رِسول‍لار تانیشلیق
تانیشلیق
لوقانینگ بِیان اِدِن خوش خاباری عیسی مسیحینگ صلیبه چویلِنمِگی و اُلومدِن دیرِلمِگی بیلِن تاماملانیار. کیتاپ تاماملانسا-دا، اُنداقی واقالار تاماملانمایار. خودایینگ عیسی مسیحی اُلومدِن دیرِلدیپ، مُقادِّس روحونی ایبِرِنیندِن سُنگ، باشغا واقالار باشلانیار. اِدیل شو واقالاری بِیان اِتمِک اوچین هِم لوقا «رِسول‍لارینگ ایشلِری» آدلی کیتابی یازیار.
کیتابینگ یازیلان دُورونده عیسانینگ شَگیرتلِرینینگ هِمّه‌سی دییِن یالی یَهودیلِردی. اِمّا خوش خابارینگ باشغا میلِّتلِره واغیظ اِدیلمِگینینگ نِتیجه‌سینده اُلار هِم نِجات تاپیپ، خودایینگ واعدا اِدِن مُقادِّس روحونی آلیارلار. پولس، پِطرُس و بِیلِکی رِسول‍لار خوش خاباری واغیظ اِدیپ، مُقادِّس روحونگ گویجی بیلِن اِنچِمه مِریضلِری شِفا بِریَرلِر، آرخو-جین اورانلاری تِلِکه روحلاردان آزاد اِدیَرلِر و هِمّه روم ایمپِراطُریسیندا ایماندارلارینگ ییغناغینی یَعنی کِلیسالارینگ اِساسینی قوریارلار. بو واقالارینگ کَن بُلِگی حَضیرکی ترکیه، یونان و ایتالیا دُولِتلِرینینگ سِرحِتلِرینده بُلوپ گِچیَردی.
لوقا کِلیسالارینگ ایر دُووردَکی تاریخینی بِیان اِتمِک بیلِن، مُقادِّس یازغیلارداقی واعدالارینگ بِرجای بُلاندیغینی آیراتین بِلِّیَر. اُل مُقادِّس روحونگ گویجونینگ و دُغالارینگ، قاریپ-قاسارلارا یاردیم بِرمِگینگ نَدِرِجِده واجیپدیغینی اُقیجیلارینا دوشونمَگه کُمِک اِدیَر.
ماضمونی
رِسول‍لارا مُقادِّس روح اینیَر ۱:۱–۲:۴۷
اورشلیمدَکی کِلیسا۳:۱–۸:۳
خوش خابار یهودیه بیلِن سامِره‌ده واغیظ اِدیلیَر ۸:۴–۹:۳۱
خوش خابار بیگانه خالقلارا واغیظ اِدیلیَر ۹:۳۲–۱۵:۳۵
خوش خابار آناتولیا، یونانا و روما باریپ یِتیَر ۱۵:۳۶–۲۸:۳۱
Currently Selected:
رِسول‍لار تانیشلیق: TUKIR
Highlight
Share
Copy
Want to have your highlights saved across all your devices? Sign up or sign in
© Turkmen Truth