Dutuuc 12
12
1Ku keeakolke aacii Kerod melek ke yeciin thiɛu kɔc ke kanitha bi ke yɔŋ. 2Go Jakob manhe ne Jɔn nɔk ne theep. 3Ɣɔn ye ci yeluɔine ŋem ne mit ne Judai piɔth, ke beer Petero dɔm eya. Keeakolke aake ye akol ke cuin cinic awuro. 4Ɣɔn ye ci ye dɔm, ke tɛɛu ɣon de dom, ku yin lathkeer keethiɛr ku rou, bii ŋuan ya tiit ku tiit ŋuan; nɔŋ piɔu bi bɛi bei ne kɔc nhiim te cii Ret thok. 5Goki Petero mac ɣon de dom, ku dhiac kanitha ke lɔŋ Nhialic ne yen. 6Ku ci Kerod piɔu naŋ bi bɛi bei, ke Petero tɛc ne lathkeer ciɛl yic keerou ne yewɛɛre ke ci rek ne joth keerou: ku tit dutiit kɔk ɣon de dom thok. 7Ku ŋem, malaika de Bɛnydit ee bɛn enɔŋ en, ku mer ɣɛɛr ɣon de domic: ku biɔk Petero lɔɔm, ku puɔc, ku jiɛm, Ye dɔi rɔt jɔt. Go joth loony wei ne yecin. 8Go malaika yɔɔk, Ye ruɔke dɛldu ku war. Go ke loi. Ku beer jam, Ye taaue alanhdu ne yikɔu, ku kuany acok. 9Go lɔ biyic, ku kuɛny cok; ku kuc ke cii malaika loi ne ye yic, cɔɔl ye ye nyuɔth. 10Ana yi cik ɣoot ke dutiit keerou reet, e ke lɔ ne thuɔŋ weeth thoŋ lɔ biyic; go thok rɔt liep: goki lɔ biyic, ku tekki ne dhol tok; go malaika leu wei. 11Ɣɔn ye Petero ye ci ye nyic, ke jam, Ye kanyiɛc emane neyic, Bɛnydit ee malaikade tooc bi a luɔk ne Kerod ciin, ku ne Judai piɔth kedhia. 12Ku na ci yeluɔine tak, ke lɔ ɣon de Mari, man e Jɔn cɔl Mak; cii kɔc juec gueer thin lɔŋki. 13Go Petero ɣot tɔɔŋ thok, go nya bɛn bi ben piŋ, nyan cɔl Roda. 14Ana ye ci Petero nyic ror, ke ce thok liep ne miɛt cen piɔu miɛt, riŋ ciɛn dhuk leer ku yook kɔc ye Petero akaac ɣot thok. 15Goki yɔɔk, Ya yin miɔl. Go dhiac ke dhuk thin, Ye katɔ yeya. Goki bɛr luel, Ya kee malaikade. 16Go Petero dhiac ne tɔŋ ɣot thok: ana yi liepki thok, ku yi ŋemki, e ke gɛi. 17Go ke nieu ne yeciin bik mim, ku ciir ke bii cii Bɛnydit ye bɛi bei ɣon de dom. Ku yook ke, Ye laka lɛkka Jakob keekake ku mɛɛthkuɔ. Ku jiɛl leer te dɛ. 18Ɣɔn ye piny ye run, ke lathkeer liɛp roth ne ke ci Petero nyaai. 19Ɣɔn ye Kerod ye ci ye kɔɔr, ku cii yok, ke car dutiit, ku yook kɔcke bik ke nɔk. Go jaal ne Judaya leer Kaithareia lee ceŋ thin.
20Ɣɔn ke Kerod ke kec piɔu ne kɔc ke Turo ku Thidon. Goki lɔ enɔŋ en netok, ku cɔkki Bulatheto, ran diit de ɣon de melek, cɔkki ye mɛtheden, kɔrki dɔɔr, panden ee yene miith loom piny de melek. 21Ku kol tok ke Kerod tɛɛu alɛth ke melek, ku nyuuc ne thonyde nom, ku cir ke wel. 22Go kɔc coot, jamki, Ya kee ror de nhialic, ku kacie ror de raan. 23Go malaika de Bɛnydit dai nɔk, ne ke ken en Nhialic yiɛn nuɔm: ku ciɛm liɔk, ku jiɛl tiɛpde.
24Go wɛt de Nhialic jal cil kut.
25Ku dhuk Baranaba kene Thaulo dhukki ne Jeruthalem, ɣɔn cik kek luɔiden thol, ku leerki Jɔn ci cɔɔl Mak.
Currently Selected:
Dutuuc 12: LEKJOT
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1940, 2017
Learn More About Lek Jot de Jecu Kritho 1940
