Dutuuc 11

1Ku dutuuc ku mɛɛth tɔ ne Judaya acik piŋ ke kɔc ke Juurkɔk ci wɛt de Nhialic gam. 2Ɣɔn ye Petero ye ci lɔ Jeruthalem, ke kɔc ke ŋuɔt e ke teer kene yen, 3jamki, Yi yin ci lɔ enɔŋ kɔc kene ŋoot, ku came we ke. 4Go Petero ke nyuɔth gol e gɔle kaŋ agut kueny kuɛny kek kecok, jiɛm, 5Ye an ee tɔ pan cɔl Jopa laŋ: guɔ nyuɔth, ŋɛm tony ne bɔ piny ne cit alanh diit tiiŋe piny nhial ne ŋep keeŋuan; go ɣeet enɔŋ a: 6guɔ ya liɛc ka ŋem lai ye cok ŋuan ku lai rol ku ka mol ne keyoth ne piny nom ku diɛt nhial. 7Ku piɛŋ ror ne jam yook an, Ye jɔt rɔt Petero, nakne ku cuɛte. 8Guɔ jam, Ya kacie yen, Bɛnydit: acin kecool rɛɛc ci kan lɔ ne ɣathok. 9Go ror bɛr dhuɔk a nhial, Ye ke cii Nhialic ci cɔk diik duɔne cɔk rac. 10Ku yeluɔine kee dhuɔk naadiak: ku beere kaŋ kedhia beere ke miɛɛt nhial. 11Ku ŋɛmke, kɔc keediak kaa piac bɛn ɣon ta an thin, kɔc eke tocke ne Kaithareia tuuce ke enɔŋ an. 12Go Jɔŋdit ɣa yɔɔk ye ba lɔ wɔ ke ka ce diɛr. Ku ruɛce ɣɛn eya ne keemɛɛthcieke keedhetem; goku lɔ ɣon de raan: 13go wɔ nyuɔth ŋem cen malaika ŋem ɣonde ne kaac ku yook, Ye tuɔɔce kɔc Jopa thɔn Thimon, ran ci cɔɔl Petero; 14kabi yi lek wel, wel bi yi kony ku kɔcku kedhia. 15Ana ya gal jam, ke Jɔŋdiit Lajik lony kepiɔth ci wɔɔk ɣɔn ne acirnom. 16Guɔ anom ciɛt ne wɛt de Bɛnydit ne ci luel, Ye Jɔn ee kɔc baptith ne piu; ku week we bi ya baptith ne Jɔŋdiit Lajik. 17Yen na ci Nhialic ke miɔc ne miɔc e miɔc en wɔɔk, wɔ kɔc ci Yecu Kritho Bɛnydit gam, ke ɣan yeŋa a ba teer wɔ Nhialic? 18Na cik keewelke piŋ, e ke mim, ku lecki Nhialic jamki, Yi Nhialic ee Juurkɔk eya yiɛn wel de kepiɔth bik piir.

19Ku kɔc ci thiɛi wei ne ŋet ne bɔ ne Thepano aa keny ɣetki Poinike, ku Kupurio ku Antiokia, nyoothki wɛt nyuthki Judai kepɛc ku cin jur dɛ. 20Ku kɔc kɔk ke keek, eke ye kɔc ke Kupurio ku Kurene, ɣɔn acik ɣet Antiokia, e ke jam kene Girikii piocike ne Bɛnydit Yecu. 21Go ciin de Bɛnydit tɔ ke keek; go kɔc juec gam, ku welki roth Bɛnydit. 22Ku thoŋ de yeluɔine ee lɔ ne kanithayic kanitha tɔ ne Jeruthalem: goki Baranaba tooc bi ɣet Antiokia: 23ɣɔn ye ci lɔ, ku ye ŋem athiɛi de Nhialic, go piɔu jal miɛt; ku yook ke kedhia bik dhiac kene Bɛnydit e ke rir piɔth: 24ee ye ran piath, ku ci thiaŋ ne Jɔŋdiit Lajik ku gam; ku kɔc juec aa roth juɛk Bɛnydit. 25Go Baranaba jal leer Tartho le Thaulo kɔɔr: 26ɣɔn ye ci ye yok, ke leer Antiokia. Ku tɔ, mɛtki kene kanitha ne run tok ebɛn, ku piocki kɔc juec; ku kɔcpiocke kaa kan cɔɔl Kirithanoi ne Antiokia.

27Ku keeakolke nebii aa jaal ne Jeruthalem lek Antiokia. 28Ku ran toŋ de keek, cɔl Agabo, ee rɔt jot, ku nyuuth kɔc ne Jɔŋdit ye kabi naŋ pawɛɛr ne piny nom ebɛn: go pawɛɛr go bɛn ne run de Kulaudio. 29Go kɔcpiocke goki piɔth naŋ bik kony tuɔc mɛɛthken ceŋ ne Judaya, ne leu leue kaken roth: 30a goki loi yiya, toocki kony tucki roordit, leere yi Baranaba ku Thaulo.

Currently Selected:

Dutuuc 11: LEKJOT

Highlight

Copy