Popular Bible Verses from Milimo 2

Share

Petulo ayanena ati, “Zenzukini, cila muntu, muwatiziwe mwi zina lyakwe Yesu, pakuti maifyo inu yelelwe. Alino mulapokelela uwila uno Leza walaya.

Mu nsita zingi antu yakonkowizye kusambilila ku atumwa, nu kutoola imbali mu utandano nga nu mukumokoola umukate wa wina nga nu mu mapepo.

Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

Mukupumikizya ciunda cikoline wa cipupu cikulu cuvwika kufuma kwiyulu, nga cilimba ng'anda yonsi muno yatenzi. Lyene yalola cimbilimbili ca moto ciputokele, cikuloleka wa lulimi, ciikala pali cila muntu. Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

Uwanda nu wanda yakongananga ku kupepa mu Ng'anda ikulu yakwe Leza. Yalyanga apali pamwi mu mang'anda yao, ukulya cakulya ni myenzo ya luzango ifuke, ala yakulumbanya Leza, nu kutemwikwa na antu onsi. Na cila wanda Umwene walundangako kwi umba lyao antu nayauze yano atuulwangwa.

‘Umu manda yampelelekezyo ndapongolwela Mupasi wane pa antu onsi. Ana inu aonsi na anaci yalasema, ana inu alumendo yalalola vilolwa, na ikolo yalalota viloto.

Lyene ataile yonsi yakonkowezya kuya pamwi mu utandano nu kwankanya vintu vino yakweti kuli cila muntu. Yakazyanga vyuma vyao nu kwankanya impiya kuli yonsi kulingana na vino cila muntu ulilwe.

Lyene alino wensi wino alaama pi zina lya Mwene alatuulwa.’

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi uwa Mwene utacili ufike.