Popular Bible Verses from Mateo 5

Share

Kusi umwi akakozya ilampi nu kulitupika mu nyungu. Lelo akaliika pa sanzame kuti liyengese kuli yano yonsi ali mu ng'anda. Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

“Mwemo mukoline wa luswepo lwa nsi yonsi. Umuzi uwakulwa pa mwamba utangafiswa.

Alongo antu amyenzo iswepe. Pano yalalola Leza.

Alongo antu yano yakalondesya kucita ivyawololoke vyakwe Leza ni myenzo yao yonsi. Pano Leza alayapeela vyonsi vino yakulonda.

Lelo nemo namunena nati, temwini anisi inu, pepelini yano akamuzunya

“Alongo antu yano mu myenzo yao yakailola vino yene apina. Pano Uwene wa mwiyulu uwakwao.

Alongo antu akaelezyanya. Pano yalaamwa ana yakwe Leza.

Alongo antu yano yakauvwa ulanda. Pano Leza alayasansamusya.

Alongo antu yano yakazunyiwa pamulandu wa kucita vintu ivyawololoke. Pano Uwene wa mwiyulu uwakwao.

Alongo antu yano yakaya na mizu ku auze. Pano Leza nawe alaya na mizu kunoyali.

“Alongo amwemwe ndi antu yamutuka, yamuzunya, nu kumutumpwila vintu vyonsi viipe pamulandu wane. Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Alongo antu afuke. Pano yalapyana insi.

“Mwemo mukoline wa musilya wa antu onsi. Lelo musilya ndi wazunduka, uzye nupya ungaukalifya na cani? Wene ungaya uwakusumba sile nu kulyatwa na antu.

Caleka mwemo muye afumaluke ndi vino So uwa mwiyulu waya umufumaluke.

Lelo lino mukuzumila mazwi inu muvwange muti, ‘Ee’ nanti lino mukukana muti, ‘Awe.’ Mazwi yauze kuluta pali yaa, yene yakafuma kuli Ciwa, Mwipe wilya.

“Muuvwa vino cavwanzilwe ukuti, ‘Ilinso pa linso, ilino pa lino.’ Lelo nemo namunena nati, mutacita cilanduzi ku muntu mwipe. Muntu umwi ndi wakuuma pi tama lilunji, musenwile ni limani kwene, kuti aumepo.

Linso lyako lilunji ndi lyakulenga ukwifya, litonkole nu kulisumba. Pano cakuzipila kuti cilundwa conga ca mwili wako cononeke kuluta kuti mwili onsi ukasumbwe mu Gehena. Ikasa lyako lilunji ndi lyakulenga kwifya, liputule, nu kulisumba. Pano cakuzipila kuti cilundwa conga ca mwili wako cononeke kuluta kuti mwili wako onsi ukasumbwe mu Gehena.