Mateo 5

Kusambilizya kwa pa Mwamba

1Lino Yesu walola maumba, akwela pa mwamba, nga lino wikala pansi alondezi yakwe yapalama kunoli. 2Alino atandika kuyasambilizya ati,

Antu Ali nu Longo

(Luk 6:20-23)

3“Alongo antu yano mu myenzo yao yakailola vino yene apina. Pano Uwene wa mwiyulu uwakwao.

4 # Eza 61:2 Alongo antu yano yakauvwa ulanda. Pano Leza alayasansamusya.

5 # Mas 37:11 Alongo antu afuke. Pano yalapyana insi.

6 # Eza 55:1 Alongo antu yano yakalondesya kucita ivyawololoke vyakwe Leza ni myenzo yao yonsi. Pano Leza alayapeela vyonsi vino yakulonda.

7Alongo antu yano yakaya na mizu#5:7 mizu: Kuli kuti kuvwa luse nga nu kwazwa. ku auze. Pano Leza nawe alaya na mizu kunoyali.

8 # Mas 24:3 Alongo antu amyenzo iswepe. Pano yalalola Leza.

9Alongo antu akaelezyanya. Pano yalaamwa ana yakwe Leza.

10 # 1Pet 3:14 Alongo antu yano yakazunyiwa pamulandu wa kucita vintu ivyawololoke. Pano Uwene wa mwiyulu uwakwao.

11 # 1Pet 4:14 “Alongo amwemwe ndi antu yamutuka, yamuzunya, nu kumutumpwila vintu vyonsi viipe pamulandu wane. 12#2Mil 36:16; Mil 7:52 Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Musilya nu luswepo

(Mk 9:50; Luk 14:34-35)

13 # Mk 9:50; Luk 14:34 “Mwemo mukoline wa musilya wa antu onsi. Lelo musilya ndi wazunduka, uzye nupya ungaukalifya na cani? Wene ungaya uwakusumba sile nu kulyatwa na antu.

14 # Yoa 8:12; 9:5 “Mwemo mukoline wa luswepo lwa nsi yonsi. Umuzi uwakulwa pa mwamba utangafiswa. 15#Mk 4:21; Luk 8:16; 11:33 Kusi umwi akakozya ilampi nu kulitupika mu nyungu. Lelo akaliika pa sanzame kuti liyengese kuli yano yonsi ali mu ng'anda. 16#1Pet 2:12 Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

Kusambilizya vyapa Masunde yakwe Mose

17“Mutaelenganya vino niza ku konona ivyalembwa mu mpapulo zyakwe Mose na yakasema. Ntiza ku konona vii, lelo niza kuti mfikilizye. 18#Luk 16:17 Cumi namunena vino kufika lino iyulu ni nsi vilasila, pasi kalikalata kamwi nanti akalitoni kanono ka mu Masunde kano kalafumiziwapo, kufika lino vintu vyonsi vilafikiliziwa. 19Caleka wino wensi asyayela isunde lyonga linono ilya mu masunde yaa, nu kusambilizya antu kucita vikwene, wene yalamucefya mu Wene wa mwiyulu. Lelo wino wensi akayela masunde yaa nu kusambilizya antu, wene yalamukuzya mu Wene wa mwiyulu. 20Lyene namunena vino mulaposiwa kwingila mu Wene wa mwiyulu, suka sile ndi mukucita ivyawololoke pa manso yakwe Leza kuluta yakasambilizya ya masunde na Afaliseo.

Kusambilizya pamulandu wa kusoka

21 # Kuf 20:13; Malg 5:17 “Muuvwa vino cavwanzilwe ku antu mpiti ukuti vikolwe vyanenyilwe vii, ‘Utakoma, na wino wensi uwakoma umuntu alinzile atwalwe ku cilye.’ 22Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

23“Caleka lino ukupeela uwila wako pa cipango cakwe Leza, nga wiusya vino munyonko ali ni cikonko pali wewe, 24usye uwila wako. Lyene pita mutale mukaelezyanye nawe, nga wize upele uwila wako. 25Muvwane zuwa na similandu muzo lino muli umu nzila mukuya ku cilye, kuti atize akutwale ku nkombe ni nkombe ikupeele ku musilika kuti akuyalile mu ng'anda yaminyololo. 26Nkukunena vino utalafumamo, suka lino wamala kulipa kalikowili kakusyalikizya.

Kusambilizya pamulandu wa kulongozya

27 # Kuf 20:14; Malg 5:18 “Muuvwa vino cavwanzilwe ukuti, ‘Utalongozya.’ 28Lelo nemo namunena nati wino wensi uwalolekesya umwanaci nu kumukumbwa, wene ala walongozya nawe mu mwenzo. 29#Mat 18:9; Mk 9:47 Linso lyako lilunji ndi lyakulenga ukwifya, litonkole nu kulisumba. Pano cakuzipila kuti cilundwa conga ca mwili wako cononeke kuluta kuti mwili onsi ukasumbwe mu Gehena. 30#Mat 18:8; Mk 9:43 Ikasa lyako lilunji ndi lyakulenga kwifya, liputule, nu kulisumba. Pano cakuzipila kuti cilundwa conga ca mwili wako cononeke kuluta kuti mwili wako onsi ukasumbwe mu Gehena.

Kusambilizya pamulandu wa kutaana

(Mat 19:9; Mk 10:11-12; Luk 16:18)

31 # Malg 24:1; Mat 19:7; Mk 10:4 “Nupya cavwanzilwe ukuti, ‘Muntu wensi uwata umuci wakwe, alinzile kumupeela kalata wakutaana.’ 32#Mat 19:9; Mk 10:11; 1Kol 7:10 Lelo namunena nati, wino wensi uwata umuci wakwe, suka sile pamulandu wa kumulemula, wene wamukulizya kuti alongozye ndi watwalwa nupya. Na wino wensi uwatwala umwanaci wino yata, nawe ala walongozya.

Kusambilizya pamulandu wa kulapa ufi

33 # Levi 19:12; Mpe 30:2; Malg 23:21 “Nupya muuvwa vino cavwanzilwe ku antu mpiti ukuti, ‘Mutalapa ufi, lelo mwafikilizya ku Mwene milapo inu.’ 34#Eza 66:1; Mat 23:22; Aye 5:12 Nemo namunena nati, mutaezya kulapa, nanti kulumbula iyulu mu milapo, pano iyulu ali cilimba ca wene cakwe Leza. 35#Mas 48:2; Eza 66:1 Nanti kwezya kulumbula insi mu milapo, pano ali cilimba ca ngazo zyakwe Leza. Nanti kulumbula Yelusalemu mu milapo, pano uli musumba wa Mwene mukulu. 36Utalapa pa mutwe wako, pano usi na maka akusenula lunyele longa kuti luye ulutiswe nanti ulutifi. 37Lelo lino mukuzumila mazwi inu muvwange muti, ‘Ee’ nanti lino mukukana muti, ‘Awe.’ Mazwi yauze kuluta pali yaa, yene yakafuma kuli Ciwa, Mwipe wilya.

Kusambilizya pamulandu wa cilanduzi

(Luk 6:29-30)

38 # Kuf 21:24; Levi 24:20; Malg 19:21 “Muuvwa vino cavwanzilwe ukuti, ‘Ilinso pa linso, ilino pa lino.’ 39Lelo nemo namunena nati, mutacita cilanduzi ku muntu mwipe. Muntu umwi ndi wakuuma pi tama lilunji, musenwile ni limani kwene, kuti aumepo. 40Muntu umwi ndi wakutwala ku cilye pakuti akupoke ilaya lyako, muleke atoole ni koti kwene. 41Muntu umwi ndi wakukulizya kumusendela civiya cakwe kulingana na kilomita wenga, musendele kulingana na makilomita yaili. 42Uwakulenga cimwi mupele, na wino akulonda ukukongola kunuli utamukanya.

Temwini anisi inu

(Luk 6:27-28, 32-36)

43 # Levi 19:18 “Muuvwa vino cavwanzilwe ukuti, ‘Watemwa muzo, usoke mwanisi wako.’ 44Lelo nemo namunena nati, temwini anisi inu, pepelini yano akamuzunya, 45pakuti muye ana yakwe So uwa mwiyulu. Pano wene akawazya ilanzi pa antu asuma na pa aipe kwene. Akatuma imvula pa antu aololoke na pali yao asi aololoke.#5:45 aololoke: Kuli kuti antu akacita vino Leza akalonda. 46Pano ndi mwatemwa sile antu yano amutemwa, uzye icilambu cii cino Leza angamupeela? Uzye asi avino na yakasonkesya kwene yakacita? 47Ndi mwalamuka aina inu sile, ale pasi cimwi cino mukucita kuluta pali cino yauze yakacita. Uzye Akulukuwa yasyacita cili conga kwene? 48#Levi 19:2; Malg 18:13 Caleka mwemo muye afumaluke ndi vino So uwa mwiyulu waya umufumaluke.

Currently Selected:

Mateo 5: MamL13

Highlight

Copy