رِسول‍لار 1
1
عیسی مُقادِّس روحی واعدا بِریَر
1اِی تیوفلِس! مِن بیرینجی کیتابیمدا عیسانینگ تا آسمانا گُتِریلِن گونونه چِنلی باشدان-آیاقا بیتیرِن و اُورِدِن هِمّه ایشلِری بارادا یازدیم. 2اُل آسمانا گُتِریلمِزدِن اُنگ، مُقادِّس روحونگ اوستو بیلِن اُز سایلان رِسول‍لارینا تابشیریقلار بِردی. 3عیسی عاذاپ چِکیپ اُلِندِن سُنگ، بیرنَچه ایناندیریجی دِلیل‍لِر بیلِن رِسول‍لارا دیرِلِندیگینی اَشکَر اِتدی. اُل قیرق گونونگ دُوامیندا اُلارا گُرنوپ، خودایینگ پادیشاهلیغی بارادا گورّونگ بِردی. 4بیر گون عیسی اُلار بیلِن اُتیرقا، شِیله تابشیریق بِردی: «اورشلیمدِن گیتمَنگ، مِنینگ اُوال آیدیشیم یالی، آتامینگ واعدا بِرِن واعداسینا قاراشینگ. 5چونکی یحیی سیزی سووا تَعمیدلَپدی، اِمّا یِنه بیرنَچه گوندِن سیز مُقادِّس روحا تَعمیدلِنِرسینگیز.»
عیسی آسمانا گُتِریلیَر
6رِسول‍لار بیر یِره اویشِنلِرینده، عیسادان: «اِی آقام! شُندا اسرائیل پادیشاهلیغینی دیکِلتمَگه واقت بُلمادیمی نَمه؟» دییّپ سُرادیلار. 7عیسی اُلارا: «آتامینگ اُز ایختییاری بیلِن بِلَّن واقتینی یا زامانینی بیلمِک سیزینگ ایشینگیز دَل. 8اِمّا سیزینگ اوستونگیزه مُقادِّس روح اینِنده، گویچ-قودراتدان دُلارسینگیز. اورشلیمده، تامام یهودیه‌ده و سامِره‌ده، یِر یوزونینگ دُرت بورجیندا سیز مِنینگ شاهاتلاریم بُلارسینگیز» دییّپ جُغاپ بِردی.
9عیسی بولاری آیداندان سُنگرا، رِسول‍لار باقیپ دورقا، بیر بولوتدا یُقاری گُتِریلدی. 10موندان سُنگ رِسول‍لار اُنی گُرمِسِلِر-ده، هِنیزِم گُزلِرینی آسمانا تیکیپ دوردیلار. بیردِن آق لِباسلی ایکی آدام اُلارینگ یانیندا گُروندی. 11اُلار: «اِی جلیل‌لیلِر! نَمه اوچین آسمانا باقیپ دورسونگیز؟ عیسانینگ آسمانا گُتِریلِنینی گُزونگیز بیلِن گُردونگیز آخیری. اُل آسمانا نَهیلی گُتِریلِن بُلسا، اِدیل شُنونگ یالی هِم قایدیپ گِلِر» دییدیلِر.
یهودانینگ یِرینه مِتیاس سایلانیار
12موندان سُنگرا رِسول‍لار زِیتون داغیندان اورشلیمه قایدیپ گِلدیلِر. بو داغ اورشلیمه یاقین بُلوپ، بیر سَبَّت گونلوک یُلدی#۱:۱۲ بیر سَبَّت گونلوک یُل – دینی شِریغاتا گُرَه سَبَّت گونی دینگه بیر کیلومِتر یُل یُریمَگه اِجازا بِرلِندی.. 13شَهره گیرِنلِریندِن سُنگ، اُلار اُز بُلیان اُیلِرینینگ یُقارقی مِرتِبه‌دَکی اُتاقینا چیقدیلار. پِطرُس، یوحنا، یعقوب، آندرِیاس، فیلیپُس، توما، بارتولما، مَتّیٰ، حَلفینینگ اُغلی یعقوب، قایراتلی شمعون و یعقوبینگ اُغلی یهودا هِم شُل یِردِدیلِر. 14اُلارینگ هِمّه‌سی بیر یِره اویشوپ، ایزینی اوزمَن دُغا اِدیَردیلِر. اُلارینگ آراسیندا آیال‍لار هِم عیسانینگ اِنه‌سی مریم و عیسانینگ دُغانلاری هِم باردی.
15بیر گون پِطرُس یوز ییگریمَه قُلای ییغنانیشان ایماندارلارینگ اُرتاسیندا دوروپ، شِیله دییدی: 16«اِی عزیزلِر! عیسانی توتماغا گِلِنلِره یُلباشچیلیق اِدِن یهودا حاقدا مُقادِّس روح داوودونگ اوستو بیلِن اُزال-باشدان آیدیلیپدی. مُقادِّس یازغیلارداقی شُل سُزلِر تاماملانمالیدی. 17یهودا بیزینگ بیریمیز حاساپلانیاردی، اُل هِم بو خیدماتدان اُز پایینی آلیپدی.»
18(یهودا خایینلیق اِدیپ قازانان پولونا بیر اِکینچیلیگینینی ساتین آلیپدی. سُنگرا شُل یِرده باشاشاق ییقیلدی و قارنی یاریلیپ، هِمّه ایچِگِسی چُغوپ چیقدی. 19بو واقا تامام اورشلیم ایلاتینا معلیم بُلدی و آداملار اُل یِری اُز دیلینده «حَقِل‌دِما»، یَعنی «قان یِری» دییّپ آدلاندیردیلار).
20سُنگرا پِطرُس سُزونی دُوام اِدیپ، شِیله دییدی: «زِبور کیتابیندا:
”قُی، اُنونگ اُیی خاراپلانیپ قالسین،
اُل یِرده هیچ کیم مِسکِن توتماسین“،#زِبور ۶۹:۲۵
شِیله هِم:
”باشغا بیری اُنونگ جاینی آلسین“، دییلیپ یازیلان.#زِبور ۱۰۹:۸
21-22شُنونگ اوچین هِم، یهودانینگ جاینا باشغا بیرینی سایلاماغیمیز گِرِک. بو آدام تانگریمیز عیسانینگ یحیی طارافیندان سووا تَعمیدلِندیرلیپ، تا آسمانا گُتِریلِن واقتینا چِنلی هِمیشه بیزینگ آرامیزدا بیله بُلان آداملارینگ بیری بُلمالی. اُل هِم بیزینگ یالی عیسانینگ دیرِلِندیگینه شاهاتلیق اِتسین.»
23شِیلِلیکده، ایکی آدامی اُوه چیقاردیلار. اُلارینگ بیری بارسابا لاقابی یوسف (اُنگا یوستوس هِم دییَّردیلِر)، بِیلِکیسی بُلسا مِتیاسدی. 24اُنسُنگ دُغا اِدیپ: «یا خودای، سِن هِمّه‌سینینگ یورِگینی بیلیَرسینگ. اینه، شو ایکیسیندِن هایسی بیرینی رِسولّیغا سایلان بُلسانگ، بیزه گُرکِز، 25سِبَبی یهودا اِتمِلی خیدماتینی قُیوپ، اُزونه لاییق یِره گیتدی» دییدیلِر. 26اُنسُنگ بو ایکیسی اوچین قُرعه آتدیلار. مِتیاسینگ قُرعه‌سی چیقدی. شِیلِلیکده، مِتیاس اُنبیر رِسولا قُشولدی.
Currently Selected:
رِسول‍لار 1: TUKIR
Highlight
Share
Copy
Want to have your highlights saved across all your devices? Sign up or sign in
© Turkmen Truth
