Luk 18

1Go ke ciɛr parabol, bik lɔŋ ya luut, ku cik kɔn dak; 2jiɛm, Ye duluk ee tɔ pan tok, ran e cie riɔc ne Nhialic, ku cii raan ye cɔk ye ke dɛ: 3ku kee nɔŋ tiŋjɔɔk tɔ yepane; tiŋ e ye cool e bɛn enɔŋ en, ye jam, Ye luk luŋdie wɔ ran de aterdie. 4Go yok ke rec: wen ke jɔl jam ne yepiɔu, Ye ne cak ya man can ye riɔc ne Nhialicne, ku caa raan ye cɔk ye ke dɛ, 5ke ke ye yetiŋe ɣa yɔŋ, aban e luɔk luŋde, a go ɣa cuɔk ye bɛɛr nuan ne cool e bɛn. 6Go Bɛnydit jam, Ye piɛŋka ke luel duluŋ rac. 7Ci Nhialic kɔckeek ci lɔc bi luɔk luk, kɔc ye cool e cɔl en akol ku wɛɛr, ku ye kac de piɔu luut enɔŋ keek? 8We ya yɔɔk, Ya kaabike dai luɔk luk. Ku na bɔ Wen de raan, ke bi gam yok ne piny nom?

9Go ke bɛɛr ciɛr yeparabole kek kɔc ye roth luel yii kek ye lajik, ku ye raan ebɛn rɛɛc: 10Ye kɔc keerou aake lɔ yekalu lek lɔŋ; tok ee ye muɔny Paritha, ku ye kene mejuer. 11Go muɔny Paritha kɔɔc ku lɛŋ yela ne yepiɔu, Ye Nhialic, yin lɛɛc, ne ke can cit kɔc kɔk, kɔc ye rum, ku kucki luk, kɔc ye kor, ku caa cit yemejuere. 12Ɣan ye thiel naarou ne wik tok; ku ya ke de thiɛr gam ne kacie yic kedhia. 13Go mejuer go kɔɔc temec, ku cii yenyin jɔt nhial, ku biɛk yepiɔu, jiɛm, Ye Nhialic, ye piɔu kac ne ɣa, ɣan ran rac. 14We ya yɔɔk, Ya yerane ee dhuk bei ke ci cɔk lajik ne rane: raan ebɛn ye rɔt cɔk dit abi ya kuur, ku ran ye rɔt kuɔr piny abi ya dit.

15Goki miththiiken bɛi enɔŋ en, bi ke bi jak gup: na ci kɔcpiocke ke ŋem, e ke waiki ke. 16Go Yecu ke cɔɔl, jiɛm, Ye cakka miththii ye bɛn enɔŋ an: ku duɔka ke ye peen: ka cit ke keeka ye ya ceŋ de Nhialic. 17We ya yɔɔk neyic, Ya raan ebɛn ran cie bɛn ne ceŋ de Nhialicic ci man de mɛnhthi, e kace lɔ thin bi kan leu.

18Go bɛny tok thiec, jiɛm, Ye Dupiony Piath, yeŋo ba ya loi ban naŋ piir athɛɛr? 19Go Yecu yɔɔk, Ye yeŋo yin a cɔk piath? acin toŋ ye piath, ee tok, ee Nhialic. 20Yin nyic looŋ, Ya duɔne ye kor, Duɔne ye nɛk, Duɔne ye kual, Duɔne ye rieth, Ye wuur theek ke ke moor. 21Go jam, Ye keekake aacake ya loi ne lan e yan ranthi agut ci emane. 22Na ci Yecu ye piŋ, ke jam, Ye kee tok yeneka ŋoot ke liu: ɣaace kaku kedhia, ku tɛke ke aŋaaŋ, ku yin bi naŋ weu nhial: ku jɔl bɛn, ye ɣa kuany cok. 23Na ye piŋ keekake, ke dhiau piɔu areet; ne kee cen bany areet. 24Na ci Yecu ye ŋem, ke jam, Ye bɛn de ran ci bany ne ceŋ de Nhialicic arir ewai! 25Teek de thɔrɔt ne nyin de alibrɔtic, yeneka kɔc ne lɔ de ran ci bany ne ceŋ de Nhialicic. 26Go kɔc ci ye piŋ goki jam, Yii a yeŋa bi luɔk? 27Go jam, Ye ka ye raan dhal, aye Nhialic ke leu. 28Go Petero jam, Ye ŋem, wɔ ci kakuɔ puɔl ku yuku yi biɔɔth. 29Go ke yɔɔk, Ye we ya yɔɔk neyic, Ya kacin ran ci ɣot puɔl, ku tiik, ku watmɛthke, ku wun ku man, ku mith, ne ke de ceŋ de Nhialic, 30ku cii bi naŋ kajuec ne yepinye nom, ku piir athɛɛr de ceŋ bi bɛn.

31Go thiɛrkurou loom, ku yook ke, Ye ŋɛmka, wɔ lɔ Jeruthalem, ku keriɛc ci gɔɔr ne nebii aabi luɔi Wen de raan. 32Abi gam yine Juurkɔk, ku kabi bui, ku luie karac, ku kabik ŋuɔɔt: 33ku kabik dui ku nakki: ku na ye nin yi yiki diak, e kabi rɔt bɛɛr jɔt. 34Goki ciɛn toŋ nyicki cok ne keekake; ku keewelka aake ci thian ne keek, goki wel cike luel cuɔk nyic.

35Na ɣɔn, aci thiɔk ke Jeriko, ke cɔr ee tɔ ne dhol kec, ye lim: 36go duut piŋ ke tek, go thiec bi nyic ke yeŋo. 37Goki yɔɔk, Yi kee Yecu de Nadhareth yeneka teek. 38Go coot, jiɛm, Ye Yecu, yin wen de Dabid, kace piɔu enɔŋ an. 39Go kɔc ŋaar waai bi mim: go dhiac ke cot areet, Ye yin Yecu, wen de Dabid, kace piɔu enɔŋ an. 40Go Yecu kɔɔc, ku jiɛm, bi bɛi enɔŋ en: na ci ɣeet tethiɔk, ke thiec, 41Ye yeŋo kɔr ba luɔi yin? Go jam, Ye Bɛnydit, ee ba bɛɛr yin. 42Go Yecu yɔɔk, Ye yiɛne: gamdu ee yi cɔk piɔl. 43Go dai yin elantoŋtɛi, ku biɔɔth cok, ke lec Nhialic; ku na ci raan ebɛn ye ŋem, ke jɔl Nhialic cok leec.

Currently Selected:

Luk 18: LEKJOT

Highlight

Copy