Luk 16

1Ku beer kɔcpiocke yɔɔk, Ye kee nɔŋ ran e ci bany nɔŋ meŋemde; go yerane guɛɛl ya ye ka ke wun thiɔi. 2Go cɔɔl ku yook, Ye yeŋo eke ca piŋe enɔŋ yin? Nyuɔthe ɣa kuɛn de kaku ye ke ŋem da. Yin ce beer ya meŋem. 3Go meŋem jam ne rɔt, Ye ba ŋo loi? bɛnydie anyiɛi ŋem de kaŋ enɔŋ ɣɛn. An cin riɛr puɔr an; an ye lim riɛu. 4An ci ke ba loi tak, ke bik kek ɣa loor ne ɣootken yic te nyiɛie ɣɛn ne ŋem de kaŋic. 5Go kɔc ke kany ke bɛnyde cɔɔl, ku thiec ran tueŋ, Ye yede ca yuit enɔŋ bɛnydie? 6Go luel, Ye kaaye riɛm ke miok keethiɛrnyɛny. Go yɔɔk, Ye lom waragaŋdu, ku dɔc nyuc piiny, ku gar thiɛrdhiec. 7Ku beer ran dɛ thiec, Ye ca de yuit? Go luel, Ye kaaye riɛm ke rap keethiɛrnyɛny. Go yɔɔk, Ye lom waragaŋdu, ku gar thiɛrbɛt. 8Go bɛnyde meŋem rac leec, ne ke cen lui ci ran nyic kaŋ: wɛɛt ke yepinye aawɛr wɛɛt ke ɣɛɛr ne nyiny de kaŋ ne kuandenic. 9We ya yɔɔk, Ya yaka maath wene kɔc ne wɛu ke luɔi rac; bik we ya loor ne ɣan ke ceŋ athɛɛr te ye we yuik. 10Ran ye kalik dot, ee kajuec dot eya: ku ran ci kalik ye dot aci kajuec ye dot eya. 11Yen na cak weu ke luɔi rac ye dot, ke ŋa bi weu yith ya tau week? 12Ku na kɛnka ka ke ran dɛ ya dot, ke ŋa bi we ya yiɛn ka ye kakuɔn? 13Acin awun ye bany keerou leu ne lui: abi tok ya maan, ku ye tok nhiar; kabi ya ceŋ ke tok, ku ye tok rɛɛc. We ci Nhialic bi ya luɔi ku weu.

14Go Parithai, kɔc ye weu nhiar, goki keekake piŋ kedhia; goki bui. 15Go ke yɔɔk, Ye we ye roth cɔk lajik ne kɔc nyin; ku Nhialic ee we nyic piɔth: ke ye leec areet ne kɔc ee ya ke man ne Nhialic nyin. 16Loŋ ku nebii aake tɔ agut en Jɔn: elan e bii en, go welpiath ke ceŋ de Nhialic jal ya luel, go raan ebɛn jal ya wat leer thin. 17Na jiɛl yi nhial ke ke piny, e kapiɔlic ne lony wei de cook toŋ de loŋ. 18Raan ebɛn ran ye tiŋde puɔl, ku thiɛk dɛ, e kee ya mekor: ran ye tiŋ ci moc puɔl thiak, e kee ya mekor.

19Raan ee tɔ ran nɔŋ kaŋ, ku ye ceŋ ne alanh alian piath, ku ye miith lɔyum cam: 20ku tɔ melim cɔl Ladharo cii kɔc kan ne ɣonde thok, nɔŋ guɔp ɣɔntook juec, 21ku ye piɔu naŋ bi ya yiɛn thethuei ye loony piny ne agen de ran nɔŋ kaŋ nom; go jɔk bɛn ku yiki ɣɔntook nyan yic. 22Ɣɔn ke melim ke thou, go laar ne malaikai ku lek taau ne Abraɣam yɔu: ku thou ran nɔŋ kaŋ eya, go thiɔk. 23Ku te tɔ yen pan de tip ke kɔc, go yenyin jɔt, ke guum luc, ŋem Abraɣam temec, ku Ladharo ne yeyɔu. 24Go coot ku jiɛm, Ye Awa Abraɣam, kace piɔu enɔŋ ɣa, ku tuuc Ladharo, bi yeriop juɔl ne piu yic, bi a cɔk lir liep; an ci guɔp lɔ cuei ne yemanyeic. 25Go Abraɣam yɔɔk, Ye Wene, ciɛte yinom, waar piir yin ke yin ee ye kapiɛthku kap, ku kap Ladharo karac: yen emane eene ee naŋ duɔt epiɔu, ku lɔ guɔp cuei. 26Ku kanɔŋ dɛ, kaamda wɔne yin anɔŋ adhuɔm dit; na nɔŋ kɔc piɔth bik neth enɔŋ yin, e kacik leu, ku cin ran leu en ne neth eeti enɔŋ wɔɔk. 27Go jam, Ye yen yin laŋ, awa, ba tuɔc ɣon de awa; 28an nɔŋ watmathkuɔ keedhiec; bi ke lɔ yɔɔk, duɔeke bi bɛn yete de luce eya. 29Go Abraɣam jam, Ye kaanɔŋ Mothe ku nebii; neke piŋeke. 30Go jam, Ye naa, Abraɣam awa: na lɔ ran toŋ ci thou enɔŋ keek, e kaawel kepiɔth. 31Go yɔɔk, Ye na cik Mothe ye piŋ ku nebii, ku ne ran toŋ ci thou cak rɔt jɔt, e kace ke kuem nhiim.

Currently Selected:

Luk 16: LEKJOT

Highlight

Copy