Dutuuc 14

1Ana yi tɔki ne Yikonion, e ke lɔ netok luaŋ de gueer de Judai, ku weetki, go dun diit de Judai ku Girikii goki gam. 2Go Judai kɔk ken gam goki Juurkɔk cuɔth piɔth bik dutuuc maan. 3Goki ceŋ areet thin, ku jamki ne piɔth riir ci Bɛnydit ke yiɛn ke, ku nyuth kɔc wɛt de athiɛide, ku cɔk ke loi ciit ku kagɛieke ne kecin. 4Go dun de baai go rɔt tɛɛk, lɔ biak dɛ ke Judai, ku baŋe ke dutuuc. 5Go Juurkɔk ku Judai kene banyken goki lɔ enɔŋ keek, bik ke yɔŋ, ku bik ke biɔk ne kur, 6goki nyic, goki kat leki ne bɛi nɔŋ yi Lukaonia, ku Luthura, ku Derbe, ku piiny yuil keek: 7ku weetki kɔc ne welpiath thin.

8Ku tɔɔ ne Luthura tɔ ran ci duany, ne ŋɔl ne dhiɛth e dhiethe man e, ne ken kan cath. 9Go Paulo piŋ ne jam: na ci Paulo ye liec, ku ŋem ke nɔŋ piɔu gam bi e cɔk dem, 10ke yook ne ror dit, Ye kace piny ne yicok ku lɔ cith. Go rɔt teŋ ku ciɛth. 11Ana ye dun de kɔc ye ŋem ke cii Paulo loi, ke jɔt yeror, ku jamki ne thoŋ de Lukaonia, Yi jak kaa wɔ lɔny, jak cit gup kɔc. 12Ku cɔlki Baranaba, Dhio; ku Paulo, cɔlki Kereme, ne ke yen mejiɛm. 13Go bɛny de Dhio, tɔ luaŋde ne baai nom, go miɔr laar ne baai thok ku yuakai, nɔŋ piɔu bi ke nak ne kɔc nhiim. 14Na ɣɔn yi dutuuc yi piŋki ye, yi Baranaba ku Paulo, goki alɛthken rɛt, ku yɔɔtki ne kɔc ciɛl yic cotki, 15jamki, Yi bany, yeŋo luɔika wuɔla? Wɔɔk eya wɔ ye kɔc, wɔ ye caŋ tok wɔne week, ku wɔ bii thook piath enɔŋ week, bak roth wel ne keeka ke ciɛlicke yic, bak roth wɛl Nhialiny ye piir, man e cak nhial, ku piny, ku bar dit, ku ka tɔ ne keyic kedhia: 16man ci juur kedhia puɔl ne kuan ɣɔn bii teek ne dhɔlken yic peei. 17Ku cii rɔt pen ne ke nyuuth kɔc, aɣet luɔi piɛth ci loi, ku yin we deŋ nhial ku run ke luɔk, ku miɔc we ne miɛth, ku cɔk piɔthkuɔn mit. 18Keewelke keeka ke pen kɔc, ku kaake ci miɔr thol ne nɛk.

19Go Judai lɔ thin ne eke bɔ ne Antiokia ku Yikonion: ku cothki kɔc piɔth, goki Paulo biɔk ne kur, ku thelki biyic baai, cɔlki yi ci thou. 20Go kɔcpiocke kɔɔc ne yelɔɔm, go rɔt jɔt, ku leer bei: ɣɔn miak e ke lɔ ke Baranaba lek Derbe. 21Goki kɔc wɛɛt ne welpiath yepane, goki kɔc juec cɔk ye kɔcpiocke thin, ku dhukki Luthura, ku Yikonion, ku Antiokia, 22cɔkki kɔcpiocke rir piɔth, ku yookki ke bik dhiac ne gamic, yi kɔc acie lɔ ne ceŋ de Nhialicic ke cin ŋet. 23Ku lɔcki roorditken ne kanithai yic kedhia, ku lɔŋki e ke thiel, ku tɛŋki ke Bɛnydiit cik gam. 24Ku retki Pithidiaic, ku lek Pampulia. 25Ku weetki kɔc ne Perga, ku jiɛlki lek Atalia; 26ku kɛɛcki riɛi le Antiokia, pan e lɔce ke thin ne luɔi de Nhialic cik thol. 27Ɣɔn yi cik ɣet, e ke cɔl kanitha ebɛn, ku ciirki ke ka ci Nhialic ke loi kedhia, ku liem cen thoŋ de gam liɛp Juurkɔk. 28Ku jɔlki ceŋ kene kɔcpiocke.

Currently Selected:

Dutuuc 14: LEKJOT

Highlight

Copy