Milimo Kulondolola
Kulondolola
Milimo ya Atumwa kuli kutwalilila kwi Landwe Lisuma ilyaya mu lupapulo lwakwe Luka. Makamaka cino yalembelwa ukulanda pali vino alondezi yakwe Yesu yasalanginye Ilandwe Lisuma lya pali aliwe umu “Yelusalemu nu mu Yudeya monsi nu mu Samaliya nga nu kwapela insi.” (1:8) Ilandwe lya wina Klistu lyatandikile mu Ayuda lipita konsi iliya utailo wa antu amu nsi yonsi. Kalemba wasakamala kuti alange yakawelenga vino aina Klistu yatalwisyanga uteko wa Ciloma lelo wali utailo wa kufikilizya mipepele ya Ciyuda.
Lupapulo luu lungankanyiwa mu viputulwa vikulu vitatu vikalondolola vino Ilandwe Lisuma lya pali Yesu lyasalangine na vino iuvi lyatandike. 1. Kutandika kwi uvi mu Yelusalemu lino Yesu wakwelu kwiyulu. 2. Ukusanduluka kwi uvi mu ncende zyuze zya Palesitaini. 3. Kusanduluka kukulilako cuze mu mpanga zyazinguluka Yemba mukulu mpaka ukufika ku Loma.
Cimwi icakulapo mu Milimo, imiombele yakwe Mupasi Wamuzilo uwizile na maka pa wanda wa Pentekosti kuli yano ataile ali mu Yelusalemu, Mupasi watwalilile ukutungulula nu kukomelezya Iuvi ni ntunguluzi zi uvi kuti yacita vyonsi ivyalembwa mu lupapulo luu. Ilandwe lya wina Klistu wankolelo lyalandwa mu wipi mu kukosola kuno yakosolanga ni vicitwa ivyalembwa mu Milimo ya Atumwa vikalanga maka yilandwe lii mu mikalile yakwe yao ataila nu mu utandano wi Uvi.
Utantiko wa vili mu lupapulo luu
Kuteyanya kupeela umboni 1:1-26
(a) Yesu wapela ilamulo lyakwe ilyakusyalikizya nga nu kulaya 1:1-14
(b) Mpyanyi yakwe Yuda 1:15-26
Umboni wapelwa mu Yelusalemu 2:1–8:3
Umboni wapelwa mu Yudeya nu mu Samaliya 8:4–12:25
Imilimo yakwe Paulo 13:1–28:31
(a) Ulendo wakutandika wakwe Paulo 13:1–14:28
(b) Ukongano mu Yelusalemu 15:1-35
(c) Ulendo wakwe ciili 15:36–18:22
(d) Ulendo wakwe citatu 18:23–21:16
(e) Kunyepwa kwakwe Paulo mu Yelusalemu, mu Kesaliya nu mu Loma 21:17–28:31
Currently Selected:
Milimo Kulondolola: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013