Eòin 18
18
1 Bhrath Iùdas Iosa. 6 Thuit na maoir air an talamh. 10 Gheàrr Peadar cluas Mhalchais dheth. 12 Ghlac na maoir Iosa, agus thug iad gu Annas agus Caiaphas e. 15 Àicheadh Pheadair.
1Nuair a labhair Iosa na briathran seo, chaidh e maille ra dheisciobail thairis air sruth Chedroin#2 Sam 15:23, far an robh lios, don deachaidh e fhèin agus a dheisciobail.
2Agus b’aithne do Iùdas, a bhrath esan, an t‑àit: oir thàinig Iosa gu tric an sin maille ra dheisciobail.
3An sin air do Iùdas buidheann agus maoir fhaotainn o na h‑àrd‐shagartan agus na Pharasaich#Mat 26:47, etc.; Marc 14:43, etc.; Lùc 22:47, etc., thàinig e don àite sin le leusan, agus lòchrain, agus airm.
4Uime sin air do Iosa fios a bhith aige air na h‑uile nithean a bha gu teachd air#Eòin 10:17, 18; Gnìo 2:28, chaidh e a‑mach, agus thubhairt e riu, Cò a tha sibh ag iarraidh?
5Fhreagair iadsan e, Iosa o Nàsaret#Eòin 19:19; Mat 2:23, Thubhairt Iosa riu, Is mise e. Agus sheas mar an ceudna Iùdas, a bhrath esan, maille riu.
6An sin cho luath is a thubhairt e riu, Is mise e, chaidh iad air an ais, agus thuit iad air an làr#Salm 40:14.
7An sin dh’fheòraich e dhiubh a‑rìs, Cò a tha sibh ag iarraidh? Thubhairt iadsan, Iosa o Nàsaret.
8Fhreagair Iosa, Thubhairt mi ribh gur mise e. Uime sin mas mise a tha sibh ag iarraidh, leigibh leo sin falbh#Isa 53:6:
9A‑chum gun coileante am facal a labhair e, An dream a thug thu dhomh, cha do chaill mi aon dhiubh#Eòin 17:12.
10An sin air do Shìmon Peadar claidheamh a bhith aige, tharraing e e#Mat 26:51, etc.; Marc 14:47; Lùc 22:49, 50, agus bhuail e òglach an àrd‐shagairt, agus gheàrr e a’ chluas dheas dheth. Agus b’e ainm an òglaich Malchas.
11An sin thubhairt Iosa ri Peadar, Cuir do chlaidheamh anns an truaill: an cupan a thug m’Athair dhòmhsa#Mat 20:22; 26:39, 42, nach òl mi e?
12An sin rug a’ bhuidheann, agus an ceannard, agus maoir nan Iùdhach, air Iosa, agus cheangail iad e,
13Agus thug iad leo e air tùs gu Annas#Lùc 3:2; (oir b’esan athair‐cèile Chaiaphais, a bha na àrd‐shagart air a’ bhliadhna sin).
14A‑nis b’e Caiaphas a thug comhairle do na h‑Iùdhaich, gum b’iomchaidh gum faigheadh aon duine bàs airson an t‑sluaigh#Eòin 11:49, 50.
15Agus lean Sìmon Peadar agus deisciobal eile Iosa. B’aithne don àrd‐shagart an deisciobal sin, agus chaidh e a‑steach maille ri Iosa do chùirt an àrd‐shagairt.
16Ach sheas Peadar aig an doras an leth a‑muigh. Uime sin chaidh an deisciobal sin eile a b’aithne don àrd‐shagart a‑mach, agus labhair e ris a’ bhan‐dorsair, agus thug e Peadar a‑steach.
17An sin thubhairt a’ bhanoglach a bha a’ gleidheadh an dorais ri Peadar, Nach ann de dheisciobail an duine seo thusa mar an ceudna? Thubhairt esan, Chan ann.
18Agus bha na seirbhisich agus na maoir nan seasamh, air dhaibh teine guail a chur suas, oir bha am fuachd ann, agus bha iad gan garadh fhèin: agus bha Peadar na sheasamh maille riu, agus ga gharadh fhèin.
19An sin dh’fhiosraich an t‑àrd‐shagart de Iosa mu thimcheall a dheisciobal, agus mu thimcheall a theagaisg.
20Fhreagair Iosa e, Labhair mise gu follaiseach ris an t‑saoghal#Eòin 7:14, 26, 28; 8:2; Lùc 4:15; theagaisg mi a‑ghnàth anns an t‑sionagog, agus anns an teampall, far a bheil na h‑Iùdhaich a’ cruinneachadh as gach àit; agus am falach cha do labhair mi nì air bith#Gnìo 26:26.
21Carson a tha thu a’ fiosrachadh dhìomsa? Feòraich dhiubhsan a chuala, ciod a thubhairt mi riu: feuch, tha fhios acasan ciod a thubhairt mi.
22Agus nuair a thubhairt e na nithean seo, bhuail aon de na maoir, a bha na sheasamh an làthair, a bhas air Iosa#Iob 16:10; Ier 20:2; Gnìo 23:2, 3, ag ràdh, An ann mar seo a fhreagras tu an t‑àrd‐shagart?
23Fhreagair Iosa e, Ma labhair mi gu h‑olc, dèan fianais air an olc: ach mas ann gu math, carson a tha thu gam bhualadh#1 Pead 2:19‐23?
24(A‑nis chuir Annas e ceangailte gu Caiaphas an t‑àrd‐shagart.)
25Agus bha Sìmon Peadar na sheasamh agus ga gharadh#Mat 26:71‐75. Uime sin thubhairt iad ris, Nach aon de a dheisciobail thusa mar an ceudna? Dh’àich esan, agus thubhairt e, Cha mhi.
26Thubhairt aon de sheirbhisich an àrd‐shagairt, (caraid don fhear den do gheàrr Peadar a chluas), Nach faca mise thu anns an lios maille ris?
27An sin dh’àich Peadar a‑rìs, agus air ball ghoir an coileach.
28An sin thug iad Iosa#Mat 27:2 o Chaiaphas gu àit a’ bhreitheanais#18:28 is e sin, taigh an uachdarain.: agus b’i a’ mhadainn a bha ann, agus cha deachaidh iad fhèin do àit a’ bhreitheanais, a‑chum nach biodh iad air an salachadh#Gnìo 10:28; ach gun itheadh iad a’ chàisg.
29An sin chaidh Pilat a‑mach dan ionnsaigh‐san, agus thubhairt e, Ciod a’ chasaid a tha sibh a’ toirt an aghaidh an duine seo?
30Fhreagair iadsan agus thubhairt iad ris, Mura b’fhear droch‐bheairt e, cha tugamaid thairis dhutsa e.
31An sin thubhairt Pilat riu, Gabhaibh‐se e, agus thugaibh breith air a rèir ur lagha fhèin. An sin thubhairt na h‑Iùdhaich ris, Chan eil e ceadaichte dhuinne neach air bith a chur gu bàs#Gen 49:10; Esec 21:27:
32A‑chum gum biodh facal Iosa air a choileanadh, a labhair e, a’ ciallachadh ciod a’ ghnè bàis a bha e gu fhaotainn#Mat 20:19; Lùc 18:32, 33.
33An sin chaidh Pilat a‑steach a‑rìs do àit a’ bhreitheanais, agus ghairm e Iosa, agus thubhairt e ris, An tusa Rìgh nan Iùdhach?
34Fhreagair Iosa e, A bheil thu ag ràdh seo uat fhèin, no an d’innis daoine eile dhut e mum thimcheall‐sa?
35Fhreagair Pilat, An Iùdhach mise? Thug do chinneach fhèin, agus na h‑àrd‐shagartan, thairis dhòmhsa thu#Eòin 19:11; Gnìo 3:13: ciod a rinn thu?
36Fhreagair Iosa#1 Tim 6:13, Chan ann den t‑saoghal seo a tha mo rìoghachd‐sa#Eòin 6:15; Salm 45:3, 6; Isa 9:6, 7; Daniel 2:44; 7:14; Ròm 14:17; Col 1:13: nam b’ann den t‑saoghal seo a bhiodh mo rìoghachd, dhèanadh mo sheirbhisich cogadh, a‑chum nach tugte thairis do na h‑Iùdhaich mi: ach a‑nis chan ann o seo a tha mo rìoghachd.
37Air an adhbhar sin thubhairt Pilat ris, An rìgh thu mas eadh? Fhreagair Iosa, Thubhairt thusa gur rìgh mi. Is ann a‑chum na crìche seo a thàinig mi don t‑saoghal, a‑chum gun dèanainn fianais don fhìrinn#Isa 55:4; Tais 1:5; 3:14. Gach neach a tha air taobh na fìrinn, èisdidh e rim ghuth‐sa#Eòin 8:47; 1 Eòin 4:6.
38Thubhairt Pilat ris, Ciod i an fhìrinn? Agus air dha seo a ràdh, chaidh e a‑mach a‑rìs a‑chum nan Iùdhach, agus thubhairt e riu, Chan eil mise a’ faotainn coire air bith ann.
39Ach tha gnàth agaibhse gun leiginn as duine dhuibh air a’ chàisg: uime sin an àill leibh mi a leigeadh rìgh nan Iùdhach fa sgaoil dhuibh?
40An sin ghlaodh iadsan uile, ag ràdh, Chan e an duine seo, ach Barabas. A‑nis b’fhear‐reubainn Barabas.
Currently Selected:
Eòin 18: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017
