Ioane 9

PENE IX - 9

Te tangata matapo i akaoraia ra: te riri o te au Pharisea: te tuatua e te akarongo o te tangata #9:0 Tikaanga - mata pueramatapuera: te au Pharisea tei matapo.

1E TE aere ua ra aia ra, kite atura aia i te tangata matapo mei te anau anga mai. 2Kua ui maira tana au pipi kiaia, na ko mai ra, E Rabi #Ioa 9:34naai te ara, nana uaorai aina e na nga matua ainei, i anau matapo mai ei aia? 3Kua karanga aturā Iesu, Kare to te ara a teianei tangata, e te ara a nga matua ra: no te mea ra, #Ioa 11:4kia kitea te angaanga a te Atua iaia nei. 4#Ioa 4:34; 5:9,36; 11:9; 12:35; 17:4Ka rave au i te angaanga a tei tono mai iaku nei, koi vai ake te ao: te vaitata mai nei oki te po, kare roa e tangata e angaanga i reira. 5Te noo nei au i te ao nei, #Ioa 1:5,9; 3:19; 8:12; 12:35,46ko au te mārama o teianei ao. 6I akapera aia i te tuatua anga, #Mare 7:33; 8:23kua tutua iora i te uavare ki raro i te one, kua oi iora i tona uavare e te vari, kua amo atura i te vari ki te mata o taua tangata matapo ra, 7Kua karanga atura kiaia, Ka aere, ka orei #Nehe 3:15i te vai paî i Siloama ra, (koia oki Tonokia.) #2 Ari 5:14Aere atura aia, orei iora, kua aere maira oki ma te kite.

8Kua tuatua iora to reira ra, e te aronga i kite iaia i muatangana i te vai matapo anga, Kare ainei teia te tangata i noo ua ma te pati i te apinga ra? 9Kua tuatua maira tetai aronga, Koia oki teia; kua na ko maira tetai papaki, Mei iaia nei rai te tu; kua tuatua maira aia uaorai, Ko au oku paa ïa. 10Kua ui atura ratou kiaia, I akapeeaia to mata i pueraʼi? 11#Ioa 9:6,7Kua tuatua maira aia, na ko maira, I oiia te vari e te tetai tangata ko Iesu te ingoa, e kua amo maira ki toku mata, kua na ko maira kiaku, Ka aere ki te vai paî i Siloama ra, ka orei: aere atura au, orei iora, e kite atura. 12Kua ui atura ratou kiaia, Teiea taua tangata ra? Kua tuatua maira aia, Kare ua au i kite.

13Kua arataki atura ratou i te tangata i matapo ana ra ki te au Pharisea ra. 14E sabati te rā i oi ei a Iesu i te vari, i te akapuera anga i tona mata. 15Kua ui akaou maira te au Pharisea ra kiaia i te puera anga o tona mata. Kua karanga atura aia kia ratou, I amokia e ia taku mata i te vari, orei iora au, e te kite nei au. 16Kua na ko akera tetai papaki o taua au Pharisea ra, Kare teia tangata i to te Atua, kare aia i akono i te sabati. Kua na ko akera tetai papaki, #Ioa 9:33; 3:2Eaa e tikaʼi i te tangata ara kua rave i te akairo mei teianei? #Ioa 7:12,43; 10:19Kua mavete iora ratou. 17Kua ui akaou maira ratou ki taua tangata matapo ra, Eaa taau tuatua kiaia, koia i akapuera i to mata na? Kua karanga atura aia, #Ioa 4:19; 6:14E peroveta tikai aia. 18Kare ra te ngati Iuda i akarongo e, e matapo to taua tangata ra, e kua akapueraia oki tona mata, kia tiki ra ratou i nga matua o taua tangata i akapueraia te mata ra. 19E kua ui atura ratou kia raua, na ko atura, Ko ta korua tamaiti teia, i tuatua ra e, i anau matapo mai aia? eaa oki aia i kite ei i teianei? 20Kua tuatua maira nga matua nona ra, na ko maira, Kua kite maua, na maua tikai teianei tamaiti, e matapo tikai aia mei te anau anga mai: 21Kareka ra te mea i kite ei aia i teianei, kare ua maua i kite; me naai i akapuera i tona mata, kare rai maua i kite: kua pakari oki aia; ka ui atu kiaia: nana uaorai e tuatua mai. 22I akapera atura nga matua nona ra, no te mea #Ioa 7:13; 12:42; 19:38; Anga 5:13te mataku ra raua i te ngati Iuda; kua akatau ana te ngati Iuda i ta ratou tuatua, i te tangata e na ko e, koia te Mesia, ka #Ioa 9:34; 16:2tuku iaia ki vao i te sunago ra. 23I karanga atu ei nga matua nona ra, Kua pakari aia; ka ui atu kiaia. 24Kua karanga akaou atura ratou ki #9:24 Tikaanga - tauatau tangata matapo ra, na ko atura kiaia, #Iosu 7:19; 1 Samu 6:5Ka akameitaki i te Atua: #Ioa 9:16kua kite oki matou e, e tangata ara teianei tangata. 25Kua tuatua maira aia, na ko maira, Kare au i kite e, e tangata ara aina aia: okotai rava aku tuatua i kite, e matapo toku i muatangana, e teianei, te kite nei au. 26Kua karanga akaou atura ratou kiaia, I aa mai aia ia koe? i akapeea aia i te akapuera anga i to mata? 27Kua tuatua maira aia, Kua aaki atu na oki au ia kotou; kare kotou i akarongo: eaa ra oki kotou i anoano akaou ei i te akarongo? ei pipi katoa ainei kotou nana? 28Kua akakino atura ratou iaia, na ko atura, Ko koe tana pipi; kareka matou, e pipi matou na Mose. 29Kua kite matou e, kua tuatua mai te Atua ia Mose; kareka teianei tangata, #Ioa 8:14kare matou i kite e noea aia. 30Kua tuatua maira taua tangata ra kia ratou, na ko maira, #Ioa 3:10E mea tu ke oki tena, kare kotou i kite e noea aia, e i na, kua akapuera aia i toku nei mata. 31Kua kite oki tatou e, #Iobu 27:9; 35:12; Sala 18:41; 34:15; 66:18; Mase 1:28; 15:29; Isa 1:15; Iere 11:11; 14:12; Eze 8:18; Mika 3:4; Zeka 7:13kare te Atua e akarongo i te tangata ara: ko te tangata ra e akamori i te Atua, e ko te akono i tona anoano, ko tana ïa e akarongo. 32Kare akerai i kitea te matapo anau nei i te ora anga i te tangata, mei te akamata anga mai o te enua nei. 33#Ioa 9:16Naringa teianei tangata kare to te Atua ra, kare rava tana ravenga e tika. 34Kua karanga atura ratou, na ko atura kiaia, #Ioa 9:2I anau rava mai koe ma te ara, e ka apii mai koe ia matou? Kua tuaru ratou iaia ki vao.

35E kite akerā Iesu e kua tukuia aia e ratou ki vao; e aravei akera aia iaia, karanga atura kiaia, #Mata 14:33; 16:16; Mare 1:1; Ioa 10:36; 1 Ioa 5:13Kua akarongo koe i te Tamaiti a te Atua? 36Kua tuatua maira aia, na ko maira, E te Atu, koai aia, kia akarongo atu au iaia? 37Kua karanga aturā Iesu kiaia, Kua akara oki koe iaia, #Ioa 4:26e koia oki teia e karangaranga atu kia koe nei. 38Kua tuatua maira aia, E te Atu, kua akarongo au: kua tipapa iora ki raro i mua i tona aroaro. 39Kua karanga aturā Iesu #Ioa 5:22,27; 3:17; 12:47I aere mai nei au i te ao nei kia tupu te tuatua-tau; #Mata 13:13kia kite te aronga kite kore nei, e kia riro te aronga kite ra, ei matapo. 40Te akarongo maira tetai aronga Pharisea i reira katoa i taua tuatua ra, e kua tuatua maira kiaia, #Roma 2:19E matapo katoa ainei matou nei? 41Kua karanga aturā Iesu, #Ioa 15:22,24Naringa kotou e matapo ra, kare ïa a kotou e ara: te tuatua maira kotou e, Kua kite matou; te vai ra ïa ta kotou ara.

Currently Selected:

Ioane 9: CIMB

Highlight

Copy