Eòin 17

1 Tha Crìosd a’ dèanamh ùrnaigh ri Athair gun glòraicheadh e e, 6 gun coimheadadh e na h‑abstoil aige, 11 ann an aonachd, 17 agus anns an fhìrinn: 20 gun glòraicheadh e iad, agus na h‑uile chreidmhich maille ris fhèin air nèamh.

1Labhair Iosa na briathran seo; agus thog e suas a shùilean gu nèamh, agus thubhairt e, Athair, thàinig an uair#Eòin 12:23; 13:32; glòraich do Mhac, a‑chum gun glòraich do Mhac thusa mar an ceudna:

2A‑chum, mar a thug thu cumhachd dha air gach feòil#Eòin 5:21‐27, na h‑uile a thug thu dha, gun tugadh esan dhaibh a’ bheatha mhaireannach#Eòin 10:28.

3Agus is i seo a’ bheatha mhaireannach, eòlas a bhith aca ortsa, an t‑aon Dia fìor#1 Eòin 5:20, agus air Iosa Crìosd a chuir thu uat.

4Ghlòraich mise thusa air thalamh#Eòin 13:31, 32: chrìochnaich mi an obair a thug thu dhomh ra dèanamh#Eòin 19:30; 2 Tim 4:7.

5Agus a‑nis, Athair, glòraich thusa mise maille riut fhèin, leis a’ ghlòir a bha agam maille riut mun robh an saoghal ann.

6Dh’fhoillsich mise d’ainm#Eòin 17:26; Salm 22:22 do na daoine a thug thu dhomh as an t‑saoghal#Eòin 17:2, 9, 11; Eòin 10:29: bu leatsa iad, agus thug thu dhòmhsa iad; agus choimhead iad d’fhacal.

7A‑nis thuig iad gur ann uat a tha na h‑uile nithean, a thug thu dhòmhsa.

8Oir thug mi dhaibh na briathran a thug thusa dhomh; agus ghabh iad iad, agus thuig iad gu fìrinneach gur ann uatsa a thàinig mi#Eòin 16:27, 30, agus chreid iad gun do chuir thu uat mi.

9Air an son‐san tha mi a’ guidhe#Lùc 22:32; 1 Eòin 2:1: chan eil mi a’ guidhe airson an t‑saoghail, ach airson na muinntir sin a thug thu dhomh, oir is leatsa iad.

10Agus is leatsa na h‑uile nithean as leamsa, agus is leamsa na nithean as leatsa#Eòin 16:15; agus tha mi air mo ghlòrachadh annta#Philip 1:20.

11Agus a‑nis chan eil mise nas mò anns an t‑saoghal, ach tha iadsan anns an t‑saoghal, agus tha mise a’ teachd ad ionnsaigh‐sa. Athair naoimh, coimhead iadsan tre #17:11 nad ainm.d’ainm#1 Pead 1:5; Iùd 24, a thug thu dhòmhsa, a‑chum gum bi iad nan aon#Eòin 10:30, mar tha sinne.

12Am feadh a bha mise maille riu anns an t‑saoghal, choimhead mi iad tre d’ainm‐sa: ghlèidh mi a’ mhuinntir a thug thu dhomh, agus cha do chailleadh a h‑aon dhiubh#Eòin 18:9, ach mac an sgrios#Eòin 6:70: a‑chum gum biodh an sgriobtar air a choileanadh#Salm 109:8; Gnìo 1:20.

13Agus a‑nis tha mi a’ teachd ad ionnsaigh‐sa; agus tha mi a’ labhairt nan nithean seo anns an t‑saoghal, a‑chum gum biodh mo ghàirdeachas aca air a choileanadh annta#Eòin 15:11; 1 Eòin 1:4.

14Thug mi d’fhacal dhaibh; agus thug an saoghal fuath dhaibh, airson nach ann den t‑saoghal iad, mar nach eil mise den t‑saoghal.

15Chan eil mi a’ guidhe gun tugadh tu as an t‑saoghal iad, ach gun coimheadadh tu on olc iad#2 Tes 3:3.

16Chan eil iadsan den t‑saoghal, mar nach eil mise den t‑saoghal.

17Naomhaich iad tron fhìrinn#Gnìo 15:9; Eph 5:26; 2 Tes 2:13: is e d’fhacal‐sa an fhìrinn.

18Mar a chuir thusa mise a‑chum an t‑saoghail, mar sin chuir mise iadsan a‑chum an t‑saoghail.

19Agus air an son‐san tha mise gam naomhachadh fhèin#1 Cor 1:2, 30, a‑chum gum bi iadsan mar an ceudna air an naomhachadh tron fhìrinn.

20Agus chan eil mi a’ guidhe air an son‐san a‑mhàin, ach mar an ceudna airson na muinntir sin a chreideas annamsa tro am facal‐san:

21A‑chum gum bi iad uile nan aon#Eòin 10:16; Ròm 12:5; a‑chum mar a tha thusa, Athair, annamsa, agus mise annadsa, gum bi iadsan mar an ceudna nan aon annainne; a‑chum gun creid an saoghal gun do chuir thusa uat mi.

22Agus thug mise dhaibhsan a’ ghlòir a thug thusa dhòmhsa#Eòin 1:16; 16:14; 2 Cor 3:18; 1 Eòin 1:3; 3:2, a‑chum gum bi iad nan aon, mar a tha sinne nar n‑aon;

23Mise anntasan#Eòin 14:20, 23, agus thusa annamsa, a‑chum gun dèanar coileanta iad ann an aon; agus a‑chum gum bi fhios aig an t‑saoghal gun do chuir thusa uat mi, agus gun do ghràdhaich thu iadsan, mar a ghràdhaich thu mise.

24Athair, is àill leam an dream a thug thu dhomh, gum bi iad maille rium, far a bheil mi#1 Tes 4:17; a‑chum gum faic iad mo ghlòir a thug thu dhomh#Eòin 12:26: oir ghràdhaich thusa mi mun do leagadh bunaitean an domhain.

25Athair chothromaich, cha b’aithne don t‑saoghal thusa: ach b’aithne dhòmhsa thu, agus thuig iad seo gun do chuir thusa uat mi.

26Agus dh’fhoillsich mise d’ainm dhaibh, agus foillsichidh mi e, a‑chum gum bi an gràdh, leis an do ghràdhaich thu mise, anntasan, agus mise annta#Gal 2:20.

Currently Selected:

Eòin 17: ABIG

Highlight

Copy