Jɔn 18

1Na ci Yecu keewelke luel, go lɔ kene kɔcpiocke temki nyin cɔl Kidiron, te tɔ genen thin, leer thin kene kɔcpiocke. 2Ku Judath eya, man bi ye nyiɛn, anyic etene: Yecu ee ye dai lɔ thin kene kɔcpiocke. 3Go Judath go rem de lathkeer ku atoc lar nenɔŋ banydit ke ka ke Nhialic ku Parithai, ku biki kene lambai, ku mɛc, ku ka ke ɣeet. 4Go Yecu, man nyic kaŋ kedhia ka bi ye lɔny, go lɔ, ku yook keek, Ye yeŋa karka? 5Goki dhuk, Yi kee Yecu de Nadhareth. Go Yecu ke yɔɔk, Ye ɣan eke. Ku Judath ee tɔ ke keek eya man nyiin yen. 6Ana ye yook keek, Ye ɣan eke e ke dhuk ciɛn, yuikki. 7Go ke bɛɛr thiec, Ye yeŋa karka? Goki jam, Yi kee Yecu de Nadhareth. 8Go Yecu dhuk, Ye kaca lɛk week ya ɣan eke: na karka ɣɛn, ke ne keekɔcke jiɛl: 9bi wɛt ci luel bi ya yic, Ya ka cake yiɛn ɣɛn acin toŋ ci maar. 10Thimon Petero ee nɔŋ theep, go miɛt bei, ku kep en aluaŋ de bɛnydiit de ka ke Nhialic yic wei, yiny cuec. Rin ke aluak acɔl Malko. 11Go Yecu Petero yɔɔk, Ye luɔte themdu ne boonic: abiny ci Awa yiɛn a, can bi dek?

12Go rem kene bɛnyden ku atoc ke Judai goki Yecu dɔm, ku derki, 13ku kɔnki thɛl Anath; ee ye thun de Kaiapath, man ee ye bɛnydiit de ka ke Nhialic ne yerune. 14Kaiapath ee ye ran ci Judai lɛk, ye kapiath bi ran tok bi thou ne nyin de kɔcic.

15Go Thimon Petero Yecu biɔth cok, ku ran dɛ pioce eya. Yeranpiocene ee nyic bɛnydiit de ka ke Nhialic, ku ler ke Yecu luaŋ de bɛnydiit de ka ke Nhialic; 16ku kac Petero ɣot thok ne baŋ biyic. Go yeran dɛ piocene, man nyic bɛnydiit de ka ke Nhialic, go lɔ biyic ku le jam kene nyan ye ɣot tiit thok, ku le Petero bɛi. 17Go nyan ye ɣot tiit thok Petero thiec, Ye cii ye toŋ de kɔcpioc yerane keek eya? Go, Ye ɣan cie ye. 18Ku nɔŋ aluɛk ku atoc kaac, e ke ci many de col kony; ee nɔŋ yuir; ku ɣɔcki; ku tɔ Petero ke keek, kɛɛc ku ɣɔc.

19Go bɛnydiit de ka ke Nhialic Yecu thiec ne kɔckek piocke kene piocde. 20Go Yecu dhuɔk en, Ye ɣan e jam ne nompaal ne kɔc yic; ɣan e ye weet ne ɣoot ke gueer yic ku ne yekalu, ɣɔn ye Judai kedhia ke guɛr; ku an ee cie jam ne cuɔlic. 21Yeŋo yin ɣa thiec? thiec kɔc eke ye a piŋ ke ya lɛk keek; keeka nyic ka eke yake luel. 22Te cen ekene luel, go atoc tok kaac go Yecu biɔk, ku jiɛm, Ye dhuɔkne bɛnydiit de ka ke Nhialic wuya? 23Go Yecu dhuk, Ye na jam arac, ke yin cir rɛɛc: ku na ye kepiath, ke ŋo biakne ɣa? 24Go Anath tuɔc enɔŋ Kaiapath bɛnydiit de ka ke Nhialic ke ci deer.

25Ku kaac Thimon Petero ɣɔc. Goki thiec, Yi cii ye toŋ de kɔckek piocke eya? Go jai, jiɛm, Ye ɣan cie ye. 26Go aluaŋ toŋ de bɛnydiit de ka ke Nhialic, kaar ke ran cii Petero kɛp yic wei, go jam, Ye kɛn yi ŋem ne genenic ɣɔn we yen? 27Go Petero bɛr jai: ku go ajith guɔ ciu nelantoŋtɛi.

28Goki Yecu thɛl enɔŋ Kaiapath ku lerki luaŋ de luɔk: ku kee ye miakdur; ku keek ne gupken aaken lɔ luaŋ de luɔk, kɛlke ke bi cuɔl; nɔŋki piɔth bik ret cam. 29Go Pilato lɔ biyic enɔŋ keek, ku thiec, Ye guɛɛlka yerane ne ŋo? 30Goki dhuk yookki, Yi nee yerane ci kerac ye loi, ee te kenku yiɛn yi. 31Go Pilato ke yɔɔk, Ye larka ku luɔkka ne looŋkuɔn. Go Judai goki yɔɔk, Yi wɔ cin riɛr buk ran nɔk: 32bi wɛt de Yecu bi ya yic, wɛt e ci luel, nyooth en thon ben thou.

33Go Pilato bɛr lɔ luaŋ de luk, ku cɔɔl Yecu, ku thiec, Ye ye Meleŋ de Judai? 34Go Yecu dhuɔk en, Ye luel yekene ne guɔpdu, ka ci kɔc kɔk yi lɛk ne ɣɛn? 35Go Pilato dhuk, Ye ya Juda? Ee jurdu ku banydit ke ka ke Nhialic keeka kek yin yi ɣɛn: yeŋo ca loi? 36Go Yecu dhuk, Ye ceŋdie acie ke de yepinye nom: nee ceŋdie ye ke de yepinye nom, ee te ci awuutcie ɣeet duɔke ɣan bi yiɛn Judai: yen ceŋdie acie ke de etene. 37Go Pilato thiec, Ye ye melek? Go Yecu dhuk, Ye yin ye jam wu ya melek. Yekene yenekee dhiethe ɣɛn, ku yekene yenekee bi ɣɛn ne piny nom, ba ya lek ne yith. Raan ebɛn ran de yith ee ye rordie piŋ. 38Go Pilato thiec, Ye ye yic ŋo?

Na ci yekene luel, ke ber lɔ biyic enɔŋ Judai, ku yook keek, Ye kacin awany ca yok enɔŋ en. 39Yen we nɔŋ luɔiduɔn, ba we pal ran tok ne ret: naŋka piɔth ba we pal Meleŋ de Judai? 40Goki bɛr coot kedhia jamki, Yi kacie yerane, ee Barabath. Barabath ee ye rueny.

Currently Selected:

Jɔn 18: LEKJOT

Highlight

Copy