یوحنا 21

عیسی دِریانینگ کِناریندا

1بو واقالاردان سُنگ، عیسی تیبِریه دِریاسینینگ#۲۱‏:۱ تیبِریه دِریاسی – بو جلیل دِریاسینینگ بِیلِکی آدی کِناریندا یِنه شَگیرتلِرینه گُروندی.‏ بو شِیله بُلدی:‏

2شمعون پِطرُس، اِکیز لاقابلی توما، جلیل‌ینگ قانا شَهریندِن بُلان ناتاناییل، زِبِدینینگ اُغول‍لاری و عیسانینگ شَگیرتلِریندِن یِنه ایکیسی بیر یِره اویشوپدیلِر.‏ 3شمعون پِطرُس اُلارا:‏ ‏«‏مِن بالیق توتماغا گیدیَرین»‏ دییدی.‏ اُلار-دا:‏ ‏«‏بیز هِم سِنینگ بیلِن گیتجِک»‏ دییدیلِر-ده، قاییقا مینیپ گیتدیلِر، یُنه شُل گیجه هیچ زات توتوپ بیلمِدیلِر.‏

4گون دُغاندا، عیسی کِناردا دوردی، یُنه شَگیرتلِری اُنونگ عیسادیغینی بیلمِدیلِر.‏ 5عیسی اُلاردان:‏ ‏«‏اِی دُستلار، اییمَگه زادینگیز بارمی؟»‏ دییّپ سُرادی.‏ اُلار:‏ ‏«‏یُق»‏ دییّپ جُغاپ بِردیلِر.‏ 6عیسی اُلارا:‏ ‏«‏تُرونگیزی قاییقینگ ساغ طارافینا زینگینگ، توتارسینگیز»‏ دییدی.‏ اُلار تُری ساغ طارافا زینگدیلار و شِیله بیر کَن بالیق توتدولار، حتّیٰ بالیغینگ کَنلیگیندِن یانگا تُری چِکیپ چیقاریبام بیلمِدیلِر.‏ 7شُندا عیسانینگ سُیگولی شَگیردی پِطرُسا یوزلِنیپ:‏ ‏«‏بو عیسادیر!‏»‏ دییدی.‏ شمعون پِطرُس اُنونگ عیسادیغینی اِشیدِن واقتینا اِگنیندَکی کُینِگینینگ اِتِگینی قوشاغینا قیسدیریپ، اُزونی دِریایا اُقلادی.‏ 8بِیلِکی شَگیرتلِر بُلسا بالیقدان دُلی تُری چِکیپ، قاییق بیلِن گِلدیلِر.‏ اُلار کِناردان اوزاق دَلدیلِر، اُنونگ ایکی یوز قادام مِزِنّه قُلاییندادیلار.‏

9اُلار قوری یِره چیقانلاریندا، چُرِک و کُزونگ اوستونده بیشیپ دوران بالیقی گُردولِر.‏ 10عیسی اُلارا:‏ ‏«‏ایندی توتان بالیقلارینگیزدان گِتیرینگ»‏ دییدی.‏ 11شمعون پِطرُس قاییقا مینیپ، ایچینده یوز اِلّی اوچ سانی اولاقان بالیقدان دُلی تُری کِنارا چیقاردی.‏ بالیق شِیله کَن بُلسا-دا، تُر ییرتیلماندی.‏ 12عیسی اُلارا:‏ ‏«‏هانی، گِلینگ، صُبحانا اییّنگ»‏ دییدی.‏ اُندان:‏ ‏«‏سِن کیم؟»‏ دییّپ سُراماغا شَگیرتلِرینگ هیچ بیری یورِک اِدیپ بیلمِدی.‏ اُلار اُنونگ عیسادیغینی بیلیَردیلِر.‏ 13عیسی اُلارینگ یانینا گِلدی-ده، چُرِگی آلیپ، اُلارا بِردی، بالیغی هِم شِیله اِتدی.‏ 14بو عیسانینگ دیرِلِندِن سُنگ، شَگیرتلِرینه اوچونجی گِزِک گُرنوشیدی.‏

عیسانینگ پِطرُس بیلِن گورلِشمِگی

15اُلار صُبحانا اییّپ بُلانلاریندان سُنگ، عیسی شمعون پِطرُسدان:‏ ‏«‏اِی یونانینگ اُغلی شمعون، سِن مِنی بولاردان کَن سُییَرسینگمی؟»‏ دییّپ سُرادی.‏ شمعون اُنگا:‏ ‏«‏هاووا، اِی آقام، سِنی سُییَندیگیمی اُزونگ بیلیَنسینگ»‏ دییدی.‏ عیسی اُنگا:‏ ‏«‏قوزولاریمی اییمله»‏ دییدی.‏ 16عیسی ایکینجی گِزِک اُندان یِنه:‏ ‏«‏اِی یونانینگ اُغلی شمعون، سِن، حاقیقاتدان هِم، مِنی سُییَرسینگمی؟»‏ دییّپ سُرادی.‏ اُل هِم عیسی:‏ ‏«‏هاووا، اِی آقام، سِنی سُییَندیگیمی اُزونگ بیلیَنسینگ»‏ دییّپ جُغاپ بِردی.‏ عیسی اُنگا:‏ ‏«‏قُیونلاریمی باق»‏ دییدی.‏ 17عیسی یِنه-ده اُندان:‏ ‏«‏اِی یونانینگ اُغلی شمعون، مِنی سُییَرسینگمی؟»‏ دییّپ، اوچونجی گِزِک سُرادی.‏ عیسانینگ ‏«‏مِنی سُییَرسینگمی؟»‏ دییّپ اوچونجی گِزِک سُرانی اوچین، پِطرُس ناراحات بُلدی.‏ اُل عیسی:‏ ‏«‏اِی آقام، سِن هِمّه زادی بیلیَنسینگ، سِنی سُییَنیمی-ده بیلیَنسینگ»‏ دییدی.‏ عیسی اُنگا:‏ ‏«‏قُیونلاریمی اییمله.‏ 18مِن سانگا دُغروسینی آیدیارین، یاشقانگ اُزونگ بیلینگی قوشاپ، ایسلَن یِرینگه گیدیَردینگ.‏ اِمّا قارّییاندا، اِل‍لِرینگی اوزادیپ دورانسینگ، سِنی باشغا بیری بیلینگی قوشاپ بِریپ، ایسلِمِیَن یِرینگه آلیپ گیدِر»‏ دییدی.‏ 19عیسی بولاری پِطرُسینگ نَهیلی اُلوم بیلِن اُلوپ، خودایی بِییکلِندیرجِکدیگینی بیلدیرمِک اوچین آیتدی.‏ مونی آیداندان سُنگرا اُنگا:‏ ‏«‏مِنینگ ایزیما دوش»‏ دییدی.‏

20پِطرُس ایزینا سِراِدِنده، عیسانینگ سُیگولی شَگیردینینگ هِم اُز ایزلارینا دوشوپ گِلیَنینی گُردی.‏ بو شَگیرت شام واقتیندا عیسانینگ قاپدالیندا یاپلانیپ، اُندان:‏ ‏«‏اِی آقام، سانگا خایینلیق اِتجِک آدام کیم؟»‏ دییّپ سُران شَگیرتدی.‏ 21پِطرُس اُنی گُروپ، عیسادان:‏ ‏«‏اِی آقام، اُنونگ قیسماتی نَهیلی بُلار؟»‏ دییّپ سُرادی.‏ 22عیسی اُنگا:‏ ‏«‏سِنینگ نَمه ایشینگ بار اُزوم دُلانیپ گِلیَنچَم، اُنونگ دیری قالماغینی ایسلِیَن بُلسام؟ سِن مِنینگ ایزیما دوش»‏ دییّپ جُغاپ بِردی.‏ 23شو سِبَپدِن دُغانلارینگ آراسیندا بو شَگیرت اُلمِز دییِن گورّونگ یایرادی.‏ اِمّا عیسی اُنونگ اُلمِجِکدیگی بارادا آیتماندی، اُل پِطرُسا دینگه:‏ ‏«‏سِنینگ نَمه ایشینگ بار اُزوم دُلانیپ گِلیَنچَم، اُنونگ دیری قالماغینی ایسلِیَن بُلسام؟»‏ دییّپدی.‏

24بو زاتلارا شاهات بُلوپ، شولاری یازان شُل شَگیرتدیر.‏ بیز اُنونگ شاهاتلیغینینگ حاقیقاتدیغینی بیلیَریس.‏

25عیسی باشغا-دا کَن ایشلِر اِتدی.‏ بولار یِکه-یِکه یازیلان بُلسا، اُندا اُل یازغیلار، مِنینگ فیکریمچه، هِمّه عالِمه-ده سیغمازدی.‏

Currently Selected:

یوحنا 21: TUKIR

Highlight

Copy