གསུང་མགུར 115
115
དཀོན་མཆོག་བདེན་པ་གཅིག་རང་།
1ཁྱེད་གཅིག་པོ་ཀྱེ་དཀོན་མཆོག་ཁྱེད་མ་གཏོགས་ང་ཚོར་མིན།
ཁྱེད་ཀྱི་རྒྱུན་ལྡན་ཐུགས་བརྩེ་དང་དམ་ཚིག་ཕྱིར་གཟི་བརྗིད་ཐོབ།
2ཁྱོད་ཚོའི་དཀོན་མཆོག་གང་དུ་ཡོད་ཟེར་ཞིང་། ཅི་ལ་མི་རིགས་དེ་ཚོས་ང་ཚོར་དྲིས།
3ང་ཚོའི་དཀོན་མཆོག་མཐོ་རིས་སུ་བཞུགས་པ་དང་། རང་གི་ཐུགས་འདོད་བཞིན་དུ་ཁོང་གིས་གནང་།
4དེ་ཚོའི་ལྷ་རྣམས་མི་ཡིས་ལག་པས་གསེར་དང་དངུལ་གྱིས་བཟོས་པ་ཡིན།
5དེ་ཚོར་ཁ་ཡོད་ཀྱང་སྨྲ་མི་ཐུབ། དེ་ཚོར་མིག་ནི་ཡོད་ཀྱང་མཐོང་མི་ཐུབ།
6དེ་ཚོར་རྣ་ཡོད་ཀྱང་ཐོས་མི་ཐུབ། སྣ་ནི་ཡོད་ཀྱང་དེ་ཚོས་སྣུམ་མི་ཐུབ།
7དེ་ཚོར་ལག་པ་ཡོད་ཀྱང་ཚོར་མི་ཐུབ། རྐང་པ་ཡོད་ཀྱང་དེ་ཚོ་འགྲུལ་མི་ཐུབ།
དེ་ཚོས་སྒྲ་ཆུང་ཆུང་ཀྱང་འདོན་མི་ཐུབ།
8སྐུ་འདྲ་དེ་ཚོ་བཟོས་མཁན་དང་དེ་ཚོར་བློ་བཅོལ་བྱེད་ནི། དེ་ཚོ་ཚང་མ་སྐུ་འདྲ་བཞིན་དུ་འགྱུར།
9ཨིསི་རཱཨེལ་གྱི་མི་མང་ཁྱོད་ནི་གཙོ་བོ་དཀོན་མཆོག་བློ་བཅོལ་ཞིག།
ཁོང་གིས་ཁྱོད་ཚོར་སྐྱབས་གྲོགས་དང་སྲུང་སྐྱོབ་གནང་ངོ།
10དཀོན་མཆོག་ཁོང་གི་བླ་མ་རྣམས། གཙོ་བོ་དཀོན་མཆོག་ཁོང་ལ་བློ་བཅོལ་ཞིག།
ཁོང་གིས་ཁྱོད་ཚོར་སྐྱབས་གྲོགས་དང་སྲུང་སྐྱོབ་གནང་ངོ།
11ཁོང་ལ་མཆོད་པ་འབུལ་མཁན་ཚང་མ་གཙོ་བོ་དཀོན་མཆོག་ལ་བློ་བཅོལ་ཞིག།
ཁོང་གིས་ཁྱོད་ཚོར་སྐྱབས་གྲོགས་དང་སྲུང་སྐྱོབས་གནང་ངོ།
12གཙོ་བོ་དཀོན་མཆོག་ཁོང་གིས་ང་ཚོར་དྲན་ཞིང་བྱིན་རླབས་གནང་བར་འགྱུར།
ཁོང་གིས་ཨིསི་རཱཨེལ་གྱི་མི་མང་དང་། དཀོན་མཆོག་གི་བླ་མ་ཡོངས་ལ་བྱིན་རླབས་གནང་བར་འགྱུར།
13ཁོང་གིས་ཆེ་ཆུང་མེད་པར་ཁོང་ལ་གུས་བཀུར་ཞུ་མཁན་ཚོར།
དེ་ཚོར་ཁོང་གིས་བྱིན་རླབས་གནང་བར་འགྱུར།
14ཁྱོད་དང་ཁྱོད་ཀྱི་རིགས་བརྒྱུད་རྣམས་ལ་ནི།
གཙོ་བོ་དཀོན་མཆོག་ཁོང་གིས་བུ་ཕྲུག་གནང་བར་ཤོག།
15མཐོ་རིས་དང་ནི་ས་གཞི་བཀོད་མཁན་གྱིས། ཁོང་གིས་ཁྱོད་ཚོར་བྱིན་རླབས་གནང་བར་ཤོག།
16མཐོ་རིས་ནི་གཙོ་བོ་དཀོན་མཆོག་ཁོང་གཅིག་པོའི་ཡིན།
འོན་ཀྱང་ཁོང་གིས་ས་གཞི་འདི་ནི་མི་ཚོར་གནང་།
17གཤིན་ཁམས་སུ་འགྲོ་མཁན་གཤིན་པོས།
དེ་ཚོ་སུ་ཞིག་གིས་གཙོ་བོ་དཀོན་མཆོག་ཁོང་ལ་བསྟོད་མི་ཡོང་།
18འོན་ཀྱང་ང་ཚོ་གསོན་པོས་ད་ནས་དུས་རྒྱུན་དུ། ཁོང་ལ་གཏང་རག་འབུལ།
གཙོ་བོ་དཀོན་མཆོག་ཁོང་ལ་བསྟོད་བསྔོགས་ཤིག།
Currently Selected:
གསུང་མགུར 115: TOT11
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Tibetan Old Testament © Bible Society of Nepal, 2011.