Timo 2:19kua kite au i taku uaorai, e kua kitea au e ratou. 15#Mata 11:27Mei te Metua i kite iaku nei ra, e ko au i kite i te Metua: #Ioa 15:13e e oronga oki au i toku ora no te mamoe. 16#Isa 56:8E mamoe ke atu rai taku, kare no teianei koro: e arataki katoa mai au ia ratou e tikaʼi, e akarongo mai oki ratou i toku nei reo: #Eze 37:22; Ephe 2:14; 1 Pete 2:25kia okotai oki anana, okotai oki tiaki. 17I akaperepere mai ei taku Metua iaku #Isa 53:7,8,12; Ebe 2:9ko au i oronga i toku ora, ka rave akaou atu ei. 18Kare e riro e na tetai ke e rave; naku uaorai e oronga ua atu: Ka tika oki iaku kia oronga, #Ioa 2:19ka tika oki kia rave akaou. #Ioa 6:38; 15:10; Anga 2:24,32Ko ta toku Metua ïa i akaue mai iaku nei. 19#Ioa 7:43; 9:16Kua mavete akaou iora te ngati Iuda i taua tuatua ra. 20Kua tuatua iora tetai pae o ratou, #Ioa 7:20; 8:48,52E demoni tona, e kua neneva; eaa kotou i akarongo atu ei iaia? 21Kua na ko akera tetai papaki, Kare teia tuatua i ta te tangata demoni: #Exo 4:11; Sala 94:9; 146:8ka puera ainei #Ioa 9:6,7,32,33te mata o te matapo i te demoni?

22 # 10:22 Te Mataiti o te Mesia 33 I reira te oroa o te akatapu akaou anga #10:22 I te iero.i Ierusalema, e paroro taua tuatau ra. 23E te aaere ua rā Iesu i roto i te iero i te #Anga 3:11; 5:12tomoanga o Solomona ra. 24Kua akapini akera te ngati Iuda iaia, kua tuatua maira kiaia, Mei te aa ra te roa o to matou ekoko anga ia koe? Ko te Mesia koe ra, ka akakite ua mai koe. 25Kua karanga aturā Iesu kia ratou, Kua akakite atu oki au kia kotou, kare ra kotou i akarongo mai: #Ioa 3:2; 5:36; 10:38ko te angaanga tini taku e rave ma te ingoa o taku Metua ra, ko te akakite mai ïa iaku. 26#Ioa 8:47; 1 Ioa 4:6Kareka kotou, kare ïa e akarongo, no te mea kare kotou i taku mamoe. 27#Ioa 4:14Ka akarongo mai taku mamoe i toku reo, taku rai oki i karanga atu na kia kotou, kua kite oki au ia ratou, e ka aru mai oki ratou iaku: 28E oronga atu au i te ora mutu kore no ratou; #Ioa 6:37; 17:11,12; 18:9kare rava ratou e mate, e kare rava oki ratou i roto i toku nei rima, e riro ia etai ke, me āru mai. 29#Ioa 14:28Ko taku Metua i #Ioa 17:3,6&coronga mai ia ratou noku ra, ko te maata ua atu ïa; e kare e tika ia etai kia āru atu ia ratou i roto i te rima o toku Metua ra. 30#Ioa 17:11,22Ko au e te Metua ra, okotai ïa. 31#Ioa 8:59Kua rave akaou iora te ngati Iuda i te toka e peî iaia. 32Kua karanga aturā Iesu kia ratou, Manganui oki taku angaanga meitaki i akakite atu au kia kotou na toku Metua; no teea ra i taua angaanga tini ra, i peî mai ei kotou iaku i te toka na? 33Kua tuatua maira te ngati Iuda kiaia, na ko maira, Kare to te angaanga meitaki i peî atu ei matou ia koe i te toka, no te akakino Atua; ko koe te tangata na, #Ioa 5:18i akaatua ia koe uaorai. 34Kua karanga aturā Iesu, #Sala 82:6Kare ainei i tataia i roto i ta kotou ture ra e, I tuatua na au e, e atua kotou? 35#Roma 13:1I karanga aia ki te aronga i tuatuaia atu te tuatua a te Atua ra e, e atua ratou, e kare oki e apa te tuatua i tataia ra; 36I tapepe mai oki kotou i te akakino Atua i ta te Metua #Ioa 6:27i akataka #Ioa 3:17; 5:36,37; 8:42e i tono mai i te ao nei, #Ioa 5:17,18; 10:30ko au i karanga ra e, #Luka 1:35; Ioa 9:35,37ko te Tamaiti au na te Atua? 37#Ioa 15:24Kare au i rave i te angaanga a taku Metua ra, auraka e akarongo mai iaku. 38Te rave nei ra au, e kare kotou i akarongo mai iaku ra, #Ioa 5:36; 14:10,11ka akarongo i te au angaanga: kia kite kotou, kia akarongo kotou e, #Ioa 14:10,11; 17:21tei roto iaku te Metua, e tei roto oki au iaia. 39Kua #Ioa 7:30,44; 8:59timata akaou atura ratou i te opu iaia; ora atura ra aia i to ratou rima.

40Aere akaou atura aia e topa maira Ioridana, i te ngai #Ioa 1:28ta Ioane i bapetizo i muatangana, noo atura i reira. 41E manganui tei aere mai kiaia ra, e kua karanga iora e, Kare ua a Ioane e akairo i rave: #Ioa 3:30kareka te au tuatua katoa ta Ioane i tuatua i teianei tangata, e tuatua-mou anake ïa. 42#Ioa 8:30; 11:45E manganui oki tei akarongo iaia i reira.

Currently Selected:

Ioane 10: CIMB

Highlight

Copy