Luk 15

1Ku mejueer kedhia ku kɔc rac aa roth cuɔt en bik bi piŋ. 2Go Parithai ku dugɛɛr goki ɣok, jamki, Yi yerane ee kɔc rac loom, ku rom kene keek.

3Go ke jaam ne yeparabole, jiɛm, 4Ye yeŋa de week, nɔŋ amɛl keethiɛrnyɛny, ku ci tok maar ne keyic, go thiɛrdheŋuan ku dheŋuan cuɔk nyiɛŋ roor, ku le ke ci maar kɔɔr, agut te yok en en? 5Ela ku ci ye yok, e kajɔt ne yekɔu, cii piɔu jal miɛt. 6Ana ye bii bei, ke cɔl mɛɛthke ku kɔc rɛɛr kene yen, jiɛm, Ye laka piɔth yum wene ɣɛn, ɣan ci amaldien ne ci maar yok. 7We ya yɔɔk, Ya yenekee cɔɔk bene piɔth miɛt pan nhial ne ran rɛɛc toŋ ci yepiɔu wel, ne kɔc lajik keethiɛrdheŋuan ku dheŋuan ken kepiɔth wel.

8Ka ye tiɛŋ ŋa, na nɔŋ riɛr keethiɛr, ku ci tok muɔr thin, ke ce mac deep, ku weec ɣotic, ku cool e kɔɔr agut te yok en en? 9Ku na ci ye yok, ke ce nyiriɛcke cɔl ku kɔc rɛɛr kene yen, ku jiɛm, Ye mitku piɔth, an ci riardien waar ca muɔr aca yok. 10Yen, we ya yɔɔk, Ya yum de piɔu ee tɔ ne malaikai ke Nhialic nyin ne toŋ rɛɛc ci yepiɔu bɛr wel.

11Ku jiɛm, Ye ran tok ee nɔŋ wat keerou: 12go wenthi wun yɔɔk, Ye Wudie, yiɛne ɣa baŋ ye baŋdie ne kaku yic. Go kake tɛk keek. 13Ana ye thol nin diaak, ke kuut kake yic, ku kook leer piny mec: ku lee kake thiai wei ne ceŋ rac. 14Na ci kake thol kedhia, go pawɛɛr go tuɔl yepinye; go kake jal dhal. 15Go lɔ ku mɛt rɔt ran toŋ de pan de yepinye; go yerane ya cɔk lɔ roor bi kuɔlke ya lɔ biɔɔk. 16Ku ye kɔɔr epiɔu bi yeyic ya thiɔŋ ne paat ye kuɔl ke cam: ke ye ciɛn randen ye ke yiɛn e. 17Na ɣɔn ci bɛn tede yetok, ke jam, Ye aluɛk juec tɔ kene awa aanɔŋ monoi kueth ke ku bothki ke, ku ɣan ekee ke thook eenene ne cɔk! 18Ɣan bi rɔt jɔt ku laar enɔŋ awa, ku kaba lɔ yɔɔk, Ya Awa, ɣan ci rɛɛc luɔi nhial, ku ne yinyin: 19an ce piath, a ɣan ce bere ya cɔɔl wendu: cɔk ɣa cit ran toŋ de aluɛkku. 20Ku jɔt rɔt, ku bii enɔŋ wun. Na ŋoot ke mec, ke ŋem wun, go piɔu kac, ku kɛt, ku lee buɔr piny, ku ciim. 21Go wa yɔɔk, Ye Wudie, ɣan ci rɛɛc luɔi nhial, ku ne yinyin: ɣan ce piath, a ɣan ce bere ya cɔɔl wendu. 22Go wun aluɛkke yɔɔk, Ye dacka alanh piath bɛi, ku piɔthka ne yekɔu; ku taauka katim ne yeciin, ku piɔthka war ne yecok; 23ku bɛika miɔr atieke, ku nakka, buk cuet ku buk piɔth miɛt: 24yewendiene ee ci thou, ku kee bɛɛr piir, ee ci maar ku kee bɛɛr yok. Goki piɔth jal miɛt. 25Ku wendit ee tɔ domic: ana ye bii ku ye cooth baai, ke piŋ madhika ku diɛr. 26Go aluaŋ tok cɔɔl, ku thiec keekake. 27Go yɔɔk, Ye wanmuuth ee bɛn; ku wuur ee miɔr atieke nɔk, ne ke cen ɣeet enɔŋ en ke piɔl guɔp. 28Go ɣok, a cii lɔ bei: go wun bɛn ku lɛŋ. 29Go wun yɔɔk, Ye ŋem, yin ca luɔi ne keerunke kedhia, ku kacin loŋdun ca kan wuɔcic: ku cii ɣa kɔn yiɛn nyɔŋ thin e thɔk, ban piɔu miɛt wɔne wariɛccie: 30ela ku ye yewendune ye bii, man ci kaku thiai wei ne abɛɛl, ke nakne miɔr atieke. 31Go wun yɔɔk, Ye Wendie, yin ye tɔ luut wene ɣɛn, ku kacie kedhia aye kaku. 32Ku kee piath bi kɔc piɔth miɛt: ne ke cite yewanmuuthe ke e ci thou, ku beer piir, ku cit ke e ci maar, ku bere yok.

Currently Selected:

Luk 15: LEKJOT

Highlight

Copy