Popular Bible Verses from Milimo 1

Share

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Yesu ayaasuka ati, “Uwanda na kasita vyateyanyiziwa sile na Tata ku maka yakwe, nupya usi mulandu winu kumanya lino vintu vii vilacitika.

Lino yakongine pamwi, wayapile ilamulo lii ati, “Mutakafume mu Yelusalemu, lelo mulolele uwila uno Tata wamulavile, uno nani namunenanga. Yoane wawatizyanga na manzi, lelo kwasyala manda yanono lino mwemo mulawatiziwa na Mupasi Wamuzilo.”

Pacisila cakuzyukuka kufuma ku mfwa, walolike kunoyali maila aingi pa manda makumi yani, mu misango ino yasininkizyanga kunoyali vino wene umumi. Walolike kunoyali nga nu kulandana nao pamulandu nu Wene wakwe Leza.

Pacisila lino wavwanga vintu vii, asendwa kwiyulu ala yakulola. Alino ikumbi limuvimba nga nao yata kumulola.

Yalanga yacili lolekesya kwiyulu lino akukwela, lolini antu yaili azwite vitiswe iimilila pipi nao, yati, “Mwe antu amu Galile nga pacani muimi mukulola mwiyulu? Yesu wi uwasendwa kufuma kunomuli nu kuya kwiyulu, alawela mu musango uli umwi kwene uno mwamulolelamo akuya kwiyulu.”