Jɔn 17

1Go Yecu keekake luel, ku liec nhial jiɛm, Ye Awa, akɔl ee bɛn; nom Wendu, bi Wendu yi ya noom eya: 2cit man cin e yiɛn riɛr ne raan ebɛn: bi kɔc kedhia yiɛn piir athɛɛr, kɔc cake yiɛn en. 3Yekene yenekee piir athɛɛr, bik yi ya nyic ke yin e Nhialiny toŋ yic, ku Yecu Kritho man ca tuɔc. 4Yin ca noom ne piny nom, ku an ci luɔi thol, luɔi ca yiɛn an ba ya loi. 5Emane, yin Awa, nom an ne guɔpdu ku ne nuɔm thɛɛr e tɔ ke yi ku ɣan ɣɔn ŋot e piny ke liu. 6Rinku aacake nyuɔth kɔc cake yiɛn ɣɛn ne kɔc ke piny nom yic: aye kɔcku, ku kaacake yiɛn a; ku kaye welku muk. 7Ku kanyicki ke kaŋ kedhia cake yiɛn ɣɛn ye ya kaku: 8Wel cake yiɛn ɣan aacake yiɛn ke, ku kaacikke loom ku kanyicki neyic ke ne ɣan bɔ bei enɔŋ yin, ayeki gam ke yin ee tuuc a. 9An ye lɔŋ ne keek: an cie lɔŋ ne kɔc ke piny nom, aaye keek man cake yiɛn ɣɛn; keeka ye kaku. 10Kacie kedhia aaye kaku, ku kaku aaye kacie: ku an ye nom ne keek. 11Ku an ce beer ya tɔ ne piny nom, ku keekɔcke aye tɔ ne piny nom, ku an lɔ enɔŋ yin. Awa Lajik, ye kɔc ca yiɛn a muk ne rinku yic, bik ya tok, ci manda. 12War ta ɣan wɔ ke ne piny nom, aake ya muk ne rinku yic, kɔc cake yiɛn a: aake ya gel, acin toŋden mar a bi liu, a kee wen de mar de kaŋ yetok; bi kecigɔɔr bi ya yic. 13Emane an lɔ enɔŋ yin; ku an luel keekake ne piny nom, bi yumden de piɔu bi ya yic ne keyic. 14Aacake yiɛn wɛtdu; ku kaaman kɔc ke piny nom ke, ne ke cik ke ye ka ke piny nom, ci man can ye ke de piny nom. 15Yin caa laŋ ya ba ke bɛi bei ne piny nom, ee ba ke gel ne kerac. 16Kaacie ka ke piny nom, ci man can ye ke de piny nom. 17Ye ke cɔk lajik ne yiicdu: wɛtdu ee ya yic. 18Acit man cin a tuɔc ne kɔc ke piny nom yic, yenekee cɔɔk tuɔc an keek ne kɔc ke piny nom yic. 19Ku keeka yan ke rɔt cɔk lajik, bi ke ya cɔk lajik eya ne yith yic. 20Ku an cie lɔŋ ne keekɔcke kepɛc, an ye lɔŋ eya ne kɔc bi ɣa ya gam ne wɛtden; 21bik ya ya tok kedhia; ci man yin tɔ ne ayic, yin Awa, ku ya tɔ ne yiyic, ku keek eya abi ya tɔ ne wɔyic: bii kɔc ke piny nom gam ke yin ci ɣa tuɔc. 22Ku nuɔm ca yiɛn ɣɛn, aca yiɛn keek; bik ya ya tok, ci man ye wɔ tok; 23Ɣan ye tɔ ne keyic, ku yin ne ayic, bik ya lajik e ke ye tok; bii kɔc ke piny nom ya nyic ke yin ci ɣa tuɔc, ku ya ke nhiar, ci man yin ɣa nhiar. 24Yin Awa, an nɔŋ piɔu bi keekɔc cake yiɛn anke bik ya tɔ te yan tɔ, bik nuɔmdie bik ya ŋem, nuɔm ca yiɛn ɣɛn ne nhiɛr e nhiɛr yin ɣɛn ɣɔn aŋoot piny ke liu. 25Yin yin Awa lajik, kɔc ke piny aake kuc yi, ku yin ee nyiɛc; ku keekɔcke aake nyic tuuc cin ɣa tuɔc. 26Ku kaacake lɛk rinku, ku kaabake ya lɛk; bi nhiɛr cin ɣa nhiar bi ya tɔ ne keyic, ku ya tɔ ne keyic.

Currently Selected:

Jɔn 17: LEKJOT

Highlight

Copy