Malaki 2
2
1Ku Tamatama ka abebeelengenga ki sanaka kwapingi amia kai ki labarakalai, “Kikai yai baai numiane ka drekase: 2Kunumi tara arakaiya ku kakwakudhane numi usakene nakwane. Lu kainu kilalra pasalaladha, kai pikai ki kidremedreme, lri pulebeaku ku pusu pakakai ki kinawmasane numi. Ku satalutalu numi panianiake ku lamanemane lri pakipuswaku. Ku patengatengane, wapusunga naku kwini ki lamanemane, asi lwiyane kunumi kai numi twakucingalre kai drekaseli. 3Lri pathavungaku ki lalalake numi, lai ubwaku pwa ki lringau numi arakai ku caki ki sapatarumarane numi ka waudriwdripi. Lri kiiluku numi pwa ki tarubwane ki caki. 4Lukamaninga kwidra, lri thingale numi ala ka nawabaainga naku numiane kikai lapadradrekase; lukamiyaiya kikai, ku tamakaketeketaneli ki labarakalai ka mwabaibalrithi ki Lrivi lri kai kamudu. Tamatamaku ka abebeelengenga ki sanaka kwapingi ka amia kikai pelaela.
5“Ikai ki sakiketeketaneli napalrainginga naku baai ku niake liniane si sulivatane. Kikai yai amani ku baaili liniane, ka ani musakene nakwane amiaku ku tangadrane. Ikai kwini ki lavai, kwi lalasu tengatengane ka mwasakene nakwane, mwakuludru ki naganeli. 6Kwi lalasu la pelaelaela bulru ku patengane ka sabulrwane, la kai iyaiya ku kai madringelrese ku vaga. Kwi lalasu la kathaariri kielre nakwane; la kai piapia ku mwalecege ku awngane sikakathane, mialri paralubu ki takalra ka umawmase pakidaili ki pasalrivane. 7Ku kicapili ki barakalai wabulrubulru ku athingalane ka patengane ki ngwakai ki Twaumase. Ku laumawmase lri mwa liniane si kibulru ku takidremedremaneli, asi lwiyane kwi lalasu amani ku sasiakawluli ka Tamatama ka abebeelengenga ki sanaka kwapingi.
8“Ai kunumi ka labarakalai kiadailinga numi ki pacengecenge ka vaga; ku tabulrwane numi takaalra ku umawmase ku makauli ki kadalranane; wacilri numi ku samakaketeketaneta. 9Ngwalai kikai, kai umawmase ki swa Iseraylri lri sidrekase numiane; asi lwiyane kai numi pasalaladha ki takidremedremaneli, si lu bulrubulru la kai aparamaramaramau ki umawmase.” Kikai vaga ki Tamatama ka abebeelengenga ki sanaka kwapingi.
Ku laumawmase kai twavaeva ku kidremedreme papia ki Twaumase
10Kaita ka thadalrane ka vaeva ku tama? Kaita ka thadalrane ka vaeva ku Twaumase ka wabekace mitane? Ata kai maka kasalru? Ata sidrekase ku tamakaketeketane ki Twaumase si cucungulaneta? 11Ku swa Yuda mabebetethe ku takiketeketane lini ki Twaumase, si la ikai Yerusalrime ikai kai ki kuni sanaka inunga pia ku taingeane ku matiukukuludru. Kwi lalasu wakudrulru ki kadalame ki Tamatama ka daane, la mwa karudrange ki wasukusukubu ki latwaumase ki maelane ka zuku ka labaibai. 12Ku Tamatama ani patwalai ki swa Iseraylri supilri ku naganeini kudra paiya kikai ku laumawmase, kwi lalasu lani palralrauthunga kai kipaelre patarumara ki Tamatama ka abebeelengenga ki sanaka kwapingi.
13Kunumi la piana numi ku taingeane: Ku lrese numi walrenepe ki tapatarumaramarane ki Tamatama; adirivane numi, la tubi numi, asi lwiyane ku Tamatama kai tarwamaranga ku la sapatarumarane numi. 14Apia thingale numi ku kaika tatarumaranenga ku nipatarumarane ku lamanemane; kwini amani sadrele numiane sacilri numi kudra nikarudrangane si sitaelrelre sa icengecengeana numi. Kwini alisu amani ku palrasu. Unu yakaisu cucubungu ki Tamatama si kiketekete ku atukapatengatenganane papia iniane, ai wacilrisu iniane. 15Ku Twaumase kaika wamalra muswane si kwini ki alisu apaelre ka vaevanga ka kinawmasane? Ku tangadrane ku pia kikai ki Twaumase pakai ku akapatengatenganane numi ikai ku lalalakeini. Lakamani, la dradrela ka la tangeea, madha cilricilri ki taelrelre numi. 16Ku Tamatama ka Twaumase ki swa Iseraylri amia kai, “Malrasaku kavalracevace ki makakatwase; la kalrasaku ikai numiane yakai kwini umawmase kwi paiya ki kikai ki taelrelreini ku matiangeange. Lakamani, dradrela madha piapia ku kaika patengatengane ku kidremedreme ki taelrelre numi.” Kikai vaga ki Tamatama ka abebeelengenga ki sanaka kwapingi.
Lri padaalrunga si kela ku asaibangane ka vai
17Malrase kawpungu ku tamakawrivarivarivane numi ku Tamatama. La kivaagana numi iya kai, “Watumane nai pakalrase pakawpungu iniane?” Amani sa iya numi kai, “Ku Tamatama wamalra kudra paiya ku malisi ku umawmase si tumathariri; ku Tamatama madalame liniane.” Alau amani sa kivaga numi iya kai, “Kudra amani ku aparamaramau ka Twaumase yakai inu?”
Currently Selected:
Malaki 2: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
