Milimo 1
1
1 #
Luk 1:1
We Musambazi Teofilo,
Mu lupapulo lwane lwankolelo nalemvile pa vintu vino Yesu wacisile na vino wasambilizye kufuma pa nsita ino watandike milimo, 2kufika na pa wanda uno Leza wamusenzile kwiyulu. Lino atali kuti asendwe kwiyulu, mu maka ya Mupasi Wamuzilo wasile wapela utunguluzi ku atumwa yano wasolwile. 3Pacisila cakuzyukuka kufuma ku mfwa, walolike kunoyali maila aingi pa manda makumi yani, mu misango ino yasininkizyanga kunoyali vino wene umumi. Walolike kunoyali nga nu kulandana nao pamulandu nu Wene wakwe Leza. 4#Luk 24:49 Lino yakongine pamwi, wayapile ilamulo lii ati, “Mutakafume mu Yelusalemu, lelo mulolele uwila uno Tata wamulavile, uno nani namunenanga. 5#Mat 3:11; Mk 1:8; Luk 3:16; Yoa 1:33 Yoane wawatizyanga na manzi, lelo kwasyala manda yanono lino mwemo mulawatiziwa na Mupasi Wamuzilo.”
Yesu Wasendwa kwiyulu
6Walanga atumwa yakongana pamwi na Yesu, yamuzya yati, “Mwene, uzye lyene umawezezya Uwene ku Izlaeli?”
7Yesu ayaasuka ati, “Uwanda na kasita vyateyanyiziwa sile na Tata ku maka yakwe, nupya usi mulandu winu kumanya lino vintu vii vilacitika. 8#Mat 28:19; Mk 16:15; Luk 24:47 Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.” 9#Mk 16:19; Luk 24:50 Pacisila lino wavwanga vintu vii, asendwa kwiyulu ala yakulola. Alino ikumbi limuvimba nga nao yata kumulola.
10Yalanga yacili lolekesya kwiyulu lino akukwela, lolini antu yaili azwite vitiswe iimilila pipi nao, 11yati, “Mwe antu amu Galile nga pacani muimi mukulola mwiyulu? Yesu wi uwasendwa kufuma kunomuli nu kuya kwiyulu, alawela mu musango uli umwi kwene uno mwamulolelamo akuya kwiyulu.”
Yasolola wakupyanikizya pali Yuda
12Lyene atumwa yaswililamo ku Yelusalemu kufuma ku Mwamba wa Olivi, uno wali manye kilomita wenga kufuma mu musumba. 13#Mat 10:2; Mk 3:16; Luk 6:14 Alino Petulo, Yoane, Yakobo, Andeleya, Filipo, Tomasi, Batolomeo, Mateo, Yakobo (mwana wakwe Alufeo) na Simoni kalwisya wa untungwa nga na Yuda (mwana wakwe Yakobo), lino yafika mu Yelusalemu yakwela ku muputule wapapela muno iikalanga. 14Onsi yakongananga lyonsi ku kupepa pamwi wiumba, pali pamwi na anaci nga na Maliya nyina wakwe Yesu nga na ina yakwe Yesu.
15Pacisila ca manda yanono kwali ukongano wakwe yao ataile. Yali manye umwanda na makumi yaili. Alino Petulo aimilila pakasi kao avwanga ati, 16“Inane, usemo uwaya mu malembelo, uno Davidi wasowile mu maka yakwe Mupasi Wamuzilo pamulandu na Yuda, wino watungulwile akwiza lema Yesu, wene wafikiliziwe. 17Yuda wali uwa mwi umba litu pano wasolwilwe kutoola imbali mu mulimo witu.” (18#Mat 27:3 Yuda wakazile calo mu mpiya zino yamulipile pa cicitwa cakwe ca ukakasi. Mumo kwene amuno waponyile akolezya mutwe pansi, nga alepuka cakuti na mala yakwe yonsi yalongoloka. 19Antu yonsi amu Yelusalemu yuvwile pali cii. Caleka mu lulimi lwao calo cico cikaamwa ukuti Akelidama, kuli kuti “Calo ca Wazi.”) 20#Mas 69:25; 109:8 Petulo avwanga ati, “Pano mu lupapulo lwa Masamu calembwa cati,
‘Lekini ng'anda yakwe isyale citotela.
Muntu umwi atikalamo.’
Nupya calembwa cati,
‘Lekini umuntu muze apyanilepo pa mulimo wakwe.’
21“Caleka umuntu muze alinzile ailundanye kunotuli kuti aye a kambone wa kuzyukuka kwa Mwene Yesu. Muntu wiyo alinzile kuya wenga kufuma pa antu ali mwi umba litu nsita zyonsi lino twapitananga nu Mwene Yesu, 22#Mat 3:16; Mk 1:9; 16:19; Luk 3:21; 24:51 kutandika pa nsita ino Yesu wawatiziwe na Yoane kufika na pa wanda uno yamufumizye pakasi kitu asendwa kwiyulu.”
23Lyene iimika antu yaili, Yosefu wino wamwangwa ukuti a Basabasi, (nupya wamwangwa ukuti a Yusito) nga na Matiyasi. 24Lyene yapepa yati, “Mwene, wemo wamanya myenzo ya antu onsi, utulange wino watusolola pa antu yaa oili, 25kuti apyanile pa mulimo wa utumwa uno Yuda wasya nu kuya ku wikalo uno wasolwile umwisikulu.” 26Lyene yapendola pali yaa oili, nu kupendola kuu kuwila Matiyasi. Caleka Matiyasi wasolwilwe kuti ailundanye kwi umba lya atumwa ikumi na wenga.
Kwiza kwa Mupasi Wamuzilo
Currently Selected:
Milimo 1: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
