Zabbuli 147
147
1 #
Zab 92:1
Mumutendereze Mukama;
Kubanga kulungi okuyimba okutenderezanga Katonda waffe;
Kubanga kwa ssanyu, era ettendo liwooma.
2 #
Ma 30:3, Zab 102:16, Is 11:12; 56:8 Mukama azimbira ddala Yerusaalemi;
Akuŋŋaanya wamu abagobebwa ab'omu Isiraeri.
3 #
Zab 34:18, Is 61:1 Awonya abalina emitima egimenyese,
Era asiba ebiwundu byabwe.
4 #
Lub 15:5, Is 40:26 Abala emmunyeenye omuwendo gwazo;
Azituuma zonna amannya gaazo.
5 #
Is 40:28, Nak 1:3 Mukama waffe mukulu, era obuyinza bwe bwa maanyi;
Okutegeera kwe tekulowoozekeka.
6 #
Zab 146:8,9, Yer 17:5 Mukama awanirira abawombeefu:
Asindika wansi ababi.
7 #
1 Byom 15:16, Zab 95:1,2, Bef 5:19 Mumuyimbire Mukama n'okwebaza;
Muyimbe n'ennanga okutendereza Katonda waffe;
8 #
Yob 5:10, Zab 104:14 Abikka ku ggulu n'ebire,
Ateekerateekera ensi enkuba,
Amereza omuddo ku nsozi.
9 #
Yob 38:41, Zab 104:27,28, Mat 6:26 Awa ensolo emmere yaazo,
Ne bannamuŋŋoona abato abakaaba.
10 #
Zab 33:17
Tasanyukira maanyi ga mbalaasi:
Teyeesiimira amagulu g'omuntu.
11 #
Zab 33:17
Mukama yeesiimira abo abamutya,
Abo abasuubira okusaasira kwe.
12Tendereza Mukama, ggwe Yerusaalemi;
Tendereza Katonda wo, ggwe Sayuuni.
13Kubanga anywezezza ebisiba by'enzigi zo;
Awadde omukisa abaana bo munda yo.
14 #
Kuv 34:24, Zab 81:16, Is 60:17,18 Aleeta emirembe mu nsalo zo;
Akujjuza obugimu obw'eŋŋaano.
15Aweereza ekiragiro kye ku nsi;
Ekigambo kye kidduka embiro nnyingi.
16 #
Yob 37:6; 38:29 Agabula omuzira ng'ebyoya by'endiga;
Amansira omusulo ogukutte empewo ng'evvu.
17 #
Yob 37:9,10 Aweereza amazzi ge agakutte ng'obukunkumuka:
Ani ayinza okuyimirira awali empewo ze?
18Atuma ekigambo kye, n'abisaanuusa:
Akunsa empewo ze, amazzi ne gakulukuta.
19 #
Ma 33:4, Mal 4:4, Bar 3:2 Alaga Yakobo ekigambo kye,
Amateeka ge n'emisango gye eri Isiraeri.
20 #
Ma 4:32-34
Takolanga bw'atyo ggwanga lyonna:
N'emisango gye tebagimanyanga.
Mumutendereze Mukama.
Currently Selected:
Zabbuli 147: LUG68
Highlight
Share
Copy
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.