Luk 17

1Go kɔcpiocke yɔɔk, Ye ka ye kɔc cɔk kɔth abi tɔ: ku kabi naŋ dhieu enɔŋ yen yen man ye ke cɔk tul! 2Aŋuan enɔŋ en te duute kuur de guɛr ne yeyeth, ku cuɛte bɛɛr, ne kɔth ben toŋ de keekathiike cɔk kɔth. 3Yaka roth ŋem apiath: na loi wanmuuth rɛɛc, ke wai; ku na wel yepiɔu, ke pɛl. 4Ku na ci yi luɔi rɛɛc naadherou ne akol tokic, ku beer yepiɔu wel naadherou, jiɛm, Ye ɣan dhiau piɔu; ke pale awanyde.

5Go kɔcpiocke Bɛnydit yɔɔk, Yi cɔk gamda cɔk dit. 6Go Bɛnydit jam, Ye na ye gamduɔn thoŋ ke nyin thin de muthada, kee te lɛuka yetim cɔl ŋaape ne yook, Wuɔ tuk yithar, ku lɔɔr cuɔme rɔt ne baric; e ke te ci we gam. 7Ku yeŋa de week, nɔŋ aluaŋ ye ye puɔr, ka yin thokke ya biɔɔk, na bii roor, ke yook, Ye bar, dɔc nyuc ba cam; 8ku cii bi yɔɔk, Ye loi ke cam, dut yiyic, ku luɔiye ɣɛn, ba kan cam ku kan dek; ku jɔl lɔ cam ku dɛkne aala? 9Ye aluak leec ne ke cen welke ya loi? 10Yenekee cɔɔkduɔn eya, na cak kaŋ loi kedhia, ka ci lɛk week, ke we jam, Wuɔ wɔ ye aluɛk rac; wɔ ci luɔi baŋda acuk loi abac.

11Na ɣɔn, atɔki dhol e Jeruthalem, ke bak Thamaria ciɛlic ku Galili. 12Ana ye ɣeet pan thin tok, ke ram ke kɔc keethiɛr kɔc cii abiɛl ke dɔm, e ke kaac temec: 13goki kerot jɔt, cotki, Yii Yecu, Bɛny, kace piɔu ne wɔɔk. 14Na ci ke ŋem, e ke yookke, Ye lak nyuɔthka roth bany ke ka ke Nhialic. Na wen, aleki, e ke go guɔ dɛm. 15Na ci ran toŋ de keek rɔt ŋem ne ci dɛm, ke dhuk rɔt ke ye coot, leer ke lec Nhialic; 16bii ku cuɛt rɔt piny ne yecok, ku leec, ku kee ye muɔny Thamaria. 17Go Yecu dhuk, jiɛm, Ye ne ke cie thiɛr wen kek kɔc ci dɛm; a tɔ dheŋuan eno? 18Cin toŋ lɔ rɔt dhuk bi Nhialic ben yiɛn nuɔm, a ye yealene? 19Ku yook, Ye jɔt rɔt, gamdu ee yi cɔk piɔl.

20Go Parithai thiec, ne te bii ceŋ de Nhialic bɛn, go ke gam, jiɛm, Ye ceŋ de Nhialic aci bi bɛn ke dɛiye: 21ka bi luel, Ya ŋɛmka, kabɔ tɛɛn! ka ya, Kabɔ tɛɛn! ŋɛmka, ceŋ de Nhialic atɔ ne weyic.

22Go kɔcpiocke yɔɔk, Ye akol kɔk aabi bɛn, akol bii we kol de Wen de raan ya ŋaŋ bak ŋem, ku kacak bi ŋem. 23Ku kaabi we ya yɔɔk, Yii ŋɛmka tɛɛn! ku yii tene! ke we duɔka ye lɔ, duɔka ke ye biɔth: 24acit man de yuil e deŋ, man ye yuil ne nhial biakne ku lee gut ne nhial baŋe; yeneka bi ya cɔɔk de Wen de raan ne kolde. 25Ku kabi kajuec kan guum tueŋ, ku bi jai ne yekuane. 26Acit akol ɣɔn ke Noa, yeneka bi yenya ne akol ke Wen de raan. 27Ɣɔn ye kek cam, ku yiki dek, ku yiki thieek, ku ye ke thiak, agut kol lere Noa riɛi, abiiye aboor, ku mou ke kedhia. 28Ku yene ye cɔɔk de akol ɣɔn ke Lɔt; ake ye cam ku yiki dek, ku yiki ɣooc, ku yiki kaŋ ɣaac, ku yiki com, ku yiki ɣoot yik; 29ku kol jɔle Lɔt jaal ne Thɔdom, ke wɛl mac nhial, ku thulpur, ku nɛk ke kedhia: 30yeneka bi ya cɔɔk de kol de Wen de raan, ben tuɔl. 31Yekole, ke ran tɔ nhial ne ɣot nom, ku tɔ kake ɣot, ke ne ce lɔ piny bi kake lɔ nap bei: ku yene ye cɔɔk de ran tɔ domic, ne ce beer dhuk ciɛn. 32Yaka wenhiim ciɛt ne tiŋ de Lɔt. 33Ran ye piɔu naŋ luɛk weike aabike ya wuɔɔc: ku ran ye ke wuɔɔc aabike ya luɔk. 34We yɔɔkke, Ya yekaune abii kɔc tɔ e ke ci tac keerou ne agen tokic; tok abi jɔt, ku dɔŋ kene. 35Abi naŋ diar keerou guɛr ne kuur tok nom; tok abi nyaai, ku dɔŋ kene. 36Abi naŋ kɔc tɔ domic keerou; tok abi nyaai, ku dɔŋ kene. 37Goki bɛɛr yookki, Yii ye teno, Bɛny? Go ke yɔɔk, Ye te ye guɔp tɔ thin, yeneka ye coor guɛɛr.

Currently Selected:

Luk 17: LEKJOT

Highlight

Copy